വെയില്

ടെട്രിസിന് ഇരുപത്തഞ്ച് വയസ്സ്

2009-06-06T08:30:00.006+05:30

കഴിഞ്ഞ രണ്ടുമാസക്കാലം എന്റെ സമയം മുഴുവനായി അപഹരിച്ച ഒരു കളിയാണ് ടെട്രിസ്.ടെട്രിസ് കളിച്ചുകളിച്ച് എനിക്ക് ടെട്രിസ് ബാധയുണ്ടായി.കളി കഴിഞ്ഞ് റോഡിലൂടെ പോകുമ്പോഴും പല ആകൃതികളില്‍ കിടക്കുന്ന വസ്തുക്കളേയും മനുഷ്യരേയും ചേര്‍ത്തു നിര്‍ത്തി ഒരു വരി തികയ്ക്കാന്‍ പറ്റുമോ എന്നായി എന്റെ വിഭ്രമം.ചെസ്സ് കളി കുറച്ചു ദിവസം തുടരുമ്പോഴും ഇത്തരമൊരു വിഭ്രമം എനിക്കുണ്ടായിട്ടുണ്ട്.ചെസ്സുകളിയില്‍ എനിക്കേറ്റവും ഇഷ്ടപ്പെട്ട കരുനീക്കം കുതിര തന്നെ.കുതിരയുടെ ആ L ആകൃതിയിലുള്ള ചാട്ടവും എതിരാളിയുടെ ഏതെങ്കിലും കരുവിനെ വെട്ടിവീഴ്ത്തലും എന്റെ മനസ്സില്‍ പതിഞ്ഞുകിടക്കും.കളി കഴിഞ്ഞ് പുറത്തിറങ്ങിയാല്‍ ലോകം ഒരു ചെസ്സ്ബോഡാവും.അതില്‍ ഒരു നാലാളെ അടുപ്പിച്ചു കിട്ടിയാല്‍ ഒരു കുതിരനീക്കം ആയി.L ആകൃതിയില്‍ നില്‍ക്കുന്ന നാലാളുകളില്‍ ഒരറ്റത്തു നില്‍ക്കുന്ന ആളെ മറ്റെ അറ്റത്തുള്ള ആളെക്കൊണ്ട് ഞാന്‍ വെട്ടി വീഴ്ത്തും.

ഒരു പക്ഷെ കമ്പ്യൂട്ടറില്‍ ഞാനാദ്യം കളിച്ചതും ടെട്രിസ് ആവാം.ഇന്ന് ഗൂഗിള്‍ ഹോം പേജ് നോക്കുമ്പോഴാണ് ടെട്രിസിന് ഇരുപത്തഞ്ചു വയസ്സായെന്ന് അറിയുന്നത്.2007ല്‍ ഐ.ജി.എന്‍ തെരഞ്ഞെടുത്ത എക്കാലത്തേയും 100വീഡിയോ ഗെയിമുകളില്‍ രണ്ടാം സ്ഥാനത്തേക്ക് ടെട്രിസ് തെരഞ്ഞെടുക്കപ്പെട്ടത് ഈ കളിയുടെ ജനപ്രിയത വ്യക്തമാക്കുന്നു.

1984 ജൂണ്‍ ആറിന് അലെക്സെ പജിത്‌നോവ് എന്നയാളാണ് ഈ ഗെയിം സൃഷ്ടിച്ചത്.അദ്ദേഹം അക്കാലത്ത് യു.എസ്.എസ് ആറിലെ മോസ്കോയിലുള്ള USSRശാസ്ത്ര അക്കാദമിയില്‍ ജോലി ചെയ്യുകയായിരുന്നു.ടെട്രിസിലെ വന്നുവീഴുന്ന കഷ്ണങ്ങള്‍ നാലുകഷ്ണങ്ങള്‍ ചേര്‍ന്ന മട്ടിലാനല്ലോ.ഇവZSTLJO I എന്നീ ആകൃതികളിലാണ് ഉള്ളത്.
ഈ നാലിനെ സൂചിപ്പിക്കുന്ന ടെട്ര എന്ന ഗ്രീക്കു പദവും തന്റെ ഇഷ്ടകളിയായ ടെന്നീസും ചേര്‍ത്താണ് ടെട്രിസ് എന്ന് താന്‍ സൃഷ്ടിച്ച കളിക്ക് പജിത്‌നോവ് പേരിടുന്നത്.

ഇന്നിപ്പോള്‍ മൊബൈലുകളിലും ഓപ്പറേറ്റിങ് സിസ്റ്റത്തോടൊപ്പവുമൊക്കെ ടെട്രിസ് ലഭിക്കുന്നുണ്ട്.ടെട്രിസ് ഉണ്ടാക്കിയ കാലത്ത് അന്നത്തെ റഷ്യയില്‍ ബൌദ്ധികസ്വത്തവകാശം നിര്‍വചിക്കപ്പെട്ടിട്ടില്ലാതിരുന്നതിനാല്‍ ഇത് വില്‍ക്കുവാന്‍ സാധിച്ചിരുന്നില്ല.പജിത്‌നോവും സുഹൃത്തുക്കളും ടെട്രിസ് സൌജന്യമായി വിതരണം ചെയ്യാന്‍ തീരുമാനിച്ചു.വളരെവേഗം ടെട്രിസ് റഷ്യയില്‍ പ്രചരിച്ചു.സൌജന്യമായി വിതരണം ചെയ്യപ്പെട്ട ടെട്രിസിന്റെ പി.സി പതിപ്പ് ടെട്രിസിനെ യു.എസ്.എസ്.ആറിനു പുറത്തും എത്തിച്ചു.ഒരു വിദേശകമ്പനി ടെട്രിസിന്റെ ലൈസന്‍‌സില്‍ താത്പര്യം പ്രകടിപ്പിച്ച.1988ല്‍ യു.എസ്.എസ്.ആര്‍ ഗവണ്‍‌മെന്റ് ടെട്രിസിന്റെ വിതരണാവകാശം വിപണനം ചെയ്യാന്‍ Elektronorgtechnicaഎന്നൊരു സംഘടനയെ ഏല്‍പ്പിച്ചു.പജിത്നോവ് തന്റെ അവകാശം പത്തുവര്‍ഷത്തേക്ക് ഗവണ്മെന്റിനു കൈമാറി.1989ല്‍ ആറോളം കമ്പനികള്‍ ടെട്രിസ് നിര്‍മിക്കാനും വിതരണം ചെയ്യാനും അവകാശം പറഞ്ഞ് രംഗത്തു വന്നു.പജിത്‌നോവ് 1991ല്‍ യു.എസ്.എയിലേക്ക് പോയി.ടെട്രിസ് പല നിയമപ്രശ്നങ്ങളിലും ചെന്നുപെട്ടു.1996ല്‍ ടെട്രിസിന്റെ അവകാശം റഷ്യന്‍ ഗവണ്മെന്റില്‍ നിന്ന് പജിത്‌നോവില്‍ തിരിച്ചെത്തി.ഇക്കാലമത്രയും പജിത്നോവിന് ടെറ്റ്രിസില്‍ നിന്ന് കാര്യമായി സമ്പാദിക്കാനൊന്നുമായില്ല.ആ വര്‍ഷം ടെട്രിസ് കമ്പനി രൂപീകരിച്ചു.ടെട്രിസില്‍ നിന്ന് വരുമാനമുണ്ടാക്കുകയായിരുന്നു ലക്ഷ്യം.ടെട്രിസിനോട് സാദൃശ്യമുള്ള ധാരാളം കളികള്‍ ഇന്ന് നെറ്റില്‍ ലഭ്യമാണ്.

ടെട്രിസിനെക്കുറിച്ചറിയാന്‍ ഇവിടെ .
അലെക്സെ പജിത്നോവിനെകുറിച്ച് ഇവിടെ.
ടെട്രിസ് ഉണ്ടാക്കാന്‍ പ്രാരംഭത്തില്‍ സഹകരിച്ചതായി അവകാശപ്പെടുന്ന ഒരാളുടെ ലേഖനം ഇവിടെ വായിക്കാം.
ഞാന്‍ കളിച്ചിരുന്ന ടെട്രിസിന്റെ (ടെട്രിസ് അല്ല )രൂപം
ടെട്രിസിന്റെ കഥ ഇവിടെയും .

(ചിത്രങ്ങള്‍ക്കും വിവരങ്ങള്‍ക്കും നെറ്റിലെ വിവിധസൈറ്റുകള്‍ക്ക് കടപ്പാട്)

സ്വെയ്ന്‍ ബിര്‍ക്കറിന്റെ ഫോട്ടോ പ്രൊജക്റ്റ്

2009-06-05T23:45:00.002+05:30

ഈ ബ്ലോഗില്‍ മുന്‍പും ചില ഫോട്ടോ പ്രൊജക്റ്റുകള്‍ വിഷയമാ‍യിട്ടുണ്ട്.സ്വെയ്ന്‍ ബിര്‍ക്കറിന്റെ ഫൊട്ടോപ്രൊജക്റ്റ് മുന്‍പേ കണ്ടവരുണ്ടാവാം.ഞാനിപ്പോഴാണ് കാണുന്നത്.കാണാത്തവരുമായി പങ്കുവെക്കാം എന്നു കരുതിയാണ് ഈ പോസ്റ്റ്.ബിര്‍ക്കര്‍ 1976ലാണ് ജനിച്ചത്.താന്‍ ജനിച്ച വര്‍ഷവുമായി ബന്ധപ്പെട്ട ചിത്രങ്ങളുടെ ഒരു ശേഖരമാണ് അവരുടെ പ്രൊജക്റ്റ് .മഡോണ,മാര്‍ഗരറ്റ് താച്ചര്‍,ചെയര്‍മാന്‍ മാവോ,തുടങ്ങിയവരുടെ ചിത്രങ്ങള്‍ ആദ്യപേജില്‍ കാണാം.ആ വര്‍ഷം താച്ചര്‍ അവരുടെ വിവാഹജീവിതത്തിന്റെ ഇരുപത്തഞ്ചാം വാര്‍ഷികം ആഘോഷിക്കുകയായിരുന്നു.മാവോ മരിച്ചതും ആ വര്‍ഷമായിരുന്നു.അഗതാ ക്രിസ്റ്റിയും ആ വര്‍ഷം മരിച്ചവരില്‍ പെടുന്നു.

76ല്‍ ഇറങ്ങിയ മാസികകളുടെ കവറുകള്‍,തെരുവു കാഴ്ച്ചകള്‍(ഹരേകൃഷ്ണ പ്രസ്ഥാനക്കാരുടെ ഘോഷയാത്ര,അക്കാലത്തെ ന്യൂയോര്‍ക്ക് പോലീസ് തുടങ്ങി പ്രസക്തമെന്ന് തോന്നുന്ന പല ചിത്രങ്ങളും ഈ പ്രൊജക്റ്റില്‍ കാണാം..

IBM സീരീസ് ഒന്ന് എന്ന പൊതു ആവശ്യങ്ങള്‍ക്കുള്ള ചെറിയ കമ്പ്യൂ‍ട്ടര്‍ ഇറങ്ങുന്നതും ആ വര്‍ഷമാ‍ണ്.കലാപങ്ങളുടേയും കെടുതികളുടേയും ചിത്രങ്ങളും കൂട്ടത്തിലുണ്ട്.

എന്തെല്ലാം സംഗതികള്‍ കൊണ്ടാവും ഒരുവര്‍ഷം ചരിത്രത്തില്‍ ഇടം പിടിക്കുക...ഇത്രയൊക്കെ കണ്ടു കഴിയുമ്പോള്‍ സ്വാഭാവികമായും ഒരു ഗൂഗിള്‍ ചിത്ര തെരച്ചില്‍ എങ്ങനെ നടത്താതിരിക്കും?

ഞാന്‍ ജനിച്ച വര്‍ഷം(1972)എന്തെല്ലാം സംഭവങ്ങളാണ് ചിത്രമായിട്ടുള്ളത്.ഒരു കൌതുകത്തിനു നോക്കി:

1972നെ കുറിച്ചുള്ള ചിത്രങ്ങള്‍ വന്നുപെട്ടതിലൂടെ പോയപ്പോള്‍ ഒരു സൈറ്റിലും ചെന്നുപെട്ടു.ബിര്‍ക്കറിന്റെ പ്രൊജക്റ്റ് ഒന്ന് കണ്ടുനോക്കൂ.നിങ്ങള്‍ക്കും ഒന്ന് തുടങ്ങണമെന്ന് തോന്നുന്നില്ലേ??

ചിത്രങ്ങള്‍ ക്രമമായി:
1)ഡ്രാക്കുള 1972 എന്ന സിനിമ
2)പ്രസിദ്ധമായ വിയറ്റ്നാം ചിത്രം
3)1972ല്‍ ഇറങ്ങിയ ഒരു ഹിന്ദിചിത്രം,
4)അപ്പോളോ 16
5)മൈക്കേല്‍ ജാക്സന്‍ 1972ല്‍
6)ബേനസീര്‍ ഇന്ത്യ സന്ദര്‍ശിച്ചപ്പോള്‍ അന്നത്തെ ഇന്ത്യന്‍ വിദേശകാര്യമന്ത്രി സ്വരണ്‍ സിങിനോടൊപ്പം

വീഴ്ച്ച

2009-05-28T14:40:00.000+05:30

Hauschka - Morgenrot from Jeff Desom on Vimeo.

സൌജന്യ ഇ-പുസ്തകങ്ങള്‍

2008-07-21T13:45:00.000+05:30

clipped from theseus.posterous.com

1 world public library
2 classic literature (10.000+)
3 technical e-books (5.000+)
4 sacred religious texts
5 gigantic much more

6 gutenberg project
7 gutenberg top 100 download
8 gutenberg recent
9 gutenberg audio books
10 gutenberg2msreader

11 internet archive texts
12 recent additions
13 american libs (200.000+)
14 canadian libs (125.000+)
15 universal library (30.000+)

16 arxiv (+480.000)
17 IPL (20.000+)
18 Penns. books (16.000+)
19 alex catalogue (14.000+)
20 bartleby
21 bibliomania (2.000+)
22 free novels online
23 universal digital library
24 cornell library
25 wikibooks
26 scribd
27 many books
28 2020ok
29 Planet ebook
30 memoware
31 pagebypage
32 globusz
33 digital classics
34 online books 4 free
35 freeonlinebooks
36 great books & classics
37 free online novels
38 neverbound books
39 readeasily
40 eserver
41 alive and free
42 MS reader books
43 readprint

44 elfwood
45 bean free library
46 fanfiction.net
47 fictionpress
48 fictionalley
49 subreality

50 storiesville
51 bitbooks

തീമഴവില്ല്/ഹാലോ

2008-07-21T12:11:00.003+05:30

പേരു സൂചിപ്പിക്കും പോലെ തീയുമായോ മഴവില്ലുമായോ ബന്ധമൊന്നുമില്ലെങ്കിലും മഴവില്‍ നിറങ്ങള്‍ പടര്‍ന്നുകിടക്കുന്ന മേഘങ്ങള്‍ കണ്ടാല്‍ അവയ്ക്ക് തീ പിടിച്ചതാണോ എന്ന് തോന്നാം.ഹലോ എന്ന പേരില്‍ വിളിക്കപ്പെടുന്ന ഈ പ്രതിഭാസത്തെകുറിച്ച് കൂടുതല്‍ അറിയാന്‍ ഈ പേജുകള്‍ നോക്കൂ:

ഒന്ന്

രണ്ട്

മുതലയെ പിടിക്കുന്ന പുള്ളിപ്പുലി

2008-07-21T11:18:00.003+05:30

മുതലയെ പുള്ളിപ്പുലി പിടിക്കുന്ന അപൂര്‍വ കാഴ്ച ഇന്ന് നെറ്റില്‍ കാണാനിടയായി. കാണാത്തവര്‍ക്കായി പങ്കുവെക്കുന്നു.ഇവിടെ നോക്കൂ

സര്‍‌റിയല്‍ ചിത്രങ്ങള്‍

2008-03-09T11:08:00.003+05:30

ജസിക് യെര്‍ക(Jacek Yerk)യുടെ മനോഹരങ്ങളായ കുറച്ച് സര്‍ റിയല്‍ ചിത്രങ്ങള്‍ കാണാനിടയായി.കാണേണ്ടവര്‍ക്ക് ലിങ്ക് നോക്കാവുന്നതാണ്.

ബൂലോകം-2007

2007-12-28T09:26:00.000+05:30

മലയാളം ബ്ലോഗിങ്ങിന്റെ ചരിത്രത്തില്‍ എന്താണ് 2007 ന്റെ പ്രാധാന്യം?അങ്ങനെ വല്ല പ്രാധാന്യവുമുണ്ടോ?ആലോചിച്ചപ്പോള്‍ 2007 എന്ന ഈ വര്‍ഷം മലയാളം ബ്ലോഗുകളെ സംബന്ധിച്ച് സംഭവബഹുലമായ ഒരു വര്‍ഷമായിരുന്നു.

എന്തൊക്കെയായിരുന്നു അവ എന്ന് ഒന്ന് ഓടിച്ചു നോക്കുകയാണിവിടെ.

1)പിന്മൊഴികള്‍ ഗ്രൂപ്പ് നിലയ്ക്കുന്നു.

പിന്മൊഴികള്‍ എന്ന കമന്റ് അഗ്രഗേറ്റിങ് സംവിധാനം അതിന്റെ ശില്പികള്‍ തന്നെ അവസാനിപ്പിക്കാന്‍ തീരുമാനിച്ചു.2005 മെയ് മാസത്തില്‍ ആരംഭിച്ച പിന്മൊഴികള്‍ മലയാളം ബ്ലോഗിങിന്റെ വളര്‍ച്ചയ്ക്ക് വേഗം നല്‍കി. 2007 ജൂണ്‍ 23 ന് പിന്മൊഴികളുടെ പൂട്ടല്‍ പ്രയോഗത്തില്‍ വന്നു.ഇക്കാലമത്രയും മലയാളം ബ്ലോഗിങ്ങിന്റെ നട്ടെല്ലായി അത് നിലനിന്നു.പിന്മൊഴികള്‍ പൂട്ടുന്നത് അന്നത്തെ ബ്ലോഗ് രാഷ്ട്രീയ സാഹചര്യങ്ങള്‍ കൊണ്ടാണെന്ന് പിന്മൊഴി എന്തുകൊണ്ട് ഉപേക്ഷിക്കേണ്ടതാകുന്നു എന്ന ലേഖനത്തിലും കമന്റുകളിലും വ്യക്തമാക്കുന്നുണ്ട്.പിന്മൊഴി ഗ്രൂപ്പിന്റെ പ്രവര്‍ത്തനം നിലച്ചതോടെ കമന്റ് അഗ്രഗേറ്റിങ് സംവിധാനം മറുമൊഴികള്‍ എന്ന പേരില്‍ ഏതാനും ബ്ലോഗേര്‍സ്

പുനഃസ്ഥാപിച്ചു.പിന്മൊഴി ഗ്രൂപ്പിന്റെ പ്രധാന വക്താക്കള്‍ പലരും ഗൂഗിളിന്റെ തന്നെ റീഡര്‍ ഇക്കാലഘട്ടത്തില്‍ കൂടുതല്‍ ഉപയോഗിക്കാന്‍ തുടങ്ങി.പലരുടെ ബ്ലോഗുകളിലും വായനപ്പങ്കുകള്‍(ഷെയേറ്ഡ് ലിസ്റ്റ്കള്‍) പ്രത്യക്ഷപ്പെട്ടു തുടങ്ങി.

ഇങ്ങനെ മറുമൊഴി ഉപയോഗിക്കുന്നവര്‍,റീഡര്‍ ഉപയോഗിക്കുന്നവര്‍ എന്ന് മലയാള ബൂലോകം സാങ്കേതികമായി രണ്ടു ചേരികളായി മാറിയത് ഇക്കാലഘട്ടത്തിലാണ്.

പിന്മൊഴികള്‍ അത് പ്രവര്‍ത്തിച്ചിരുന്ന കാലത്ത് മലയാളം ബ്ലോഗേര്‍സിന് വളരെയധികം ഉപകരിച്ചിരുന്ന ഒരു സങ്കേതമായിരുന്നെങ്കിലും അത് ചോദ്യം ചെയ്യപ്പെടാത്ത തലതൊട്ടപ്പന്മാരെയും അലിഖിത നിയമസംഹിതകളെയും ഉരുത്തിരിച്ചെടുക്കുന്നുണ്ടായിരുന്നു.അതു നിലച്ചത് നന്നായി എന്ന് ആ അര്‍ഥത്തില്‍

മറുമൊഴിയുടെ സ്രഷ്ടാക്കളും പറയുന്നുണ്ടാവും.പിന്മൊഴി ഗ്രൂപ്പില്‍ 855 അംഗങ്ങള്‍ ഉണ്ടായിരുന്നതായി കാണുന്നു.മറുമൊഴിയില്‍ ഇപ്പോള്‍ ഉള്ളത് 341 അംഗങ്ങളാണ്.

2007 അവസാനിക്കാറായ ഈ വേളയില്‍ കൂടുതല്‍ ബ്ലോഗര്‍മാര്‍ റീഡര്‍ ഉപയോഗിക്കാന്‍ തുടങ്ങിയിട്ടുണ്ട്.പല ബ്ലോഗുകളും റീഡറില്‍ സബ്സ്ക്രൈബ് ചെയ്തിരിക്കുന്ന വായനക്കാരുടെ എണ്ണം ചുവടെ:

90 subscribers കൊടകരപുരാണംkodakarapuranam കൊടകര ഷഷ്ഠിക്ക് കാവടി സെറ്റുകള് തമ്മില് ... 1994-95 കാലഘട്ടത്തില് ഞാന് കൊടകര ബാറില് ജോലി ... http://kodakarapuranams.blogspot.com/feeds/posts/default - 0.5 posts per week

53 subscribers കുറുമാന്റെ കഥകള്: എന്റെ യൂറോപ്പ് ... എന്റെ യൂറോപ്പ് സ്വപ്നങ്ങള് - 12. കം വിത് മി പ്ലീസ്. ഒരു പോലീസുകാരനാണ്. ... http://rageshkurman.blogspot.com/feeds/posts/default - 1.2 posts per week

51 subscribers പെരിങ്ങോടന് Posted by പെരിങ്ങോടന് at 1:37:00 PM 11 comments .... പെരിങ്ങോടന്: A blogger who believes blog sociality is all about interaction ... http://peringodan.blogspot.com/feeds/posts/default - 1.6 posts per week

47 subscribers എന്റെ നാലുകെട്ടും തോണിയും ജനല്ക്കമ്പികളില് പല്ലു കൊണ്ട് ചെറുതായി കടിക്കുന്ന എന്റെ ചെറുപ്പത്തിലേയുള്ള ശീലം ... http://entenaalukettu.blogspot.com/feeds/posts/default - 1.4 posts per week

25 subscribers Suryagayatri സൂര്യഗായത്രി Suryagayatri സൂര്യഗായത്രി. This blog is in Malayalam language. To view, please install any Malayalam Unicode font. Eg. AnjaliOldLipi ... http://suryagayatri.blogspot.com/feeds/posts/default - 1.6 posts per week

21 subscribers ദേവരാഗം ദേവരാഗം. Contents of this blog are copyrighted by the author. Any form of reproduction & circulation of the text or photographs published in this ... http://devaragam.blogspot.com/feeds/posts/default - 0.0 posts per week

30 subscribers ഉദയസൂര്യന്റെ നാട്ടില്: ആവ്വൂ ... ഇന്നിപ്പോൾ വക്കാരിമഷ്ടൻ ആ പോരായ്മ നികത്തുന്നുണ്ട്! ബലേ ഭേഷ്! ബൈ ദ വേ, ഈ ‘ബ്രെഡ്ഡിൽ ... http://nilavathekozhi.blogspot.com/feeds/posts/default - 0.5 posts per week

18 subscribers വെള്ളെഴുത്ത് Posted by വെള്ളെഴുത്ത് at 11:30 PM 0 comments ... വെള്ളെഴുത്ത് സ്വല്പം ചിന്തിച്ചാലെന്ത്. ... http://vellezhuthth.blogspot.com/feeds/posts/default - 2.3 posts per week

30 subscribers തുറന്നിട്ട വലിപ്പുകള്: റിച്ചസ്റ്റ് ... തുറന്നിട്ട വലിപ്പുകള്. Thursday, November 15, 2007. റിച്ചസ്റ്റ് പുവറസ്റ്റ്. ഏറ്റവും വലിയ നേട്ടം ... http://valippukal.blogspot.com/feeds/posts/default - 5.4 posts per week

39 subscribers ബെര്ളിത്തരങ്ങള് berlythomas: ബ്ലോഗ് ... ബെര്ലി ഇത്രയും കാലവും ചെയ്തിരുന്നത് ... ബെര്ലി സ്ഥിരമായി ബ്ലോഗ് സംബന്ധമായ ... http://berlythomas.blogspot.com/feeds/posts/default - 5.4 posts per week

31 subscribers പ്രമാദം പ്രമാദം. അച്ഛനെ ‘പപ്പാ’ എന്നു വിളിക്കണം എന്ന എന്റെ ആദ്യത്തെ ആഗ്രഹം,വര്ഷങ്ങള്ക്കു ... http://pramaadam.blogspot.com/feeds/posts/default - 2.6 posts per week

39 subscribers Gurukulam ഗുരുകുലം ... ഉമേഷ്: പ്രമാദം എന്ന വാക്ക് അത്തരത്തില് തെറ്റായി ... പ്രമാദം എന്നാല് തെറ്റ് എന്നല്ലേ. ... http://malayalam.usvishakh.net/blog/feed/atom/ - 0.2 posts per week

37 subscribers ബൂലോക കവിത: വെയില്ത്തുള്ളികള് ... റൊമ്പ പ്രമാദം..:). October 26, 2007 12:10 PM · Jyothi P said... സല്മയെ പരിചയപ്പെടുത്തിയതിനു നന്ദി. ... http://boolokakavitha.blogspot.com/feeds/posts/default - 8.4 posts per week

14 subscribers അതുല്യ :: atulya posted by അതുല്യ at 1:43 PM 21 comments ... Name: അതുല്യ: Location: ദുബൈ, United Arab Emirates. പ്രൊഫൈലിലേ പടം സജ്ജീവ് ... http://atulya.blogspot.com/feeds/posts/default - 0.7 posts per week

19 subscribers കവിതയുടെ ഒരു മഴക്കാലം ഒക്കെ പഴയതു തന്നെ. Posted by ദേവസേന 57 പിന്മൊഴികള് .... ദേവസേന എന്ന പേരില് എഴുതുന്നു. ... http://devamazha.blogspot.com/feeds/posts/default - 0.2 posts per week

24 subscribers തടാകത്തില് പ്രതിഫലിക്കുന്ന ... Labels: കുഴൂര് വില്സന്റെ കവിതകള് ... പ്രശ്നം കൈകാര്യം ചെയ്യുന്നുണ്ട് ഈ വില്സന് കവിത. ... http://vishakham.blogspot.com/feeds/posts/default - 0.5 posts per week Subscribed - View - Unsubscribe - Add to a folder... Subscribe

14 subscribers വിട്ടു പോയത് വിട്ടു പോയത്. കുഴൂര് വില്സണ് > <><> > > > > > കവിതയാക്കാനും വാര്ത്തയാക്കാനും പറയാനും ... http://kuzhoorwilson.blogspot.com/feeds/posts/default - 0.2 posts per week

15 subscribers കുട്ടന്മേനൊന് കഥകള്: അമ്മിണിയും ... ന്റെ ശങ്കുട്ടിമാമന് പത്തു കൊല്ലം മുമ്പ് നാട് വിട്ടു പോയത് നെനക്കറിയില്ലേ..’ ... http://kuttamenon.blogspot.com/feeds/posts/default - 0.5 posts per week

9 subscribers വേണുവിന്റെ കഥകള് / Venu‘s Stories Posted by വേണു venu at 11/27/2007 12:48:00 AM 30 comments Links to this post. Labels: Story, കഥ. Sunday, October 28, 2007. പൂജ്യം. പൂജ്യം. ... http://venuvenu.blogspot.com/feeds/posts/default - 0.5 posts per week

10 subscribers നിഴല്ക്കുത്ത് /Nizhalkuth ഇവിടെ ഉറങ്ങുന്നു ശിലയായ് അഹല്യമാര്.... Posted by വേണു. വേണു venu at 12:40 AM 8 comments Links to this post ... http://nizhalkuth.blogspot.com/feeds/posts/default - 2.6 posts per week Subscribed - View - Unsubscribe -

32 subscribers ലാപുട എന്ന് സന്തോഷത്തോടെ എന്റെ പരിഭവം. Posted by ലാപുട at 2:04 PM 18 comments Links to this post ... http://lapuda.blogspot.com/feeds/posts/default - 1.2 posts per week Subscribed - View - Unsubscribe

25 subscribers പ്രതിഭാഷ skip to main skip to sidebar. പ്രതിഭാഷ .... ചിന്ത (2); പരിസ്ഥിതി (1); പ്രതിഭാഷ പിറന്നിട്ട് (8); ബ്ലോഗ് (4) ... http://prathibhasha.blogspot.com/feeds/posts/default - 8.6 posts per week Subscribed - View - Unsubscribe

20 subscribers രാപ്പനി രാപ്പനി. വിയര്ത്തു കുതിര്ന്ന സ്വപ്നങ്ങളേ... കറുത്തുപോയ വെള്ളിയരഞ്ഞാണങ്ങളേ. ... http://raappani.blogspot.com/feeds/posts/default - 0.5 posts per week Subscribed - View - Unsubscribe - Add to a folder...

14 subscribers സിമിയുടെ ലോകം സിമിയുടെ ലോകം. എങ്കിലുമെടുത്തേന് ഞാന് മൂകമെന് കന്നിക്കാതല് - പെണ്കൊടിയാള് തന് ... http://simynazareth.blogspot.com/feeds/posts/default - 8.6 posts per week

12 subscribers സനാതനം: July 2007 Posted by സനാതനന് at 7/29/2007 3 comments Links to this post. Labels: ദിനാന്ത്യക്കുറിപ്പ്. Thursday, July 26, 2007 ... http://sanathanan.blogspot.com/feeds/posts/default - 3.5 posts per week

5 subscribers [വാരവിചാരം : ബൂലോകം പോയ വാരം : പത്താം ... അഞ്ചല്ക്കാരന് has left a new comment on your post ... Posted by അഞ്ചല്ക്കാരന് to വാര വിചാരം. at October 29, 2007 2:49 AM ... http://groups.google.com/group/marumozhikal/feed/rss_v2_0_msgs.xml - 1,857.8 posts per week

27 subscribers കൈപ്പള്ളി :: Kaippally എഴുതിയത് Kaippally കൈപ്പള്ളി തിയതി: 10/24/2007 07:51:00 PM 10 അഭിപ്രായങ്ങള് : മറ്റ് അനുബന്ധ ... http://mallu-ungle.blogspot.com/feeds/posts/default - 0.5 posts per week

17 subscribers രാജീവ് ചേലനാട്ട് രാജീവ് ചേലനാട്ട്: പ്രത്യേകിച്ച് ഒന്നുമില്ല .... (Ravindra Kumar). Posted by രാജീവ് ചേലനാട്ട് at 2:48 AM ... http://rajeevechelanat.blogspot.com/feeds/posts/default - 2.8 posts per week

10 subscribers ഫ്രെയിമിലൂടെ http://frame2mind.blogspot.com/feeds/posts/default - 0.5 posts per week

5 subscribers സ്നേഹസംവാദം. http://snehasamvadam.blogspot.com/feeds/posts/default - 0.2 posts per week

11 subscribers നിര്‍മ്മല nirmala http://nirmalat.blogspot.com/feeds/posts/default - 0.2 posts per week

30 subscribers കൊച്ചുത്രേസ്യയുടെ ലോകം.. http://malabar-express.blogspot.com/feeds/posts/default - 0.2 posts per week

16 subscribers ബൂലോഗ‌ ക്ലബ്ബ്‌ http://boologaclub.blogspot.com/feeds/posts/default - 0.7 posts per week

(അടിസ്ഥാനം:ഗൂഗിള്‍ റീഡറില്‍ നിന്നു കിട്ടിയ വിവരങ്ങള്‍)

വായനാലിസ്റ്റുകളെ സംബന്ധിച്ച് പല വിവാദങ്ങളും ഉണ്ടായി.പുതിയ പോസ്റ്റുകള്‍ കണ്ടെത്താനുള്ള ഗൂഗിളിന്റെ ബ്ലോഗ് സെര്‍ച്ച് സംവിധാനം പലരും ഫലപ്രദമായ രൂപത്തില്‍ ഉപയോഗിക്കാന്‍ തുടങ്ങി.ഫീഡ് റീഡറുകള്‍,യാഹൂ പൈപ്പ്,പേജ് ഫ്ലേക്സ് തുടങ്ങിയവയൊക്കെ മലയാളം ബ്ലോഗേര്‍സ് കാര്യമായി ഉപയോഗിക്കാന്‍ തുടങ്ങി

നമുക്ക് താത്പര്യമുള്ള ബ്ലോഗ് പോസ്റ്റിലെ കമന്റുകള്‍ നമ്മുടെ മെയില്‍ ബോക്സിലെത്തിക്കാനുള്ള സംവിധാനം ബ്ലോഗറില്‍ ഉണ്ടായത് ഈ വര്‍ഷമാണ്.

2)വരമൊഴിക്ക് ഗൂഗിളില്‍ പകരം സംവിധാനം

വരമൊഴിക്ക് ഗൂഗിളിന്റെ വക പകരം സംവിധാനം ഉണ്ടായതും ഈ വര്‍ഷമാണ്.

വരും വര്‍ഷങ്ങളില്‍ മലയാളം ബ്ലോഗിങ്ങിന്റെ വളര്‍ച്ചയുടെ ആക്കം കൂട്ടാന്‍ ഇത് കാരണമായേക്കാം.

3)ബൂലോകത്തു നിന്ന് രണ്ടു പുസ്തകങ്ങള്‍

രണ്ടായിരത്തിയേഴില്‍ രണ്ടു ബ്ലോഗ് കൃതികള്‍ പുസ്ത്ക രൂപത്തില്‍ പുറത്തിറങ്ങി.വിശാലമനസ്കന്റെ കൊടകര പുരാണം തൃശ്ശൂര്‍ കറന്റും കുറുമാന്റെ ‘എന്റെ യൂറോപ്പ് സ്വപ്നങ്ങള്‍’ റെയിന്‍ബോ ബുക്സും പ്രസിദ്ധീകരിച്ചു. മലയാളം ബ്ലോഗേര്‍സിനെ വളരെയധികം ആഹ്ലാദിപ്പിച്ച രണ്ടു സംഭവങ്ങളാണ് ഈ പുസ്തക സംരംഭങ്ങള്‍.കൊടകരപുരാണം വായനാലോകത്ത് ശ്രദ്ധിക്കപ്പെട്ടുവെന്ന് വേണം കരുതാന്‍.കൊടകരപുരാ‍ണത്തെ കുറിച്ച് വന്ന റിവ്യൂസും വിശാലനുമായുള്ള അഭിമുഖങ്ങളും വിവിധ മാധ്യമങ്ങളില്‍ വന്നു.

വായനയിലെ വരേണ്യമായ ശീലങ്ങളുള്ള മാതൃഭൂമി ബ്ലോഗുകളെ വിലയിരുത്തി ബ്ലോഗന എന്ന പേരില്‍ പ്രത്യേക പതിപ്പിറക്കാന്‍ തയ്യാറായത് മലയാളം ബ്ലോഗുകളുടെ ഈ വര്‍ഷത്തെ ശ്രദ്ധേയമായ നേട്ടമായി എണ്ണണം.2008 ല്‍ കൂടുതല്‍ പുസ്തകങ്ങള്‍ ബൂലോകത്തു നിന്ന് ഉണ്ടായേക്കാം.എങ്കിലും അതിനു തുടക്കമിട്ട വര്‍ഷം എന്ന നിലയില്‍ 2007 ചരിത്രപ്രധാനമാവുന്നുണ്ട്.ബ്ലോഗ് സാഹിത്യത്തെ മലയാളി പരിചയപ്പെടുന്നത് ഈ വര്‍ഷമാണ്.

4)പ്രിന്റു മീഡിയയില്‍ നിന്ന് ബ്ലോഗുകളിലേക്ക് ചേക്കേറുന്നവര്‍

സമകാലിക മലയാള സാഹിത്യത്തില്‍ നിനച്ചിരിക്കാത്ത ഒരു പ്രതിസന്ധി വന്നുപെട്ടിട്ടുണ്ടെന്നാണ് കേള്‍വി.ആനുകാലിക പ്രസിദ്ധീകരണങ്ങള്‍ കഥകളും കവിതകളും പ്രസിദ്ധീകരിക്കുന്നില്ല,പകരം ആത്മകഥാപരമായ രചനകള്‍,വേറിട്ട കാഴ്ച്ചകള്‍ മട്ടിലുള്ള രചനകള്‍ എന്നിവയ്ക്ക് കൂടുതല്‍ സ്പേസ് അനുവദിക്കുന്നു എന്നതാണത്രെ ഇതിനു കാരണം.വി.കെ ശ്രീരാമന്‍,താഹാമാടായി തുടങ്ങിയ ആളുകളാണത്രെ ഈ സ്ഥിതിവിശേഷം ഉണ്ടാക്കിതീര്‍ത്തത്.പുസ്തകങ്ങളുടെ മാര്‍ക്കറ്റിലും ഇത്തരം കൃതികള്‍ക്കാണ് ഇപ്പോള്‍ കൂടുതല്‍ വായനക്കാരുള്ളതത്രേ.നന്നായി കവിതയെഴുതുന്ന ഒരുത്തന്‍ നോവലോ ആത്മകഥയോ എഴുതിയാലെന്താ എന്ന് ആലോചിച്ചു പോയേക്കാവുന്ന സാഹചര്യം.ഇത്തരം സാഹചര്യങ്ങള്‍ നിലനില്‍ക്കുന്നതുകൊണ്ടാവാം പ്രശ്സ്തരായ പല എഴുത്തുകാരും ഇപ്പോള്‍ ബ്ലോഗുകളില്‍ സജീവമാവുന്നത്.ഇപ്പറഞ്ഞ സംഗതി ഈ എഴുത്തുകാരുടെ രചനകളെ ഒരു തരത്തിലും വിലകുറച്ചു കണ്ടുകൊണ്ടല്ലെന്ന് ഈ ലേഖകന്‍ ആവര്‍ത്തിക്കട്ടെ.ബൂലോകത്തെ സംബന്ധിച്ച് ഈ എഴുത്തുകാരുടെ സാന്നിദ്ധ്യം സന്തോഷകരമാണ്.

ശിഹാബുദ്ധീന്‍ പൊയ്ത്തുംകടവ്,ഗോപീകൃഷ്ണന്‍,ശ്രീകുമാര്‍ കരിയാട്,അന്‍‌വര്‍ അലി,റഫീക് അഹമ്മദ്(ഒരു പോസ്റ്റോടെ അവസാനിപ്പിച്ചോ?),വി.കെ ശ്രീരാമന്‍ തുടങ്ങിയ പലരും ബൂലോകത്ത് തങ്ങളുടെ സാന്നിദ്ധ്യമറിയിച്ചു.കൂടുതല്‍ എഴുത്തുകാര്‍ മലയാളം ബ്ലോഗുകളിലേക്ക് വരാന്‍ തയ്യാറാവുന്നുണ്ടെന്നാണ് മനസ്സിലാക്കാന്‍ കഴിഞ്ഞത്.

5)വിദ്യാഭ്യാസ വകുപ്പിന്റെ ഒരു തീരുമാനം

എല്ലാ ഹൈസ്കൂളുകള്‍ക്കും ഇന്റര്‍നെറ്റ് സൌകര്യം പ്രയോജനപ്പെടുത്താന്‍ വേണ്ട ഏര്‍പ്പാടുകള്‍ ഇതിനകം ചെയ്തു കഴിഞ്ഞു.ഉദ്ഘാടനം ചെയ്യപ്പെട്ടുകഴിഞ്ഞ ഈ പദ്ധതി പ്രകാരം കുറഞ്ഞ ചെലവില്‍ എല്ലാ ഹൈസ്കൂളുകള്‍ക്കും ബ്രോഡ് ബാന്‍ഡ് ഇന്റര്‍ നെറ്റ് കണക്ഷന്‍ ലഭ്യമാവും.എട്ട്,ഒന്‍പത്,പത്ത് ക്ലാസുകളില്‍ പഠിക്കുന്ന വിദ്യാര്‍ഥികള്‍ മലയാളം ബ്ലോഗുകള്‍ പരിചയപ്പെടാനുള്ള സാധ്യത ഉണ്ടായിരിക്കുകയാണ്.രണ്ടോ മൂന്നോ വര്‍ഷങ്ങള്‍ക്കുള്ളില്‍ നടക്കുന്ന മാറ്റങ്ങള്‍ വളരെ വിപ്ലവകരമാവുമെന്ന് കരുതേണ്ടിയിരിക്കുന്നു.അച്ചടി മാധ്യമങ്ങളെ ഈ മാറ്റങ്ങള്‍ പ്രതികൂലമായി ബാധിച്ചേക്കുമോ എന്ന ഭയമുണ്ടെന്ന് ഞാന്‍ ഈയിടെ കേട്ടു.എന്തായാലും ഇന്റര്‍നെറ്റ് മലയാളത്തിന്റെ സുവര്‍ണകാലമാണ്

വരാനിരിക്കുന്നത്.

6)ബ്ലോഗ് കവിതകള്‍
ബ്ലോഗുകളില്‍ കവിതകളെഴുതുന്ന പലരും 2006 മധ്യത്തില്‍ എഴുതിത്തുടങ്ങിയവരാണെങ്കിലും കൂടുതല്‍ കവിതാബ്ലോഗുകള്‍ ഉണ്ടായതും സജീവമായതും ഈ വര്‍ഷമാണ്.ബൂലോകകവിത എന്ന ബ്ലോഗ് കവികളുടെ
കൂട്ടായ്മയും ഈ വര്‍ഷമാണ് ഉണ്ടായത്.ഒരു സാഹിത്യമേഖലയില്‍ ഉണ്ടാവുന്ന ബൂലോകത്തെ ആദ്യത്തെ എഴുത്തു കൂട്ടായ്മയാണോ ഇതെന്ന് എനിക്ക് ഉറപ്പില്ല,
എങ്കിലും ശക്തവും സജീവവുമായി 2007 ന്റെ അവസാനവും അത് നിലനില്‍ക്കുന്നു എന്നത് ആശ്വാസകരമാണ്.വിവിധ ബ്ലോഗ് കവികളുടെ
150ല്‍ അധികം കവിതകള്‍ ഈ ബ്ലോഗില്‍ സംഭരിക്കപ്പെട്ടു കഴിഞ്ഞു.ബ്ലോഗ് കവിതകളുടെ ഇംഗ്ലീഷ് ഭാഷയിലേക്കുള്ള വിവര്‍ത്തനം ഉദ്ദേശിച്ച് റിഫ്ലക്ഷന്‍സ്
എന്നൊരു ബ്ലോഗ് ഏതാനും ബ്ലോഗേറ്സ് തുടങ്ങിവെച്ചതും ഈ വര്‍ഷമാണ്.2007 വന്ന് വളരെയധികം സജീവമായി തീര്‍ന്ന രണ്ടു കവികളാണ് പ്രമോദും സനാതനനും.പ്രമോദ് കവിതയിലെ ശക്തമായ രാഷ്ട്രീയം കൊണ്ട് ശ്രദ്ധേയമായപ്പോള്‍
അകക്കാഴ്ച്ചകളുടെ ദിനക്കുറിപ്പുകള്‍ കൊണ്ടാണ് സനാതനന്‍ ശ്രദ്ധേയനായത്.പേരെടുത്തു പറഞ്ഞാല്‍ വിരസമായ ഒരു നീണ്ട പട്ടികയായേക്കാവുന്നത്ര പുതിയ കവികള്‍ ഈ വര്‍ഷം ബ്ലോഗുകളില്‍ വന്നിട്ടുണ്ട്.കവികളെ മുട്ടി നടക്കാന്‍ മേല എന്ന വിലാപത്തിന് ഇപ്പോള്‍ കഴമ്പുണ്ടെന്ന് പറയാം... :)

2007 ന്റെ കവിതയെ കുറിച്ച് ആലോചിച്ചപ്പോള്‍ മൂന്ന് കവിതകളാണ് എന്റെ മനസ്സില്‍ വന്നത്:മരം കൊത്തി,അടിയന്തിരാവസ്ഥ നഷ്ടപ്പെടുത്തിയ എന്റെ ആറു വര്‍ഷങ്ങള്‍,കൌമാരം. മരംകൊത്തി അനില്‍ക്കവിതയുടെ സവിശേഷമായ സൌന്ദര്യത്തിന്റെ പാരമ്യമാണ്.താനെഴുതിയ കവിതകളിലൂടെ ആര്‍ജ്ജിച്ചെടുത്ത കാവ്യശില്പനാനുഭവമാണ് മരംകൊത്തിയുടെ കവിയായി അനിലനെ പാകപ്പെടുത്തിയിരിക്കുക.അടിയന്തിരാവസ്ഥ നഷ്ടപ്പെടുത്തിയ ആറു വര്‍ഷങ്ങള്‍ എന്ന കവിതയ്ക്കുള്ള സ്ഫോടക ശക്തി അതുണ്ടായ സാമൂഹ്യാന്തരീക്ഷത്തില്‍ നിന്ന് ലഭിച്ചതാകണം.എങ്കിലും വ്യക്തിപരമായി അതിന്റെ രൂപം കൊണ്ട് എന്നെ മോഹിപ്പിച്ച കവിത കൌമാരം മാത്രമാണ്.ശില്പപരമായ ഒരു കണ്ടെടുക്കലാണ് കൌമാരം.ക്രാഫ്റ്റില്‍ പുതുമയുള്ള കവിതകള്‍ അത്രയൊന്നും കാണാത്ത ഒരു കാലത്തിന്റെ അവശേഷിപ്പായി ഈ കവിത എനിക്ക് വീണ്ടും വീണ്ടും നോക്കേണ്ടി വന്നേക്കും.

7) ബ്ലോഗ് കഥകള്‍
ബൂലോകത്ത് ഒരു കഥക്കൂട്ടയ്മയുണ്ടാക്കാന്‍ ശ്രമിക്കുകയും കുറച്ചു കഥകളോക്കെ
ആ ബ്ലോഗില്‍ വരികയും ചെയ്തു.എങ്കിലും വേണ്ടത്ര സജീവമാവാനോ ഇതര കഥാബ്ലോഗുകളെ പ്രോത്സാഹിപ്പിക്കാനോ അതിന് കഴിഞ്ഞില്ല.എങ്കിലും ബൂലോകത്തിന് കഥയെ സംബന്ധിച്ച് ചില ആശ്വാസങ്ങള്‍ ഈ വര്‍ഷം ഉണ്ടായിട്ടുണ്ട്.പുതിയ ചില കഥാകൃത്തുകളുടെ രംഗപ്രവേശമാണ് എടുത്തു പറയേണ്ട സംഗതി.സിമി,മനു,ബാജി എന്നീ സുഹൃത്തുക്കളാണ് ഈ വര്‍ഷത്തെ കഥയുടെ നേട്ടങ്ങള്‍.ചില നല്ല കഥകളുമായി ഡാലി,പെരിങ്ങോടന്‍,കണ്ണൂസ്,സിജി
തുടങ്ങിയവരും ഇടയ്ക്കിടെ നല്ല കഥകളുമായി വന്നിരുന്നു.
സിമി എന്ന പ്രതിഭ തന്നെയാണ് കഥയെ സംബന്ധിച്ച എന്റെ ഏറ്റവും വലിയ സന്തോഷം.പൂത്തുമ്പി സ്വര്‍ണക്കലമാന്‍,കടല്‍
തുടങ്ങിയ രചനകള്‍ അസാമാന്യമായ രചനാവൈഭവത്തിന്റെ നിദര്‍ശനങ്ങളാണ്.
ബ്ലോഗുകളില്‍ നിന്ന് ഇനിയൊരു പുസ്തകമിറിങ്ങുകയാണെങ്കില്‍ അത് സിമിയുടേതാവണം എന്ന് എനിക്ക് ആഗ്രഹമുണ്ട്.

8)ഇതര മേഖലകള്‍
രാം മോഹന്‍ പാലിയത്ത്, അനോണി ആന്റണി ,വെള്ളെഴുത്ത് ,നമതു വാഴ്വും കാലവും,കേരള ഹഹഹ സജ്ജീവ് തുടങ്ങിയ ബ്ലോഗര്‍മാരാണ് അതിവേഗം ശ്രദ്ധ നേടിയ 2007 ലെ ബ്ലോഗെഴുത്തുകാര്‍.അവതരണത്തിന്റെ സ്വഭാവം കൊണ്ടും തെരഞ്ഞെടുക്കുന്ന വിഷയത്തിന്റെ പ്രത്യേകത കൊണ്ടും രാം മോഹന്‍ ശ്രദ്ധിക്കപ്പെട്ടുവെങ്കില്‍ എഴുത്തിലെ ജാഗ്രതയും ആഴവുമാവണം വെള്ളെഴുത്തിനെ ശ്രദ്ധേയനാക്കിയത്.അനോണി ആന്റണി വേറിട്ടൊരു സംഭവം തന്നെയാണ്.ഒരു പ്രാദേശിക ഭാഷയുടെ സാധ്യത ബ്ലോഗില്ലല്ലാതെ വേറെ എവിടെയാണ് ഇത്ര മനോഹരമായി ഉപയോഗിച്ചിട്ടുള്ളത്.

9)ബൂലോക ക്ലബ്ബ് അപ്രസക്തമായി.
കൂട്ടായ്മ എന്നൊന്നില്ലെന്ന് പലവട്ടം പാടിയതിനാലാണോ എന്നറിയില്ല ബൂലോകര്‍ക്കിടയില്‍ ക്ലബ്ബിനുണ്ടായിരുന്ന ഒരു ഇടപെടലിന്റെ സാധ്യത പിന്മൊഴികള്‍ നിലച്ചതോടെ ഏതാണ്ട് നിലച്ചു.

10)ബൂലോഗ കാരുണ്യം
2007ല്‍ ബൂലോകത്തുണ്ടായ ഏറ്റവും നല്ല ബ്ലോഗ് ആക്ടിവിറ്റിയായി ഈ ബ്ലോഗിനെ കാണണം.58,000 രൂപയോളം ആദ്യ സഹായാഭ്യര്‍ഥനയില്‍ തന്നെ കണ്ടെത്താനായത് പ്രശംസനീയമാണ്.ഇതു കൂടാതെ വയാനാട്ടിലെ ബിനുവിന് സ്ട്രക്ചറും വീല്‍ ചെയറുമടക്കമുള്ള സഹായങ്ങള്‍ എത്തിക്കാനും ഈ കൂട്ടായ്മയ്ക്കു സാധിച്ചു. അശരണരും രോഗികളുമായവരെ സഹായിക്കാന്‍ തുടങ്ങിയ ഈ ബ്ലോഗ് ബൂലോകത്തിന്റെ നന്മകളെ കാണിക്കുന്നതാണ്.

അങ്ങനെ പല കാരണങ്ങളാല്‍ മലയാളം ബ്ലോഗുകളെ സംബന്ധിച്ച് 2007 പ്രധാനപ്പെട്ട ഒരു വര്‍ഷമായിരുന്നുവെന്ന് എനിക്കു തോന്നുന്നു...
നിങ്ങള്‍ക്കോ?

വെ(ചൊ)ല്ലുവിളി

2007-10-29T07:35:00.000+05:30

യൂണികോഡ് മലയാളത്തില്‍ അശ്ലീല പോസ്റ്റുകള്‍

2007-10-28T08:50:00.000+05:30

യൂണികോഡ് മലയാളത്തില്‍ അശ്ലീല പോസ്റ്റുകള്‍ വരുന്നത് എല്ലാ ബ്ലോഗര്‍മാരും ഇതിനകം ശ്രദ്ധിച്ചുകാണും.ഞാനും കണ്ടു.ഗൂഗിള്‍ ബ്ലോഗ് സേര്‍ച്ച് ബൂലോകകവിതയുടെ സൈഡ് ബാറില്‍ ആഡ് ചെയ്തിരുന്നതിനാല്‍ പുതിയ പോസ്റ്റുകളുടെ ലിങ്ക് വന്നിരുന്നു.അതില്‍ പച്ചത്തെറി കിടക്കുന്നതു കണ്ട് പോയി നോക്കിയതാണ്.പോയപ്പോള്‍ എല്ലാ പോസ്റ്റുംവായിക്കാതെ പോരാന്‍ തോന്നിയില്ല....:)

വ്യക്തിപരമായി എനിക്ക് ഇത്തരം പോസ്റ്റുകളോട് ഒരു വിയോജിപ്പുമില്ല.എല്ലാ മനുഷ്യരും അവരുടെ ജീവിതകാലത്തിനിടയില്‍ എപ്പോഴെങ്കിലും ഉച്ചപ്പടം/നീലപ്പടം കാണുകയും മഞ്ഞപ്പുസ്തകം വായിക്കുകയും XXX സൈറ്റുകളില്‍ കയറുകയുമൊക്കെ ചെയ്യും.ചുരുങ്ങിയത് അതൊക്കെ അറിഞ്ഞെങ്കിലെന്ത് എന്ന് ആശിക്കുകയും ചെയ്യും.തെറ്റാണെന്ന് തോന്നുന്നില്ല.

പിന്നെന്താണിപ്പോള്‍ പ്രശ്നമെന്നല്ലേ?ഒരു നവമാധ്യമം എന്ന നിലയില്‍ ബൂലോകത്തിന്റെ അന്തസ്സ് ഉയര്‍ന്നുകൊണ്ടിരിക്കുന്ന ഒരു ഘട്ടമായിരുന്നു ഇതെന്ന് ഞാന്‍ വിശ്വസിക്കുന്നു.അച്ചടിമാധ്യമ രംഗത്തെ കെട്ടിലമ്മമാര്‍ ഇങ്ങോട്ട് തിരിഞ്ഞു നോക്കാന്‍ തുടങ്ങിയിരിക്കുന്നു.അവരുടെ പുതിയ ഭയമാണ് ബൂലോകം എന്ന് ഞാനിപ്പോള്‍ വിശ്വസിക്കുന്നു.ബൂലോകത്ത് മുന്‍പ് പല പ്രശ്നങ്ങള്‍ ഉണ്ടായപ്പോഴും ഇത് അച്ചടിമാധ്യമങ്ങളുടെ ഗൂഡാലോചനായാണെന്ന് പലരും പറഞ്ഞു കേട്ടിരുന്നു..അന്നൊക്കെ അതൊരു നല്ല തമാ‍ശയായാണ് തോന്നിയത്.

എന്നാല്‍ വിശാലനുമായി മാതൃഭൂമി നടത്തിയ അഭിമുഖം തുടക്കത്തില്‍ അത് ബൂലോകത്തിന് ഗുണകരമാവുമെന്ന് തോന്നിച്ചെങ്കിലും തുടര്‍ന്ന് അവര്‍ തന്നെ പ്രസിദ്ധീകരിച്ച ഈ വിഷയത്തിലുള്ള ചില പ്രതികരണങ്ങളും ബ്ലോഗ് പോസ്റ്റുകളും ഉദ്ദേശ്യം നന്നായിരുന്നില്ലെന്ന് തോന്നിപ്പിച്ചു.കലാകൌമുദിയില്‍ വന്ന ലേഖനത്തെക്കുറിച്ച് രാം മോഹന്‍ എഴുതിയതും കൂട്ടി വായിക്കേണ്ടതാണ്.

ഇത്തരമൊരു സാഹചര്യത്തില്‍ ഇങ്ങനെയുള്ള തെറിപ്പോസ്റ്റുകള്‍(സംഘഭോഗങ്ങളുടെ ചിത്രങ്ങള്‍ അടക്കം) യൂണികോഡ് മലയാളത്തില്‍ വരുന്നതിനെ ഞാന്‍ ഭയപ്പാടോടെയാണ് കാണുന്നത്.നിങ്ങളോ?

മേഘരൂപങ്ങള്‍

2007-10-25T07:27:00.001+05:30

ക്ലിപ്പ് മാര്‍ക്കില്‍ നിന്ന് വീണ്ടും.
മേഘ ചിത്രങ്ങള്‍

clipped from listverse.com

10 Rare Cloud Formations

clipped from listverse.com

1. Nacreous Clouds

2. Mammatus Clouds

3. Altocumulus Castelanus

4. Noctilucent Clouds

5. Mushroom Clouds

6. Cirrus Kelvin-Helmholtz

7. Lenticular Clouds

8. Roll Clouds

9. Shelf Clouds

10. Stratocumulus Clouds

മലബാര്‍ മുസ്ലീങ്ങള്‍-ഐതിഹ്യങ്ങളും വസ്തുതകളും

2007-10-21T22:01:00.000+05:30

കേരള ചരിത്രത്തില്‍ ശക്തമായ സ്വാധീനം ചെലുത്തിയവരാണ് മലബാറിലെ മുസ്ലീങ്ങള്‍.സാമ്പത്തികവും സാമൂഹികവുമായ ഒരു സന്തുലിതാവസ്ഥ കേരളീയ ജീവിതത്തിന് പ്രധാനം ചെയ്യുന്നതില്‍ മുസ്ലീങ്ങള്‍ വഹിക്കുന്ന പങ്ക് ഈ ആഗോളീകരണ കാലത്തും വളരെ ഉയര്‍ന്നതാണ്.ആഗോളീകരണ നയങ്ങളുടെ പ്രത്യാഘാതമായി കേരളത്തിലെ കൃഷിക്കാര്‍ സാമ്പത്തികമായി തകരുകയും ആത്മഹത്യകള്‍ പെരുകുകയുംചെയ്ത സമീപ കാല വാര്‍ത്തകള്‍ പരിശോധിച്ചാല്‍ ഒരു കാര്യം വ്യക്തമാവും.ആത്മഹത്യ ചെയ്തവരില്‍ മുസ്ലീങ്ങള്‍ ആരുമില്ല.പ്രതിസന്ധികളെ നേരിടാനുള്ള മുസ്ലീങ്ങളുടെ കഴിവ് ജനിതകപരമാവണം.മുസ്ലീം ചരിത്രം പരിശോധിച്ചാല്ലോകമെങ്ങും അവര്‍ പലവിധ പ്രതിസന്ധികളെയും നേരിട്ടിട്ടുണ്ടെന്ന് കാണാന്‍ കഴിയും.

എഴുത്തിനും കുത്തിനും തമ്പ്രാക്കന്മാര്
പുത്തീലും ശക്തീലും വെള്ളക്കാര്
മുന്നിലെറങ്ങാന് മാപ്ലാര്
മോത്തിക്ക് നോക്കാനേ എന്നെ പറ്റൂ...

എന്ന ചവിട്ടുകളി പാട്ടില്‍ മാപ്പിളമാരുടെ ധീരതയെക്കുറിച്ചുള്ള ഈ നിരീക്ഷണം കാണാന്‍ കഴിയും.മലബാറിലെ നാട്ടു രാജ്യങ്ങളില്‍ പടയാളികളായിരുന്നവര്‍ നായന്മാരും മാപ്പിളമാരും ആയിരുന്നുവെന്നത് ഇവിടെ ഓര്‍മിക്കാവുന്നതാണ്.തിരുവിതാംകൂറില്‍ നായന്മാര്‍ക്കുള്ള ഒരു സ്ഥാനപ്പേരാണ് പിള്ള. മഹാപിള്ള എന്ന അര്‍ത്ഥത്തിലാണത്രേ മാപ്പിള എന്ന വാക്ക് ഉപയോഗിക്കുന്നത്.മലയാളക്കരയില്‍ വന്നെത്തിയ കൃസ്ത്യാനികളെ നസ്രാണി മാപ്പിള എന്നും മുസ്ലീങ്ങളെ ജോനകമാപ്പിള എന്നുമാണ് വിളിച്ചിരുന്നത്.ജോനക എന്ന പദം യവനക (ഗ്രീക്ക് എന്ന അര്‍ഥം)എന്ന വാക്കിന്റെ തദ്ഭവമാ‍വണം.

പതിനാറാം നൂറ്റാണ്ടില്‍ പൊന്നാനിയില്‍ ജീവിച്ചിരുന്ന ചരിത്ര പണ്ഡിതന്‍ ഷെയ്ക്ക് സൈനുദ്ദീന്റെ അറബി ഭാഷയിലുള്ള തുഹ്ഫത്തുല്‍ മുജാഹിദീന്‍ എന്ന കൃതിയില്‍ കേരളത്തില്‍ ആദ്യമെത്തിയ വിദേശികള്‍ ജൂതന്മാരാണെന്ന് പറയുന്നു.കൃസ്തുവിനു മുന്പ് തന്നെ അവര്‍ കേരളത്തില്‍ വന്നിട്ടുണ്ടെന്ന് പല ചരിത്രകാരന്മാരും പറയുന്നുണ്ട്.അന്നത്തെ പ്രധാന തുറമുഖമായിരുന്നു മുസിരിസ്,മുചിരി,എന്നെല്ലാം വിളിച്ചിരുന്ന കൊടുങ്ങല്ലൂര്‍ .കൃസ്ത്യാനികള്‍ക്കും ജൂതന്മാര്‍ക്കും ശേഷം അറേബ്യയില്‍ നിന്ന് മുസ്ലീങ്ങളായഫുറാഖള്‍(യോഗീ സംഘം) ശ്രീ ലങ്കയിലെ പ്രസിദ്ധമായ ആദം മലയിലെ പാദം സന്ദര്‍ശിക്കുവാന്‍ പോവുമ്പോള്‍ യാത്രാമധ്യേ കൊടുങ്ങല്ലൂര്‍ ഇറങ്ങിയതായും ഇത് കേരളത്തില്‍ ഇസ്ലാം മത വിശ്വാസികള്‍ ഉണ്ടാവാന്‍ ഇടയാക്കിയെന്നും സൈനുദ്ദീന്‍ തന്റെ കൃതിയില്‍ പറയുന്നു.

അക്കാലത്ത് കേരളം ഭരിച്ചിരുന്ന ചേരമാന്‍ പെരുമാള്‍ അബ്ദുള്‍ റഹ്‌മാന്‍ സമിരി എന്ന പേര് സ്വീകരിക്കുകയും ഇസ്ലാം മത വിശ്വാസിയായി മാറുകയും അറേബ്യയിലേക്ക് യോഗീ സംഘത്തോടൊപ്പം രഹസ്യമായി പോയതായും കേരള ചരിത്രത്തെ സംബന്ധിച്ച പല രേഖകളും സാക്ഷ്യപ്പെടുത്തുന്നു.ഈ മലയാളരാജാവിന്റെ ഖബര്‍ അറേബ്യന്‍ തീരത്ത് ഷഹറില്‍ നിന്ന് അധികം അകലെയല്ലാത്ത സഫര്‍ എന്ന സ്ഥലത്ത് ഇക്കാലത്തുമുണ്ടെന്ന് വില്യം ലോഗന്‍ പ്രസിദ്ധമായ മലബാര്‍ മാനുവലില്‍ രേഖപ്പെടുത്തിയിട്ടുണ്ട്.

ചേരമാന്‍ പെരുമാള്‍ അറേബ്യയിലേക്ക് പോവുന്നതിനു മുന്‍പ് തന്റെ രാജ്യം ബന്ധുമിത്രാദികള്‍ക്ക് പകുത്തുകൊടുത്തു.ഉദയ വര്‍മ്മന്‍ കോലത്തിരിക്ക് വടക്കുഭാഗവും തെക്കുഭാഗം വേണാട്ടടികള്‍ക്കും പെരുമ്പടപ്പു സ്വരൂപം സൂര്യക്ഷത്രിയര്‍ക്കും കുവള രാജ്യം വള്ളുവനും നല്‍കി.ഇതു കൂടാതെ വള്ളുവക്കോനാതിരി അടക്കമുള്ള പലര്‍ക്കും പല ദേശങ്ങള്‍ നല്‍കി.ഏറ്റവും ഒടുവില്‍ വന്ന സാമൂതിരിക്ക് പെരുമാള്‍ തന്റെ ഉടവാളും കോഴി കൂവിയാല്‍ കേള്‍ക്കുന്നത്ര ചെറിയൊരു ദേശവും(കോഴിക്കോട്) നല്‍കി.സാമൂതിരിക്ക് വാള്‍ മാത്രമാണ് നല്‍കിയതെന്ന് ചില കൃതികളില്‍ കാണുന്നു.പെരുമാള്‍ തന്നെ വാള്‍ നല്‍കി ‘നിങ്ങള്‍ ചത്തും കൊന്നും അടക്കി കൊള്‍ക’ എന്നൊരു ഉപദേശവും സാമൂതിരിക്ക് നല്‍കുന്നുണ്ട്.

സാമൂതിരി തന്റെ ഉടവാളിന് പ്രാധാന്യവും തിരുവിതാംകൂര്‍ രാജാക്കന്മാര്‍ അധികാരത്തില്‍ ഏറുന്നതിനു മുന്‍പ് ചെയ്യുന്ന പ്രതിജ്ഞയും (മക്കത്തു നിന്നും തങ്ങളുടെ കുലകൂടസ്ഥന്‍ മടങ്ങി വരുന്നതു വരെ മാത്രം രാജ്യഭാരം എന്ന പ്രതിജ്ഞ) അറയ്ക്കല്‍ രാജ വംശത്തില്‍ നിലനിന്നിരുന്ന മരുമക്കത്തായവും (കണ്ണൂര്‍ ഭാഗത്തെ മുസ്ലീങ്ങളില്‍ മരുമക്കത്തായ വ്യവസ്ഥ ഉണ്ടായിരുന്നു-വില്യം ലോഗന്‍ )അറയ്ക്കല്‍ കൊട്ടാരത്തില്‍ എല്ലായ്പ്പോഴും കത്തിച്ചുവെച്ചിട്ടുള്ള ഭദ്രദീപവും ചേരമാന്‍ പെരുമാളിന്റെ കഥയില്‍ സത്യമുണ്ടാവാമെന്ന് ചരിത്രകാരന്മാരെ സംശയിപ്പിക്കുന്നു.

അറേബ്യയില്‍ ഉണ്ടായിരുന്ന കാലത്ത് പെരുമാളില്‍ നിന്ന് ഒരു കത്തുമായി കേരളത്തില്‍ വന്ന അറബികള്‍ക്ക് നല്ല സ്വീകരണമാണ് ലഭിച്ചത്.ഇവരാണ് ഇസ്ലാം മത പ്രചരണാര്‍ഥം ധാരാളം പള്ളികള്‍ സ്ഥാപിച്ചതും ആദ്യമായി പലരേയും ഇസ്ലാം മതത്തിലേക്ക് പരിവര്‍ത്തനം ചെയ്തതും.പെരുമാള്‍ പറഞ്ഞയച്ച ആളുകള്‍ എന്ന നിലയിലാണ് കേരളത്തിലെ നാട്ടുരാജ്യങ്ങള്‍ അവരെ സ്വീകരിച്ചത്. ചേരമാന്‍ പെരുമാള്‍ തിരിച്ചു വരുമെന്നും തിരിച്ചു വരുന്നതു വരെയാണ് തങ്ങള്‍ക്ക് അധികാരമെന്നും നാട്ടുരാജാക്കന്മാര്‍ വിശ്വസിച്ചിരുന്നു.

മലബാറിലെ രാജാക്കന്മാരില്‍ എന്തുകൊണ്ടും പ്രഗത്ഭനും പ്രശസ്തനും ആയിരുന്നു സാമൂതിരി എന്ന് ഷെയ്ഖ് സൈനുദ്ദീന്‍ പറയുന്നു.സാമൂതിരിയുടെ രാജ്യത്ത് ധാരാളം മുസ്ലീങ്ങള്‍ ഉണ്ടായിരുന്നു.ഹിന്ദുക്കളായ മുക്കുവരില്‍ നിന്ന് ഒന്നോ അതിലധികമോ പുരുഷന്മാര്‍ ഇസ്ലാം മതം സ്വീകരിക്കണമെന്ന് സാമൂതിരി അനുശാസിച്ചിരുന്നു.നാവിക മേല്‍ക്കോയ്മ നിലനിര്‍ത്തുന്നതിന് പറ്റിയ ആളുകളെ വളര്‍ത്തിയെടുക്കുന്നതിനു വേണ്ടിയായിരുന്നു ഇത്.സാമൂതിരിയുടെ നാവിക സൈന്യത്തില്‍ ഉണ്ടായിരുന്ന കുഞ്ഞാലി മരയ്ക്കാരെ കടല്‍ക്കൊള്ളക്കാരന്‍ എന്നാണ് ലോഗന്‍ തന്റെ ഗ്രന്ഥത്തില്‍ പരാമര്‍ശിക്കുന്നത്. മലബാറിലെ മുഹമ്മദീയര്‍ പൊതുവെ കച്ചവടക്കാരോ കടല്‍ക്കൊള്ളക്കാരോ ആയിരിക്കുമെന്ന് ഡച്ച് നാവിക സേനാനിയായ ന്യൂ കാഫ് തന്റെ കൃതിയില്‍ പറയുന്നു.നായന്മാരും മുസ്ലീങ്ങളും പടയ്ക്കു പോവുന്നതു കൂടാതെ കവര്‍ച്ചകള്‍ നടത്തിയിരുന്നുവെന്നും ലോഗന്‍ തന്റെ കൃതിയില്‍ പലഭാഗങ്ങളിലും പറയുന്നുണ്ട്.മാപ്പിളമാര്‍ പെറ്റു പെരുകുന്നതല്ല,മറിച്ച് കീഴാളര്‍ ഇസ്ലാം മതം സ്വീകരിക്കുന്നതാണ് മുസ്ലീം ജനസംഖ്യാ വര്‍ദ്ധനവിന് കാരണമെന്നും ലോഗന്‍ നിരീക്ഷിക്കുന്നു.

ഇസ്ലാം മതത്തിലേക്ക് മാറുന്ന കീഴാളരെ ഹിന്ദുക്കള്‍ ആദരവോടെയാണ് കണ്ടിരുന്നത്. കീഴാളന്‍ മതം മാറുമ്പോള്‍ അയിത്തം കുറയുന്നതിന് ഇതാണ് കാരണം..കീഴ് ജാതിക്കാരനുമായുള്ള ബന്ധത്താല്‍ കോലത്തിരിരാജകുമാരിക്ക് പ്രഭുത്വം നഷ്ടപ്പെട്ടപ്പോള്‍ അവളുടെ പതിത്വം പരിഹരിക്കുന്നതിന് രാജാവ് അവളെ സമ്പന്നനായ ഒരു മുസ്ലീം അറബിക്ക് വിവാഹം കഴിച്ചു കൊടുക്കുകയും അയാള്‍ക്ക് ആലി രാജാവെന്ന ബഹുമതി നല്‍കുകയും ആഴിരാജ്യത്തെ അധിപനായി വാഴിച്ചതായും അറയ്ക്കല്‍ രാജവംശത്തെ സംബന്ധിച്ച ഒരു ഐതിഹ്യമുണ്ട്..

മലബാറിലെ മുസ്ലീങ്ങള്‍ തെക്കന്‍ യമന്റെ തീരത്തു നിന്ന് വന്നതായിരിക്കണമെന്ന് അഹ്‌ലുബൈത്ത് എന്ന കൃതി പറയുന്നു.മലബാര്‍ മുസ്ലീങ്ങളുടെ അരപ്പട്ട കയ്യുള്ള ബനിയന്‍ കള്ളിത്തുണി,തലപ്പാവ് തുടങ്ങിയവ ഇതാണത്രേ സൂചിപ്പിക്കുന്നത്.

അധികാരത്തിന്റെ സ്വാധീനമാവണം മാപ്പിളമാരോടുള്ള ഹിന്ദുക്കളുടെ സവിശേഷമാ‍യ മര്യാദകള്‍ക്ക് കാരണമെന്ന് കരുതുന്നു.ചേരമാന്‍ പെരുമാളിന്റെ പ്രതിനിധികളായാണ് എല്ലാ കേരളീയ രാജാക്കന്മാരും അറിയപ്പെടുന്നത്.പെരുമാള്‍ക്ക് നല്‍കുന്ന ബഹുമാനം മാപ്പിളമാര്‍ക്ക് ലഭിച്ചിരിക്കാം.സാമൂതിരിയുമായുള്ള മുസ്ലീങ്ങളുടെ അടുത്ത ബന്ധവും അവരുടെ സാമൂഹികമായ അന്തസ്സുയര്‍ത്തി. അധികാരം നഷ്ടപ്പെട്ടതിലുള്ള പ്രതിഷേധം കേരളത്തില്‍ ശക്തമായി പ്രതിഫലിപ്പിച്ചതും മുസ്ലീങ്ങളായിരുന്നു(ഖിലാഫത്ത്).പതിനഞ്ചും പതിനാറും നൂറ്റാണ്ടുകളില്‍ വരെ കൊലക്കുറ്റം ചെയ്യുന്ന മുസ്ലീമിനെ പോലും മുസ്ലീം നേതാക്കളുടെ സമ്മത പ്രകാരമേ തൂക്കിക്കൊന്നിരുന്നുള്ളൂ.ശവശരീരമാവട്ടെ സംസ്കരിക്കുന്നതിനായി മുസ്ലീങ്ങളെ ഏല്‍പ്പിക്കുകയും ചെയ്തിരുന്നു.എന്നാല്‍ അമുസ്ലീങ്ങളെ തൂക്കിക്കൊന്നാല്‍ ശവം നായക്കോ കുറുക്കനോ തിന്നാനിട്ടു കൊടുക്കുകയായിരുന്നു പതിവെന്ന് തുഹ്ഫത്തുല്‍ മുജാഹിദീന്‍ എന്ന ചരിത്ര ഗ്രന്ഥം സാക്ഷ്യപെടുത്തുന്നു.

കടപ്പാട്:
1.മലബാര്‍ മന്വല്‍-വില്യം ലോഗന്‍
2.കേരളം പതിനാലും പതിനഞ്ചും നൂറ്റാണ്ടുകളില്‍-വേലായുധന്‍ പണിക്കശ്ശേരി
3.അറയ്ക്കല്‍ രാജവംശം-ഡോ.കെ.കെ.എന്‍ കുറുപ്പ്
4.ന്യൂ ഹാഫ് കണ്ട കേരളം-കെ ശിവശങ്കരന്‍ നായര്‍
5.അഹ്‌ലുബൈത്ത്-സയ്യിദ് അബ്ദുള്ള മുനഫര്‍
6.വള്ളുവനാട്ടിലെ നാടന്‍ പാട്ടുകള്‍-എം.ശിവശങ്കരന്‍

അയ്യയ്യേ...കൈപ്പള്ളീ...

2007-10-14T13:31:00.000+05:30

കൈപ്പള്ളി തന്റെ ബ്ലോഗ് വീണ്ടും ക്ഷണിക്കപ്പെട്ടവര്‍ക്കായി ചുരുക്കിയിരിക്കുന്നു.
എന്തിന്?എന്നെയും നിങ്ങളെയും പോലുള്ള നിഷ്കളങ്കരും നിരപരാധികളുമായ ബ്ലോഗന്മാരെ പേടിച്ചിട്ട്.അല്ലാതെന്താ...
സ്വന്തം അഭിപ്രായം പറയുന്നതിന് വായനക്കാരുടെ ഇഷ്ടം നോക്കണോ...?വായനക്കാര്‍ക്ക് ഇഷ്ടപ്പെടും എന്നു വിചാരിച്ചാണത്രേ(ഭൂരിപക്ഷം സപ്പോര്‍ട്ട് ചെയ്തു കളയും,നമ്മടെ കൈപ്പള്ളിയല്ലേ എന്നൊക്കെ വിചാരിച്ച്)പുള്ളിക്കാരന്‍ ഞാന്‍ അറിഞ്ഞ ഗാന്ധിയെ അവതരിപ്പിച്ചത്...!ആളുകള്‍ എതിര്‍ത്തപ്പോള്‍ പാവം കൈപ്പള്ളി ഇതാ ബ്ലോഗ് തന്റെ ഇഷ്ടക്കാര്‍ക്ക് മാത്രമായി കൂട്ടിക്കെട്ടി.ങാ..,മൂപ്പരുടെ ബ്ലോഗ് ..ഇഷ്ടമുള്ളത് ചെയ്യട്ടെ.എന്നാലും എന്റെ ബൂലോകരേ,
ഇതാണോ നിങ്ങള്‍ പറഞ്ഞ വീരശൂര പരാക്രമിയായ കൈപ്പള്ളി?ഇയാളെയാണോ മഹാത്മാ എന്ന് നിങ്ങളൊക്കെ വിളിച്ചാദരിച്ചത്?കൈപ്പള്ളി ഒരു സ്ഥിതപ്രജ്ഞനാണെന്നാണ് ഞാന്‍ കരുതിയത്.ഇപ്പോള്‍ മനസ്സിലായി;കൈപ്പള്ളിയും മൃദുല വികാരങ്ങളൊക്കെയുള്ള ഒരു സാധാരണ മനുഷ്യനാണെന്ന്.എന്നാലും ഈ ബൂലോകര്‍ ഒന്നടങ്കം അയാളെക്കൊണ്ട് മാപ്പു പറയിക്കണം എന്നൊക്കെ വോട്ടുകുത്തിയത് മോശമായിപ്പോയി.ഗാന്ധി മനുഷ്യനല്ലേ?അങ്ങേര്‍ക്ക് പറ്റിയ തെറ്റുകള്‍ ഒന്ന് ചര്‍ച്ച ചെയ്യുന്നത് വലിയ തെറ്റാണോ?

ഗാന്ധിജി എന്തായാലും തിരിച്ചു വരില്ല.പക്ഷേ കൈപ്പള്ളീ ങ്ങള് പോയാല്‍ ബൂലോകത്ത് വേറെ കൈപ്പള്ളിയില്ല.ഇടയ്ക്കിടെ പള്ള് പറയാനും പോഡ്കാസ്റ്റിറക്കാനും പക്ഷിപ്പടങ്ങള്‍ പിടിക്കാനും യൂണികോഡിന്റെ മഹത്വം ഉയര്‍ത്തിപ്പിടിക്കാനും പ്രിന്റ് മീഡിയയെ കുറ്റം പറയാനും ഞങ്ങള്‍ക്ക് ങ്ങള് വേണം.ക്ഷണിക്കപ്പെട്ടവര്‍ക്കു വേണ്ടി ആ മഹത്തായ ബ്ലോഗ് ഒതുക്കിക്കളയരുത്... പ്ലീസ്.അതും ജനാധിപത്യവിരുദ്ധമാ‍ണ്.

സ്ത്രീ സൌന്ദര്യം-നിങ്ങളുടെ കാഴ്ച്ചപ്പാട്

2007-10-13T07:21:00.000+05:30

സ്ത്രീ സൌന്ദര്യത്തെ ക്കുറിച്ച് നിങ്ങളുടെ കാ‍ഴ്ച്ചപ്പാടെന്താണ്?നാണം എന്നത് വിധേയത്വത്തിന്റെ അടയാളമാണെന്നാണ് നളന്‍ പറയുന്നത്.നമ്മുടെ സിനിമകളൊക്കെ നാണം കുണുങ്ങികളായ നായികമാരെക്കൊണ്ട് നിറഞ്ഞിരിക്കുന്നു.ഇത്തരം സിനിമകള്‍ നമ്മെ സ്വാധീനിച്ചിരിക്കുമോ?ലജ്ജാ‍വതീ...ലജ്ജാവതീ....,ലജ്ജാവതിയേ നിന്റെ കള്ളകടക്കണ്ണില്‍ തുടങ്ങിയ പാട്ടുകള്‍.

അങ്ങനെ നാണം എന്നത് പുരുഷനോടുള്ള വിധേയത്വത്തിന്റെ അടയാളമായി പെണ്ണുങ്ങളായ പെണ്ണുങ്ങളൊക്കെ കണ്ടു പിടിക്കുകയും നാണം എന്ന ആഭരണം ഉപേക്ഷിക്കുകയും ചെയ്തുവെന്നിരിക്കട്ടെ.അങ്ങനെയുള്ള ഒരുലോകത്തെ ക്കുറിച്ച് പരമ ബോറ് എന്നേ എന്നെപ്പോലുള്ള പുരുഷ മേധാവികള്‍ പറയൂ.കുറച്ച് നാണം,കുറച്ച് അസൂയ,കുറച്ച് കുശുമ്പ്,കുറച്ച് മണ്ടത്തരം ഇതൊന്നുമില്ലാതെ എന്തു പെണ്ണ്....

വളരെ സാമ്പ്രദായികമായ ഈ കാഴ്ച്ചപ്പാടിനോട് നിങ്ങള്‍ യോജിക്കുന്നുണ്ടോ?അതല്ല,ഈ വക കുഴപ്പങ്ങള്‍(നാണം+കുശുമ്പ്+അസൂയ+മണ്ടത്തരം) ഒന്നുമില്ലാത്ത
ഒരു പുതിയ സ്ത്രീയാവുമോ കൂടുതല്‍ സുന്ദരി?

നിങ്ങളുടെ അഭിപ്രായങ്ങള്‍ ക്ഷണിക്കുന്നു...
ഒരു പോളും ഉണ്ടാക്കിവെച്ചിട്ടുണ്ട്(പോള്‍ മാനിയ).

ഇതുമായി ബന്ധപ്പെട്ട് വായിച്ചിരിക്കേണ്ട പോസ്റ്റുകള്‍
-സിസ്റ്റര്‍ അന്ന ബാരറ്റിന്റെ സാരി
-സൌന്ദര്യവും ലോഹിത ദാസും
-സാരിയെക്കുറിച്ച് സുഭാഷ് ചന്ദ്രന്‍
-സാരി: അഞ്ചരമീറ്റര്‍ തുണിയിലൊരു തടവറ

സാരിയും നാരിയും

2007-10-12T22:52:00.001+05:30

ഡാലിയുടെ കഥ വായിച്ചപ്പോഴാണ് ഇത് അവിടെ കമന്റായി ചേര്‍ക്കണമെന്ന് വിചാരിച്ചത്.കമന്റ് പബ്ലിഷ് ചെയ്യാന്‍ പറ്റാഞ്ഞതിനാല്‍ ഇവിടെ പോസ്റ്റുന്നു.

സെപ്റ്റംബര്‍30 ന്റെ ദേശാഭിമാനി വാരികയില്‍ സാരി-അഞ്ചരമീറ്റര്‍ തുണിയിലൊരു തടവറ എന്നൊരു ലേഖനവും ചര്‍ച്ചയുമുണ്ട്.അതില്‍ സുഭാഷ് ചന്ദ്രന്‍ പറയുന്നത് ഇവിടെ ഉദ്ധരിക്കുന്നു:

സാരി ഒരു അത്ഭുത വസ്ത്രമാണ്.അത് ഉടുത്തുകാണുന്നത് ഒരു സൌന്ദര്യാനുഭവവും.അഞ്ചരമീറ്റര്‍ നീളത്തിലുള്ള ഒരു തുണി എങ്ങനെ ഇത്ര ഭംഗിയായി ഉടുക്കുന്നു?വെട്ടുകയോ മുറിക്കുകയോ ഒന്നും ചെയ്യാതെ അത് ഞൊറിയിട്ട് ഉടുക്കുന്നത് കാണാന്‍ തന്നെ രസമാണ്.

ഉടുത്തുകാണുമ്പോള്‍ സാരി പകരുന്ന രഹസ്യാത്മകത തന്നെ ആസ്വാദ്യമാണ്.സ്കൂളുകളില്‍ അധ്യാപികമാരുടെ സാരിത്തലപ്പ് സ്വന്തം ദേഹത്ത് സ്പര്‍ശിക്കുമ്പോഴുണ്ടാകുന്ന അനുഭൂതിയെക്കുറിച്ചു പോലും മുതിര്‍ന്ന ആണ്‍കുട്ടികള്‍ പരസ്പരം സംസാരിക്കാറുണ്ട്.ആണാവുന്നു എന്ന തിരിച്ചറിവിലേക്ക് വളര്‍ത്തിയതില്‍ ആ സാരിത്തലപ്പുകള്‍ക്കും പങ്കുണ്ടായിരുന്നു.സാരി അനുവദിക്കുന്ന ശരീരക്കാഴ്ച്ചകളും ഭംഗിയുള്ളതാണ്.വലിഞ്ഞു മുറുകിയ വയറ്,അപൂര്‍വമായി വീണുകിട്ടുന്ന ഒരു പൊക്കിള്‍ കാഴ്ച്ച,പാര്‍ശ്വവീക്ഷണത്തിനുള്ള അവസരം,സൌന്ദര്യ പൂരിതമായ ഈ കാഴ്ച്ചകളൊക്കെ ആസ്വാദ്യമല്ലാതാകുന്നതെങ്ങനെ?ആണിനും പെണ്ണിനുമിടയില്‍ അങ്ങനെയെന്തൊക്കെയോ ഉണ്ട് എന്നുള്ളതില്‍ എന്താ‍ണ് അശ്ലീലമായിട്ടുള്ളത്?ആദ്യമായി സാരിയുടുക്കുമ്പോഴും അത് മറ്റൊരുവന്‍ ആസ്വദിക്കുമ്പോഴുമുള്ള പെണ്‍സംഭ്രമത്തെ പൈങ്കിളിയായി കാണരുത്.

ഉടുക്കുമ്പോഴെന്ന പോലെ അഴിക്കുമ്പോഴും സാരി അതിന്റെ സൌന്ദര്യം കാണിക്കുന്നു.പാഞ്ചാലി സാരിയല്ല ഉടുത്തിരുന്നതെങ്കില്‍ ദുശ്ശാസനന്‍ അഴിക്കാനേ മുതിരില്ലായിരുന്നു എന്ന് എനിക്കു തോന്നുന്നു.ഒരു കായിക താരത്തെ സംബന്ധിച്ചിടത്തോളം സാരി ഒരു അസൌകര്യമാണ്.എന്നാല്‍ മറ്റേതെങ്കിലും തൊഴിലിനെ അത് തടസ്സപ്പെടുത്തുന്നുവെന്ന് തോന്നുന്നില്ല.അണിയാന്‍ നിര്‍ബന്ധിക്കപ്പെടുകയാണെങ്കില്‍ സാരിയെന്നല്ല ഏതൊരു വസ്ത്രവും അതിന്റെ സൌന്ദര്യമുപേക്ഷിക്കും.ഉടുക്കുന്നത് ഭംഗിയായില്ലെങ്കില്‍ സാരി വൈരൂപ്യം പകരും.ഭാരതീയരുടെ ഏറ്റവും മികച്ച കലാരൂപങ്ങളില്‍ ഒന്നാണ് സാരി.

--------------------------------

കടപ്പാട്: സുഭാഷ് ചന്ദ്രന്‍,ദേശാഭിമാനി വാരിക

പ്രകൃതിയിലെ ലോക വിസ്മയങ്ങള്‍-ഗൂഗിള്‍ വീഡിയോ

2007-09-21T10:16:00.000+05:30

ബൂലോകം: കഥ സജീവമാവുന്നു...

2007-09-15T00:37:00.000+05:30

ബൂലോകത്ത് നല്ല കഥകള്‍ വായിക്കാന്‍ കിട്ടുന്നില്ലെന്ന് എപ്പോഴും പരാതിക്കാരുണ്ടായിരുന്നു.ആകപ്പാടെ ഒരു പെരിങ്ങോടനേ ഉണ്ടായിരുന്നുള്ളൂ നല്ല കഥകള്‍ അന്വേഷിക്കുന്നവര്‍ക്ക്.ഇടക്കാലത്ത് ചില പരീക്ഷണങ്ങള്‍ നടത്താന്‍ തയ്യാറാവുകയും ശ്രദ്ധേയനായ ഒരു കഥാകൃത്തായി മാറിയേക്കുമെന്നും തോന്നിച്ചിരുന്ന ലോനപ്പന്‍ ബ്ലോഗിങ്ങില്‍ നിന്ന് വിട്ടത് നല്ല കഥകളുടെ ബൂലോക വായനക്കാര്‍ക്കാണ് കാര്യമായി നഷ്ടമുണ്ടാക്കിയത്.വിവി എന്ന പേരില്‍ അയാളെഴുതിയിരുന്ന നര്‍മ്മരചനകളല്ല ഞാന്‍ ഇവിടെ ഉദ്ദേശിക്കുന്നത്.അത്തരം സാധനങ്ങള്‍ക്ക് ഇവിടെ യാതൊരു കുറവും ഒരു കാലത്തും ഉണ്ടാവുകയില്ല.

എന്നാല്‍ സമീപ കാലത്ത് ബൂലോകത്തു കണ്ടു വരുന്ന കഥകള്‍ പലതും നല്ല നിലവാരം പുലര്‍ത്തുന്നവായാണെന്ന് എനിക്ക് തോന്നിയിട്ടുണ്ട്.ഇതില്‍ എടുത്തു പറയാവുന്ന രണ്ടു പുതിയ ബ്ലോഗേര്‍സ് ഉണ്ട്.ഒന്ന് മനു,രണ്ട് സിമി.രണ്ടു പേരും എഴുതുന്ന പുതിയ കഥകളൊന്നും എനിക്ക് വായിക്കാതെ പോകാന്‍ പറ്റുന്നില്ല.ഒരു പക്ഷേ എനിക്ക് സിമിയുടെ രചനകളോടാണ് കൂടുതല്‍ താത്പര്യം എന്നു വരാം.എങ്കിലും മനുവിന്റെ ഏറ് എന്ന മനോഹരമായ കഥ(ജൂണ്‍ മാസം ഒടുവില്‍ വന്നതെങ്കിലും) കാണാതെ പോവാനാവില്ല.അതിനു ശേഷമോ മുന്‍പോ മനു എഴുതിയ കഥകളൊന്നും അത്രയ്ക്ക് ഹൃദയസ്പര്‍ശിയായിരുന്നില്ല.ഡാലി എഴുതിയ സര്‍പ്പഗന്ധി എന്ന കഥയും(ജൂലൈ മാസത്തില്‍) നല്ലൊരു ബ്ലോഗ് കഥയായിരുന്നു.

ഒരു കഥാകൃത്ത് എന്ന നിലയില്‍ ബൂലോകത്തിന് ഏറെ പ്രതീക്ഷിക്കാവുന്ന ഒരാള്‍ സിമി തന്നെയാണ്.ഓരോ കഥയും വായനക്കാരനില്‍ ഉണ്ടാക്കുന്ന അനുഭൂതി വ്യത്യസ്തമാണ്.
ഇതിവൃത്ത സ്വീകരണത്തിലും കഥപറച്ചിലിലും പുതുമയും തന്റേടവും കാണിക്കാന്‍ സിമിയുടെ കഥകള്‍ക്ക് കഴിയുന്നുണ്ട്.

ഒരു പരീക്ഷണം എന്ന നിലയില്‍ ശ്രദ്ധേയമായ രചനയാണ് ചിന്താവിഷ്ടയായ സീത എന്ന സിമിയുടെ കഥ(ആഗസ്റ്റ് ഒടുവില്‍).കഥ അല്പം പ്രകോപനപരമാണെങ്കിലും കഥാകൃത്തിന്റെ കഥനവൈഭവം മനസ്സിലാക്കിത്തരുന്നതാണ്.ക്രാഫ്റ്റില്‍ ഈ കഥാകൃത്ത് കാണിക്കുന്ന പരീക്ഷണങ്ങള്‍ കൌതുകത്തോടെ നോക്കുന്ന ഒരാളാണ് ഞാന്‍.പരമേശ്വരന്റെ ജീവിതവും മരണവും എന്ന കഥ(ആഗസ്റ്റ് ആദ്യം വന്നത്)യുടെ ക്രാഫ്റ്റും,ഏറ്റവും പുതിയ കഥ കടലിന്റെ ക്രാഫ്റ്റും ഒന്ന് താരതമ്യം ചെയ്താല്‍
മതിയാവും എഴുത്തുകാരന്റെ വിരുത് മനസ്സിലാക്കാന്‍.

ഒരു നവാഗതകഥാ കൃത്തു കൂടിയുണ്ട്-കെ.വി അനൂപ്.ഇയാള്‍ എഴുതിയ രൂപകം എന്ന കഥ നല്ലൊരു വായനാനുഭവം ആയിരുന്നു.പ്രിന്റ് രചനകള്‍ വായിക്കാത്ത എന്നെപ്പോലെയുള്ള ജീവികള്‍ക്ക് സന്തോഷകരമായ കാര്യമാണ് നല്ല കഥാകൃത്തുക്കളുടെ ഈ രംഗപ്രവേശം.

ജാമ്യം:ഇത് ഒരു ആസ്വാദനമോ/പഠനമോ അല്ല.വെറും പരിചയപ്പെടുത്തല്‍/സന്തോഷം രേഖപ്പെടുത്തല്‍ മാത്രമാണ്.

ഹബിള്‍ ചിത്രങ്ങള്‍

2007-09-03T14:04:00.001+05:30

ഹബ്-ള്‍ ടെലിസ്കോപ് ഉപയോഗിച്ച് എടുത്ത മനോഹരങ്ങളായ ചിത്രങ്ങള്‍ ക്ലിപ് മാര്‍ക്കില്‍ നിന്ന് :

clipped from treebeard31.wordpress.com

Hubble telescope’s top ten greatest space photographs

The Sombrero Galaxy - 28 million light years from Earth

The Ant Nebula, a cloud of dust and gas whose technical name is Mz3, resembles

In third place is Nebula NGC 2392, called Eskimo because it looks like a face

face surrounded by a furry hood.

At four is the Cat’s Eye Nebula

The Hourglass Nebula, 8,000 light years away

In sixth place is the Cone Nebula. The part pictured here is 2.5 light years in

years in length (the equivalent of 23 million return trips to the Moon)

The Perfect Storm, a small region in the Swan Nebula, 5,500 light years away

Starry Night, so named because it reminded astronomers of the Van Gogh painting.

The glowering eyes from 114 million light years away are the swirling cores of two merging galaxies called NGC 2207

The Trifid Nebula. A ’stellar nursery’, 9,000 light years from here, it is where new stars are being born.

ഇനി അയച്ച മെയിലുകളെക്കുറിച്ച് ഖേദിക്കേണ്ട

2007-08-17T07:17:00.000+05:30

അയച്ചു പോയ ഒരു മെയില്‍ നിങ്ങള്‍ക്കെതിരെ പ്രയോഗിക്കാന്‍ പറ്റിയ ആയുധമാവുന്ന സാഹചര്യം ഉണ്ടായിട്ടുണ്ടോ?മെയില്‍ അയപ്പിന്റെ കൈവിട്ട കളി കളിക്കുന്നവര്‍ക്ക് ഒരു സഹായം.നിങ്ങള്‍ അയച്ച മെയില്‍ വായിച്ചു കഴിഞ്ഞാല്‍ സ്വയം ഇല്ലാതായാലോ? അത്രയും മതി അല്ലേ?എന്നാല്‍ മാര്‍ഗങ്ങളുണ്ട്.ഇത്തരം മെയിലുകള്‍ അയയ്ക്കാനുള്ള സേവനം പല സൈറ്റുകളും നല്‍കുന്നുണ്ട്.ചിലവയില്‍ നാം അയച്ച മെയില്‍ എത്ര തവണ വായിച്ചാലാണ് ഇല്ലാതാവേണ്ടതെന്ന് നമുക്ക് തീരുമാനിക്കാനാവും;അതല്ലെങ്കില്‍ എത്ര സമയം കഴിഞ്ഞ് സ്വയം മാഞ്ഞു പോകണമെന്ന്.
പത്തോളം സൌജന്യ സേവന ദാതാക്കളുടെ വിവരം ഇവിടെ.

ഒരു കാര്‍ട്ടൂണ്‍ പാട്ട്

2007-08-16T19:12:00.000+05:30

song by Dionysos. Animation by Joann Sfar

എനിക്ക് പ്രിയപ്പെട്ട ഈ ബ്ലോഗില്‍ നിന്ന് കിട്ടിയതാണിത്.ആനിമേറ്റഡ് മ്യൂസിക് വീഡിയോ എന്നതിന് എന്താണ് മലയാളം?

അന്റാര്‍ട്ടിക്ക

2007-08-16T17:43:00.001+05:30

ക്ലിപ് മാര്‍ക്ക് എന്ന സൈറ്റ് ഉപയോഗിച്ച് മറ്റ് സൈറ്റുകളില്‍ നിന്ന് എങ്ങനെ അടിച്ചു മാറ്റാം എന്നതിന് ഒരു ടെസ്റ്റ്.ഈ ചിത്രങ്ങള്‍ വേറൊരാള്‍ ക്ലിപ്പ്മാര്‍ക്കില്‍ ക്ലിപ്പ് ചെയ്ത് വെച്ചതാണേ...
ചിത്രങ്ങള്‍ വലിപ്പത്തില്‍ കാണാന്‍ http://beirutraders.org/ എന്ന സൈറ്റില്‍ പോയാല്‍ മതി.

clipped from beirutraders.org

സ്പാം ബ്ലോഗ് spam blog

2007-07-30T00:43:00.000+05:30

ക്രോസ് കണ്‍ട്രി എന്ന ഈ ബ്ലോഗ് ഒരു സ്പാം ബ്ലോഗായി ഗൂഗിള്‍ തെറ്റിദ്ധരിച്ചിരിക്കുന്നു.ഒരു സ്പാം ബ്ലോഗിന്റെ സ്വഭാവങ്ങളൊക്കെ ഈ ബ്ലോഗ് കാണിക്കുന്നുണ്ടെന്നാണ് ഗൂഗിള്‍ പറയുന്നത്.ഏതായാലും ഞാന്‍ ധന്യനായി :)ഇത്തരത്തില്‍ തെറ്റിദ്ധരിക്കുന്ന ആദ്യ മലയാള ബ്ലോഗ് ഒരു പക്ഷേ ഇതാവും.ഒരു ബ്ലോഗ് സ്പാം ബ്ലോഗാണെന്ന് കണ്ടാല്‍ ഗൂഗിള്‍ പുതിയ പോസ്റ്റുണ്ടാക്കുന്നിടത്ത്(Creat new post page)ഒരു വടി(വേഡ് വെരിഫിക്കേഷന്‍ )വെക്കും.എളുപ്പത്തില്‍ പോസ്റ്റ് ചെയ്യരുത് എന്നു തന്നെയാണ് ഉദ്ദേശ്യം.ഈ ചിത്രം നോക്കൂ

വേഡ് വെറിയുടെ ഒരു വശത്ത് ഒരു ചോദ്യ ചിഹ്നം കാണാം .
അതില്‍ ക്ലിക്കിയപ്പോള്‍ ഇതാ വരുന്നു വിശദീകരണം.

മേല്‍ചിത്രത്തില്‍ കാണുന്ന what's spam blog എന്ന ലിങ്കില്‍ ക്ലിക്കിയപ്പോള്‍ ഒരു സ്പാം ബ്ലോഗിന്റെ സവിശേഷതകളും കാണായി

ഒരുദിവസം തന്നെ ഒരു പാട് പോസ്റ്റുകള്‍ ഇടുകയും പോസ്റ്റുകളില്‍ വിവിധ സൈറ്റുകളിലേക്ക് ലിങ്കുകള്‍ ഉണ്ടാവുകയും ചെയ്താല്‍ സ്പാം ബ്ലോഗായി തെറ്റിദ്ധരിക്കാനിടയുണ്ട്.ആദ്യത്തെ കാരണം മാത്രം മതിയാവുമെങ്കില്‍ അടുത്ത ഇര തെരഞ്ഞെടുക്കാത്ത വളിപ്പുകള്‍ എന്ന ബ്ലോഗ് ആവും.

പ്ലാസന്റ തിന്നുന്നവര്‍

2007-07-29T10:24:00.000+05:30

അറിയിപ്പ്

ദുര്‍ബലമനസ്കരായ ആളുകള്‍ ഈ പോസ്റ്റ് വായിക്കുകയോ

ഇതില്‍ പരാമര്‍ശിക്കുന്ന ലിങ്ക് നോക്കുകയോ ചെയ്യരുത്

മറുപിള്ള തിന്നുന്നത് സങ്കല്പിക്കാമോ?എന്തായാലും അറപ്പുളവാക്കുന്ന സംഗതി തന്നെ.സസ്തനികള്‍(മനുഷ്യന്‍ ഒഴികെ) അവയുടെ പ്ലാസന്റ പ്രസവശേഷം ഭക്ഷണമാക്കാറുണ്ടത്രേ.പ്രസവശേഷം സ്വന്തം കുഞ്ഞുങ്ങളെ തന്നെ തിന്ന പൂച്ചയേയും മുയലിനേയും എനിക്ക് നേരിട്ട് അറിയാം.കോഴിക്കോടുള്ള ബ്ലോഗര്‍ മഹേഷ് ബി കൃഷ്ണ ആഴ്ച്ചകള്‍ക്കു മുന്‍പ് ഒരു മെയില്‍ അയച്ചിരുന്നു.അതില്‍ കുറച്ച് ചിത്രങ്ങള്‍ ഉണ്ടായിരുന്നു.ജപ്പാനിലെ ആളുകള്‍ക്ക് ചാപിള്ളകള്‍ ഇഷ്ടഭോജ്യമായിരിക്കുന്നു എന്ന് തെളിയിക്കുന്ന കുറേ ചിത്രങ്ങള്‍.

ഇപ്പോള്‍ ഒരു ബ്ലോഗ് കണ്ടു.പ്ലാസന്റ എങ്ങനെ കഴിക്കാമെന്നും അത് എങ്ങനെയൊക്കെ പാചകം ചെയ്യാമെന്നും വിശദീകരിക്കുന്നു അതില്‍.പശുക്കളുടെ മറുപിള്ള പാലുള്ളമരങ്ങളുടെ മുകളില്‍ കെട്ടിത്തൂക്കിയിടുന്ന ഒരു സമ്പ്രദായം പാലക്കാട് ജില്ലയിലുണ്ട്.ചില മരങ്ങളുടെ മുകളില്‍ പത്തും പതിനഞ്ചും മറുപിള്ള ഭാണ്ഡങ്ങള്‍ തൂങ്ങിക്കിടക്കുന്നത് കണ്ടിട്ടുണ്ട്.മൂക്കു പൊത്താതെ ആ പരിസരത്തു കൂടെ മനുഷ്യര്‍ക്കാര്‍ക്കും നടക്കുക സാധ്യമല്ല.കേരളം ഇത്ര പുരോഗമിച്ചിട്ടും ഇത്തരം അന്ധവിശ്വാസങ്ങളില്‍ നിന്ന് നമുക്ക് മോചനമില്ലാത്തത് കഷ്ടമാണ്.

പിറന്ന പടി

2007-07-29T00:58:00.000+05:30

കീര കുലത്തില്‍ പെട്ട കൊക്കാറ്റൂ(cockatoo)വിന്റെ വളര്‍ച്ചയുടെ വിവിധ ഘട്ടങ്ങള്‍ ഇവിടെ കാണാം.
ഒരു ആമപ്പിറവി ഇവിടെയും.

റൈമുകള്‍ കേട്ടു പഠിക്കാം...

2007-07-28T22:23:00.000+05:30

കുട്ടികള്‍ക്ക് റൈമുകള്‍ കേട്ടു പഠിക്കാന്‍ പറ്റിയ ഒരു സൈറ്റ് കണ്ടു.റൈമുകള്‍ ആനിമേഷന്റെ സഹായത്തോടെ ദൃശ്യവല്‍ക്കരിച്ചിട്ടുമുണ്ട്.ലോഡ് ചെയ്യാനും അധികം സമയമെടുക്കില്ല.ഞാന്‍ കുക്കു എന്ന റൈം കേട്ടു.രസമായിട്ടുണ്ട്.ഈ സൈറ്റില്‍ കുട്ടികള്‍ക്ക് പറ്റിയ മറ്റു പലേസംഗതികളും ഉണ്ട്.

വിരലോളം പോന്നവര്‍

2007-07-28T20:34:00.000+05:30

വിരലോളം പോന്നതും അതില്‍ ചെറുതുമായ കുറേ ജീവികള്‍ ഇതാ വിരല്‍തുമ്പത്ത്...

മാംസംതീനിച്ചെടികള്‍

2007-07-28T20:03:00.000+05:30

മാംസഭോജികളായ സസ്യങ്ങളെക്കുറിച്ച് കേട്ടിരിക്കുമല്ലോ.സ്കൂള്‍ ക്ലാസ്സുകളില്‍ പഠിക്കുകയും പഠിപ്പിക്കുകയുമൊക്കെ ചെയ്തിട്ടുണ്ടെങ്കിലും ഈ ചെടികള്‍ നേരിട്ട് കണ്ടിട്ടില്ല.അഥവാ കണ്ടിട്ടും തിരിച്ചറിഞ്ഞില്ല എന്നതാവും സത്യം.നമ്മുടെ നാട്ടിന്‍പുറങ്ങളിലും ഇത്തരം സസ്യങ്ങള്‍ ഉണ്ടാവാം.നെറ്റിലെ പരതലിനിടയില്‍ മാംസംതീനിച്ചെടികളുടെ ഒരു സൈറ്റ് കണ്ടു.മാംസഭോ‍ജി സസ്യങ്ങളുടെ ധാരാളംചിത്രങ്ങളും കണ്ടു.നമ്മുടെ നാട്ടില്‍ കണ്ടു വരുന്ന കോഴിവാലന്‍ ചെടി എന്നു തോന്നിക്കുന്ന ഒന്നും കാണാനിടയായി.കോഴിവാലന്‍ ചെടി ഒരു മാംസ ഭോജി സസ്യമാണോ...?

വിചിത്ര ഭവനങ്ങള്‍

2007-07-28T19:01:00.000+05:30

ലോകത്തിലെ വിചിത്രങ്ങളായ ഭവനങ്ങള്‍ കണ്ടു.വ്യത്യസ്തമായ എന്തെങ്കിലും ചെയ്യാനുള്ള മനുഷ്യന്റെ വാസനയ്ക്ക് നിദര്‍ശങ്ങളാണ് ഇത്തരം കെട്ടിടങ്ങള്‍ .ഒരു കൂട്ടം ചിത്രങ്ങള്‍ ഇവിടെയും കാണാം.ഇതില്‍ ചിലതെല്ലാം കൃത്രിമ ചിത്രങ്ങള്‍ ആണ്.
വിചിത്രങ്ങളായ കെട്ടിടങ്ങളെ സംബന്ധിച്ച് മുന്‍പൊരു പോസ്റ്റില്‍ നല്‍കിയ ലിങ്ക്

ഏറ്റവും മനോഹരമായ പത്ത് പാതകള്‍

2007-07-28T17:29:00.000+05:30

ഇന്ത്യ മനോഹരമാണ്.പക്ഷേ ഇത്ര മനോഹരമാണ് എന്ന് കരുതിയില്ല.ഇതിലെ ആദ്യ ചിത്രമായ സിക്കിമിലെ ആ പാത എന്നെ വല്ലാതെ മോഹിപ്പിച്ചു.
ഏറ്റവും മനോഹരമായ പത്ത് ഇന്ത്യന്‍ പാതകള്‍

ഈ പാതകള്‍ ഇന്ത്യയിലേതല്ലെന്ന് അവിടെ കമന്റുകളില്‍ കാണുന്നുണ്ട്.ഇതേ ചിത്രങ്ങള്‍ തന്നെ ഇവിടെയും കണ്ടു.

എനിഗ്മ- എന്റെ പ്രിയ ആല്‍ബം

2007-07-28T01:05:00.000+05:30

എനിഗ്മ കാണാത്തവര്‍ക്കാണ് ഈ പരിചയപ്പെടുത്തല്‍.എനിഗ്മ എന്ന ആല്‍ബത്തിലെ ഓരോ പാട്ടും(പ്രത്യേകിച്ച് അതിന്റെ ദൃശ്യവത്ക്കരണം )എന്നെ എത്ര കണ്ടാലും മടുപ്പിക്കാത്തതാണ്.മാത്രമല്ല,സര്‍ഗ്ഗാത്മകമായി എന്തെങ്കിലും ചെയ്യാന്‍ ആഗ്രഹിക്കുന്ന ആരേയും പ്രചോദിപ്പിക്കുകയും വെല്ലുവിളിക്കുകയും ചെയ്യും അത്.കണ്ടു നോക്കൂ.ഇതിലെ മറ്റ് പാട്ടുകള്‍ കാണാന്‍ ഈ പേജില്‍ പോകൂ.

കുറേക്കൂടി മണല്‍ ശില്പങ്ങള്‍...

2007-07-28T00:31:00.000+05:30

മണല്‍ ശില്പങ്ങളെ മുന്‍പൊരു പോസ്റ്റില്‍ പരിചയപ്പെടുത്തിയിരുന്നു.പുതിയ കുറേ മണല്‍ശില്പങ്ങള്‍ ഇവിടെ

ജലശയ്യ

2007-07-20T23:27:00.000+05:30

The sleeper by *Lonely-Dementia on deviant ART

മനോഹരമായ കുറച്ചുചിത്രങ്ങള്‍ കണ്ടു.ഈ ചിത്രങ്ങള്‍ ഫോട്ടോ മാനിപ്പുലേഷന്റെ കലാപരമായ സാധ്യതകള്‍ കാണിച്ചു തരുന്നു.നെറ്റില്‍ സൌജന്യമായി ഉപയോഗിക്കാവുന്ന ധാരാളം സ്റ്റോക് ഫോട്ടോ സൈറ്റുകള്‍ ഉണ്ട്.അവിടെ നിന്നും ചിത്രങ്ങള്‍ ശേഖരിച്ച് ഇത്തരത്തിലുള്ള സൃഷ്ടികള്‍ ചെയ്യാവുന്നതാണ്.മുകളില്‍ കാണുന്ന ചിത്രം മൂന്ന് വ്യത്യസ്ത ആളുകള്‍ എടുത്ത ചിത്രങ്ങളുടെ മനോഹരമായ സങ്കലനമാണ്.

ഗൂഗിള്‍ മൂണ്‍

2007-07-20T17:15:00.000+05:30

ഗൂഗിള്‍ മൂണ്‍
മനുഷ്യന്‍ ചന്ദ്രനിലിറങ്ങിയത് 1969 ജൂലൈ 21നാണ്.ഇപ്പോള്‍ ഗൂഗിള്‍ നമ്മെ കാണിക്കുന്നു ചന്ദ്രോപരിതലം.

ഇപ്പോള്‍(ദാ, ഇപ്പൊ തന്നെ) എത്ര പേര്‍ ജനിച്ചു/മരിച്ചു...?

2007-07-18T18:39:00.000+05:30

ലോകത്തെല്ലായിടത്തുമുള്ള രാജ്യങ്ങളില്‍ ഓരോ നിമിഷവും എത്ര പേര്‍ മരിക്കുന്നു/ജനിക്കുന്നു...എന്നൊക്കെ അറിയണോ?ഒരു വെബ്സൈറ്റുണ്ട്.ഇതില്‍ പ്രവേശിച്ച നിമിഷം മുതല്‍ മരണ ജനന സംഖ്യകളുടെ ഒരു കൌണ്ടര്‍ തുറക്കുന്നു...ഏതെങ്കിലും രാജ്യം തെരഞ്ഞെടുക്കാം.ഇതൊക്കെ താരതമ്യം ചെയ്യുകയുമാവാം.പ്രധാനമായും ഈ സൈറ്റ് മറ്റൊരു ഉപയോഗത്തിനുള്ളതാണ്.ഓരോ രാജ്യവും എന്തുമാത്രം കാര്‍ബണ്‍ ഡൈ ഓക്സൈഡ് പുറത്തേക്ക് വിടുന്നുണ്ട് എന്ന് ഓണ്‍ലൈനായി കാണാനാണ് ഇത് പ്രയോജനപ്പെടുന്നത്... ആഗോള താപനത്തില്‍ നമ്മുടെ സംഭാവനയും ഇതര രാജ്യങ്ങളുടെ സംഭാവനയും ഒന്ന് താരതമ്യം ചെയ്യണ്ടേ...?പോകൂ.

ഐ ലൈക് യു(കുട്ടികള്‍ക്ക്)

2007-07-18T17:54:00.000+05:30

കുട്ടികള്‍ക്ക് കാണാനും രസിക്കാനും ഫ്ലാഷില്‍ ചെയ്ത ഈ കാര്‍ട്ടൂണ്‍ ആല്‍ബം(ഇ-കാര്‍ഡ് എന്നാണ് ഓല് പറേണത്) കൊള്ളാം:ഐ ലൈക് യു.

ഫ്ലാഷില്‍ ചെയ്ത(ഞാനല്ല) മറ്റു ചില സംഗതികള്‍:

സ്പ്രിങ് മാസ് കുട്ടികള്‍ക്ക് ഇഷ്ടമാവും ..

ഐകണ്‍ വാര്‍ ഡസ്ക് ടോപ് ഐക്കണുകള്‍ യുദ്ധം ചെയ്യുന്നു...

പുതിയ ബ്ലോഗെഴുത്തുകാര്‍

2007-07-17T01:53:00.000+05:30

ഒന്ന്

പ്രസിദ്ധ കവി അന്‍വര്‍ അലി ബ്ലോഗ് തുടങ്ങിയിട്ട് കുറച്ചായി.ഇപ്പോള്‍ സജീവമായെന്ന് തോന്നുന്നു.നല്ലൊരു കവിയെ ഇനി ബൂലോകര്‍ക്ക് വായിക്കാം.കവികളെ മുട്ടിയിട്ട് നടക്കാന്‍ മേല എന്ന് വീണ്ടും ആളുകള്‍ നിലവിളിക്കുമെന്ന് തോന്നുന്നു.സത്യത്തില്‍ ആയിരത്തിലധികം ബ്ലോഗുകളുള്ള ബൂലോകത്തില്‍ നൂറോളം കവിതാ ബ്ലോഗുകളേ ഉള്ളൂ.പക്ഷേ ഉള്ളവ സജീവമാണെന്നതിനാലാണ് നര്‍മബ്ലോകന്മാരും പോട്ടം പിടുത്തക്കാരും കവിതാബ്ലോഗുകളെ തരം കിട്ടുമ്പോളൊക്കെ കുറ്റം പറയുന്നത്.അന്‍വറിന്റെ കവിതകള്‍ ഇവിടെ വായിക്കാം

രണ്ട്

മനോജ് കാട്ടാമ്പള്ളി എന്ന യുവകവിയും ബ്ലോഗില്‍ എത്തി.മനോജിന്റെ ‘ട്രാഫിക് ഐലന്റ്’ എന്നൊരു സമാഹാരം ഇറങ്ങിയിട്ടുണ്ട്.ബ്ലോഗില്‍ ‘ജീപ്പ്’ എന്ന മനോഹരമായൊരു കവിതയുണ്ട് .

മൂന്ന്

മറ്റൊരു പുതിയ ബ്ലോഗെഴുത്തുകാരനെ കൂടി കണ്ടു.ജൂലൈ മൂന്നിനു തുടങ്ങിയ ഈ ബ്ലോഗില്‍ ഇപ്പോള്‍ ആകെ പോസ്റ്റുകള്‍ എഴുപത്.എല്ലാം ചെറിയ ചെറിയ പോസ്റ്റുകള്‍.നാലോ അഞ്ചോ വരി മാത്രം.എല്ലാ പോസ്റ്റുകളും മനോഹരം.ബ്ലോഗിന്റെ പേര് തെരഞ്ഞെടുക്കാത്ത വളിപ്പുകള്‍.പോസ്റ്റുകളില്‍ ചിലത് നര്‍മമാണെങ്കില്‍ ചിലത് ഒന്നാന്തരം കവിതയാണ്.ഈ ബ്ലോഗര്‍ രാം മോഹന്‍ പാലിയത്ത് ആണെന്ന് പലരും സംശയിക്കുന്നു.

വരക്കാരേ വരൂ...

2007-07-16T23:14:00.000+05:30

വരയ്ക്കാനറിയുന്നവര്‍ക്കും അറിയാത്തവര്‍ക്കും ഒരു കൈനോക്കാം.നിങ്ങള്‍ വരച്ച ചിത്രം എങ്ങനെയാണ് വരച്ചതെന്ന് ഒന്നു കാണണമെന്നുണ്ടോ?ആദ്യം ഏതു വര,പിന്നെ ഏതു വര...അങ്ങനെയങ്ങനെ.എത്ര തവണ വേണമെങ്കിലും വരഞ്ഞു കാണിച്ചു തരും.കഴിവുള്ള കലാകാരന്മാര്‍ വരച്ച ചിത്രങ്ങള്‍ ഇതേ പോലെ കണ്ട് എങ്ങനെയാണ് വരഞ്ഞതെന്ന് കണ്ടു പഠിക്കുകയുമാവാം.
ഞാന്‍ വേറൊരു ഉപയോഗം കണ്ടെത്തി.കുട്ടികള്‍ക്ക് അക്ഷരങ്ങള്‍ എഴുതി കാണിച്ചു കൊടുക്കാം.ഒരക്ഷരം എഴുതുമ്പോള്‍ എവിടെ നിന്ന് തുടങ്ങണം,എങ്ങനെ അവസാനിപ്പിക്കണം എന്നൊക്കെ കുട്ടികള്‍ക്ക് കണ്ടു പഠിക്കാന്‍ ഒരു വഴിയാവും(മലയാളം എഴുതിത്തുടങ്ങുന്ന കുഞ്ഞുകുട്ടികളുടേ കാര്യമാണേ....)ബൂലോകത്തെ എല്ലാ വരക്കാരും ഓരോ ചിത്രം വരച്ച് അതിന്റെ ലിങ്ക് ഇവിടെ വെച്ചിട്ടു പോവുമോ?ഈ സൈറ്റിലേക്കു പോവാനും ചിത്രം വരയ്ക്കാനും താഴെയുള്ള ചിത്രത്തില്‍ (ചിത്രം കണ്ടിട്ടു മതി)ക്ലിക്കിയാല്‍ മതി:)

ഇത് ഞാന്‍ ഉണ്ടാക്കിയതല്ല.(ഈ പ്രസ്താവന പഴയൊരു പോസ്റ്റിന് വന്ന കമന്റിന്റെ വെളിച്ചത്തിലാണേ...)

Learn how to draw cartoons, comics, and anime at Sketchfu!

ക്രോസ് കണ്ട്രി: അന്‍പതാം പോസ്റ്റ്

വെജിറ്റബിള്‍ കാര്‍വിങ്

2007-07-10T18:40:00.000+05:30

തലക്കെട്ട് ഇംഗ്ലീഷിലാണ്.എന്താണിതിന് തത്തുല്യമായ മലയാളം?പച്ചക്കറികളില്‍ കൊത്തു പണികള്‍ ചെയ്ത് മനോഹരമായ രൂപങ്ങള്‍/മാതൃകകള്‍(ശില്പങ്ങള്‍ എന്ന് പറയാമോ?) ഉണ്ടാക്കലാണിത്.കലാകാരന്മാര്‍ക്കേ ഇതും വഴങ്ങൂ.അല്ലെങ്കില്‍ എന്തിലാണ് കലാംശം ഇല്ലാത്തത്?ജപ്പാനിലാണെന്ന് തോന്നുന്നു(അതോ ചൈനയിലോ?) ചായയുണ്ടാക്കല്‍ ഒരു ചടങ്ങാണ്.ആഹാരം ഉണ്ടാക്കലും,ഉണ്ടാക്കിയ ആഹാരം ക്രമീകരിച്ച് അലങ്കരിച്ച് അവതരിപ്പിക്കുന്നതും കലയാണ്.ആഹാരം തിന്നാന്‍ മാത്രമുള്ളതല്ല ,കാണാനും കൂടി ഉള്ളതാണ്...പക്ഷേ നമുക്ക് മലയാളികള്‍ക്ക് അമ്മാതിരി പരിപാടികളൊന്നും തിരിയൂല.വാഴയിലയില്‍ ചോറ് അതിനു ചുറ്റും വിഭവങ്ങള്‍....ചോറിന്റെ വെണ്മയ്ക്കു ചുറ്റും കുറേ നിറങ്ങള്‍...ഒരു അബ്സ്ട്രാക്റ്റ് ചിത്രകാരന്റെ ചിത്രം പോലെയിരിക്കും നമ്മുടെ ഊണ്.അതിനപ്പുറത്തേക്കുള്ള അലങ്കാരങ്ങളൊന്നും നമുക്ക് പിടിക്കുകയില്ലെന്ന് തോന്നുന്നു...

അല്ലെങ്കില്‍ പട്ടിണി കിടന്ന വയറിനെന്തിനാ അലങ്കരിച്ച ഭക്ഷണം?മലയാളി മൂന്നു നേരം തെറ്റാതെ ഉണ്ണാന്‍ തുടങ്ങിയിട്ട് അധികകാലമായില്ലല്ലോ അല്ലേ?

പച്ചക്കറിയിലെ ചിത്രപ്പണികള്‍ ഇവിടെ.

ഹൃദയഹാരിയായ ചൈന

2007-07-10T17:46:00.000+05:30

ഒരു കാലത്ത്,ഡിജിറ്റല്‍ ടെലിവിഷന്‍ ചാനലുകളുടെ ഒരു ഭ്രാന്തന്‍ പ്രേക്ഷകനായിരുന്നു ഞാന്‍.
അക്കാലത്ത്-ചിലപ്പോള്‍ ഇക്കാലത്തും-ഫ്രീ ടു എയര്‍ ആയി വന്നിരുന്നത് കൂടുതലും ചൈനീസ് ചാനലുകളായിരുന്നു.ചൈനയുടെ ദൃശ്യ സൌന്ദര്യവും അവരുടെ സവിശേഷമായ കെട്ടിട മാതൃകകളും ജീവിത രീതിയും എന്നെ ആകര്‍ഷിച്ചിട്ടുണ്ട്.എന്‍.എന്‍ പിള്ളയുടെ ആത്മകഥയില്‍ രണ്ടാം മഹായുദ്ധകാലത്ത് താന്‍ കണ്ട ചില ചൈനക്കാരെ കുറിച്ച് വിവരിക്കുന്നുണ്ട്.അത് ചൈനക്കാരോട് അല്പം വെറുപ്പുണ്ടാക്കാന്‍ പര്യാപ്തമാണ്.(വിശദീകരണം ആവശ്യപ്പെടരുത്,പറ്റുമെങ്കില്‍ എന്‍,എന്‍ പിള്ളയുടെ ആത്മകഥ വായിക്കുക)
ചൈന ഒരു പാട് ഭാഷകള്‍ സംസാരിക്കുന്ന ആളുകള്‍ നിവസിക്കുന്ന രാജ്യമാണ്.ലോകത്ത് ഏറ്റവുമധികം ആളുകള്‍ സംസാരിക്കുന്നത് ചൈനയുടെ മന്ദാരിന്‍ ആണെന്ന് തോന്നുന്നു.ചൈനയാണല്ലോ ജനസംഖ്യയില്‍ മുന്നില്‍.എന്തൊക്കെ പറഞ്ഞാലും ചൈന സുന്ദരമാണ്.ഈ ചിത്രങ്ങള്‍ നോക്കൂ.

ടാന്‍ ഗ്രാം

2007-07-10T17:32:00.000+05:30

എന്താണ് ടാന്‍ ഗ്രാം?ചിത്രത്തില്‍ ഒരു സമചതുരം കാണുന്നില്ലേ?ഈ സമചതുരത്തെ പിന്നെയുംചതുരങ്ങളായും ത്രികോണങ്ങളായും വിഭജിച്ചതും കാണാം.ആകെ ഏഴ് കഷ്ണങ്ങള്‍.ഈ ഏഴ് കഷ്ണങ്ങള്‍ പലതരത്തില്‍ ചേര്‍ത്തു വെച്ച് പലതരം ചിത്രങ്ങള്‍ ഉണ്ടാക്കാം.ഈ വിദ്യക്കാണ് ടാന്‍ ഗ്രാം എന്ന് പേര്.ഇത് സാധാരണ ചെയ്യാറ് ഇങ്ങനെയാണ്:

ഒരു കറുത്ത കടലാസില്‍ ഒരു സമചതുരം വെട്ടിയുണ്ടാക്കുക.അതില്‍ ചിത്രത്തില്‍ കാണും വിധം സമചതുരം,ത്രികോണങ്ങള്‍,സാമാന്തരികം തുടങ്ങിയവയൊക്കെ വരച്ച് വെട്ടിയെടുക്കുക.തുടര്‍ന്ന് അവ ചേര്‍ത്ത് ചിത്രങ്ങള്‍ ഉണ്ടാക്കുക.ഓണ്‍ ലൈനായി ഇനി ടാന്‍ ഗ്രാം പസില്‍ ഒന്നു ചെയ്തു നോക്കുന്നോ ?ഇവിടെ അവസരമുണ്ട്.

പച്ചാനക്കുട്ടി ഈ വിഷയത്തില്‍ ഒരു പോസ്റ്റിട്ടത് വല്യമ്മായി ചൂണ്ടികാണിച്ചപ്പോഴാണ് കണ്ടത്.പച്ചാനക്കുട്ടിക്ക് അഭിനന്ദനങ്ങള്‍.

മേപ്പിള്‍ ഇലകളും പനിനീര്‍ പൂക്കളും..

2007-07-10T08:18:00.000+05:30

മേപ്പിള്‍ ഇലകളും പനിനീര്‍പൂക്കളും തമ്മില്‍ എന്താ ബന്ധം?ഒരു ബന്ധവുമില്ല.എന്നാല്‍ മേപ്പിള്‍ ഇലകള്‍ കൊണ്ട് പനിനീര്‍പൂക്കള്‍ ഉണ്ടാക്കാം.ഇതൊന്ന് കാണൂ.പ്ലാവില കൊണ്ട് കഞ്ഞി കുടിക്കാനുള്ള കയിലും ഓല കൊണ്ട് തത്ത,പാമ്പ്,പന്ത് തുടങ്ങിയവയും ഉണ്ടാക്കാന്‍ മലയാളിക്ക് അറിയാം.
ആരെങ്കിലും അതൊക്കെ ഒരു ഫോട്ടോ പോസ്റ്റാക്കിയാല്‍....
ആക്കിയാല്‍...?
വെറുതെ കാണാമായിരുന്നു...:)

പുത്തന്‍ ലോകാത്ഭുതങ്ങള്‍

2007-07-08T18:12:00.000+05:30

ലോകത്തിലെ ഏഴത്ഭുതങ്ങളില്‍ താജ്മഹലിനെ പെടുത്താന്‍ വോട്ട് ചെയ്തവര്‍ക്കും നെട്ടോട്ടമോടിയവര്‍ക്കും ഇനി സന്തോഷിക്കാം.താജ് ലോകാത്ഭുതങ്ങളുടെ പട്ടികയില്‍ ഉള്‍പ്പെട്ടു.ഇതു സംബന്ന്ധിച്ച വാര്‍ത്തയുടെയും ചിത്രങ്ങളുടെയും ലിങ്കുകള്‍ ചുവടെ:

പുതിയ സപ്താത്ഭുതങ്ങള്‍(ബ്ലോഗ് പോസ്റ്റ്)

മത്സരിച്ചവ(ബ്ലോഗ് പോസ്റ്റ്)

ചിത്രങ്ങള്‍(വെബ് സൈറ്റ്)

ലോകാത്ഭുതാങ്ങള്‍ ഒരു ഫ്ലിക്കര്‍ സംഘം

ലോകാത്ഭുതങ്ങള്‍ (വെബ്സൈറ്റ്)

പഴയതും പുതിയതും മധ്യകാലത്തുള്ളതും അങ്ങനെ എല്ലാ തരം ലോകാത്ഭുതങ്ങളും...

പുത്തന്‍ ലോകാത്ഭുതങ്ങള്‍

താജ് :കൂടുതല്‍ വിവരങ്ങള്‍

മൃഗശബ്ദശാല

2007-07-08T12:59:00.000+05:30

ഒരു കുന്തവുമില്ല.കൈപ്പള്ളി പണ്ട് ഇതേ പോലെ ഒന്ന് അവതരിപ്പിച്ചിരുന്നു.എനിക്കത് ഇഷ്ടമായി.പല രംഗങ്ങളില്‍ കൈ വെക്കുന്നതു കൊണ്ടാവാം കൈപ്പള്ളിയുടെ സംഭാവനകള്‍ കാണാതെ പോവുന്നത്.അദ്ദേഹം ഈ മേഖലയില്‍ കൂടുതല്‍ എന്തെങ്കിലും ചെയ്തെങ്കില്‍ എന്ന് ഞാന്‍ പ്രത്യാശിക്കുന്നു.കുട്ടികളുടെ പഠനവുമായി ബന്ധപ്പെട്ട് മലയാളത്തില്‍ സോഫ്റ്റ്വേറുകള്‍ വളരെ കുറവാണ്.നമ്മുടെ ഹരിക്കും ചില സംഭാവനകള്‍ ചെയ്യാനാവുമെന്നാണ് എന്റെ വിശ്വാസം.ഓഡിയോ പോസ്റ്റുകള്‍ ചെയ്യുന്നവര്‍ കുട്ടികള്‍ക്കു പറ്റിയ കവിതകളൊക്കെ ഒന്ന് ആലപിച്ച് പോസ്റ്റ് ചെയ്തിരുന്നെങ്കില്‍ ഉപകാരമായിരുന്നു.

മൃഗശബ്ദശാല

ഫ്ലാഷില്‍ ചെയ്ത ഈ സാധനം കാണാന്‍ മുകളില്‍ കൊടുത്ത മൃഗശബ്ദശാല എന്ന വാക്കില്‍ ക്ലിക്ക് ചെയ്യുക.(കൈതമുള്ളിനു വേണ്ടിയാണ് ഈ കൂട്ടിചേര്‍ക്കല്‍).ഇത് ആരാണ് ഉണ്ടാക്കിയതെന്ന് അറിയില്ല.

സ്പോഞ്ച് ചന്ദ്രന്‍

2007-07-08T00:39:00.000+05:30

Image courtesy: NASA/JPL/Space Science Institute

ശനിയുടെ ഉപഗ്രഹമായ ഹൈപെറിയോണ്‍ ആണ് ചിത്രത്തില്‍.ഇത്തരത്തില്‍ ആകൃതിയുള്ള ശനിയുടെ ഉപഗ്രഹങ്ങളില്‍ ഏറ്റവും വലുതാണിത്.നാസയുടെ ബഹിരാകാശ വാഹനമായ കാസ്സിനി എടുത്ത ചിത്രമാണിത്.ഉപഗ്രഹത്തിന്റെ ചിത്രത്തില്‍ കപ്പ് ആകൃതിയില്‍ കാണുന്ന ഭാഗങ്ങള്‍ ഹൈഡ്രോ കാര്‍ബണുകളുടെ അറകളാണ്.സൌരയൂഥത്തില്‍ ജീവന്റെ ചേരുവകള്‍ ഉള്ളത് ഭൂമിയില്‍ മാത്രമല്ലെന്നുള്ളതിന്

തെളിവായിരിക്കുന്നു ഇത്.ഇത്തരത്തിലുള്ള ഹൈഡ്രോ കാര്‍ബണുകള്‍ ധൂമകേതുക്കളിലും ,ഉല്‍ക്കകളിലുമൊക്കെ മുന്‍പ് തന്നെ കണ്ടെത്തിയിട്ടുണ്ട്.ഇതിനര്‍ഥം ജീവനു വേണ്ടുന്ന അടിസ്ഥാന രാസഘടകങ്ങള്‍ ഈ പ്രപഞ്ചമാകെ വ്യാപിച്ചു കിടക്കുന്നുണ്ടെന്നാണ്.ഹൈപെറിയോണില്‍ കണ്ട മറ്റൊരു സംഗതി ഖരരൂപത്തിലുള്ള കാര്‍ബണ്‍ ഡൈ ഓക്സൈഡാണ്.കാര്‍ബണ്‍ ഡൈ ഓക്സൈഡ് ഐസുമായി ചേര്‍ന്നാണ് ഇവിടെ കാണുന്നത്.

കടപ്പാട്:നാഷനല്‍ ജ്യോഗ്രഫിക് വാര്‍ത്ത

കാസ്സിനി എടുത്ത ശനിയുടെ മനോഹരമായ ചിത്രങ്ങള്‍

മാക്രോസ്

2007-07-07T21:13:00.000+05:30

തുമ്പികള്‍

വമ്പന്‍ തുമ്പിത്തല

അത്ഭുതകരമായ പ്രകൃതി

മൂങ്ങക്കണ്ണ്

നിങ്ങളുടെ ഇതര ഗ്രഹ വയസ്സുകള്‍...?

2007-07-07T09:55:00.000+05:30

നിങ്ങള്‍ക്കെന്തു വയസ്സായി?എനിക്ക് മുപ്പത്തിയഞ്ചു വയസ്സായി.അതായത് 35 ഭൌമവര്‍ഷങ്ങള്‍ കഴിഞ്ഞു അവതരിച്ചിട്ട്.എനിക്ക് 146 ബുധ വയസ്സായി.ബുധന്റെ ഒരു വര്‍ഷം(പരിക്രമണ കാലം-സൂര്യന് ചുറ്റും ഒരു പ്രാവശ്യം കറങ്ങാനെടുക്കുന്ന സമയം)എന്നത് 87.97 ഭൌമദിനങ്ങളാണ്.അപ്പോ അവിടെ വയസ്സാകാന്‍ എളുപ്പമാണല്ലോ.എന്റെ വ്യാഴ വയസ്സ് 3 ആവുന്നതേയുള്ളൂ.അതുകൊണ്ടാണ് ഞാനിപ്പോഴും ഒരു കുട്ടിയാണെന്ന് ചിലരൊക്കെ പറയുന്നത് എന്ന് ഇപ്പോഴല്ലേ മനസ്സിലായത്.എന്റെ ഇതര വയസ്സുകള്‍ താഴെ കൊടുക്കുന്നു:

എന്റെ ശുക്ര വയസ്സ് :57.2
എന്റെ ചൊവ്വ വയസ്സ്:18.7
എന്റെ ശനി വയസ്സ്:1.19
എന്റെ യുറാനസ് വയസ്സ്:0.41
എന്റെ നെപ്ട്യൂണ്‍ വയസ്സ്:0.21

ഇപ്പൊ എനിക്ക് ചൊവ്വയോട് വല്ലാത്തൊരു സ്നേഹം.അങ്ങോട്ട് കടക്കാന്‍ വല്ല മാര്‍ഗവുമുണ്ടോ എന്തോ?ഞാന്‍ ജനിച്ചിട്ട് 12867 ഭൌമദിവസങ്ങള്‍ പിന്നിട്ടു.എന്നാല്‍ എന്റെ ബുധ ദിനങ്ങളാവട്ടെ വെറും 219.5

നിങ്ങള്‍ക്കും അറിയണമെന്ന് തോന്നുന്നില്ലേ,നിങ്ങളുടെ ഇതര ഗ്രഹ വയസ്സുകള്‍.ഇവിടെ പോകൂ.നിങ്ങളുടെ ജനനത്തീയതി നല്‍കിയാല്‍ വിവരങ്ങള്‍ ലഭിക്കും.

അന്യഗോളങ്ങളിലെ ഭാരം അറിയണമെങ്കില്‍ ഇവിടെ.ഈ സൈറ്റ് ഒന്നാന്തരം പഠന സഹായിയാണ്.കേട്ടിട്ടുണ്ടാവും:എക്സ്പ്ലോററ്റോറിയം.കോശങ്ങളും അവയുടെ ആന്തര ഘടന,പ്രവര്‍ത്തനം ഇതൊക്കെ ഒരു മൈക്രോസ്കോപ്പിന്റെ ചുവട്ടില്‍ കാണുന്നതു പോലെ ഇവിടെ കാണാം.

ഈ പോസ്റ്റില്‍ പരാമര്‍ശിക്കുന്ന വിഷയവുമായി ബന്ധപ്പെട്ട് ഒരു സൈറ്റ് കൂ‍ടി കണ്ടു.ലിങ്ക് ഇവിടെ.

ഹ്യൂമണ്‍ ക്യാമറ

2007-07-07T09:52:00.000+05:30

കാണുന്നത് അതേ പടി പുന:സൃഷ്ടിക്കാന്‍ കഴിയുമോ?വീരാന്‍ കുട്ടിയുടെ പൂത്തപടി എന്ന കവിത ഓര്‍മയില്‍.ഈ വീഡിയോ ഒന്ന് കണ്ടു നോക്കൂ.

ശബ്ദാന്വേഷി

2007-07-06T07:51:00.000+05:30

നെറ്റില്‍ ചിത്രങ്ങള്‍ തിരയാം,വീഡിയോ തിരയാം ഭൂപടങ്ങള്‍ തിരയാം...ശബ്ദങ്ങള്‍ തിരഞ്ഞു കണ്ടു പിടിക്കാന്‍ വല്ല എളുപ്പ വഴിയുമുണ്ടോ?വീഡിയോ എഡിറ്റിങിലൊക്കെ ഒരു പാട് ആവശ്യമുള്ളവയാണ് പല തരം ശബ്ദങ്ങള്‍.ഇവിടെ ഒരു ശബ്ദാന്വേഷി കണ്ടു.ശബ്ദത്തിന്റെ വലിപ്പം,ഫോര്‍മാറ്റ്,റെസൊലൂഷന്‍,സാംപിള്‍ റേറ്റ് എന്നിവ ക്രമീകരിച്ചുള്ള തിരച്ചിലും സാധ്യമാണ്.

മനുഷ്യ ഘടികാരം...

2007-07-05T23:14:00.000+05:30

മനുഷ്യ ഘടികാരം എന്നാല്ലാണ്ടെ എന്താപ്പൊ പറയ്യാ...വല്ലാത്ത അക്രമം തന്നെ.

എന്താണ് ക‍പ്രേക്കര്‍ സംഖ്യ?

2007-07-05T23:01:00.000+05:30

നാലക്കമുള്ള ഒരു സംഖ്യ എഴുതുക. ഉദാഹരണത്തിന്:5004. സംഖ്യയിലെ എല്ലാ അക്കങ്ങളും ഒരേ പോലെയാവാന്‍ പാടില്ല(അതായത്1111,2222,3333...എന്നിങ്ങനെയുള്ളവ പറ്റില്ല.)
ഇനി ഈ സംഖ്യയിലെ അക്കങ്ങള്‍ എല്ലാം ഉപയോഗിച്ചെഴുതാന്‍ കഴിയുന്ന പരമാവധി വലിയ നാലക്ക സംഖ്യ(ഇവിടെ 5400)കണ്ടു പിടിക്കുക.
പരമാവധി ചെറിയ സംഖ്യയും കാണണം(ഇവിടെ0045)
ഇനി വലുതില്‍ നിന്ന് ചെറുത് കുറയ്ക്കുക(5400-0045)
കിട്ടിയ ഉത്തര(5355)ത്തിലെ അക്കങ്ങള്‍ ഉപയോഗിച്ച് വീണ്ടും ഇതേ വിധം വലിയ നാലക്ക സംഖ്യയും ചെറിയ നാലക്ക സംഖ്യയും ഉണ്ടാക്കി അവയുടെ വ്യത്യാസം കാണുക.കിട്ടുന്ന ഉത്തരത്തിലെ അക്കങ്ങള്‍ ഉപയോഗിച്ച് ഈ ക്രിയ തുടരുക.താഴെ നോക്കുക:

5400-0045=5355

5553-3555=1998

9981-1899=8082

8820-0288=8532

8532-2358=6174

7641-1467=6174

ഇനി എത്ര ചെയ്താലും 6174ല്‍ വന്നു നില്‍ക്കും.നമ്മള്‍ ഇവിടെ ആദ്യം ഉപയോഗിച്ച നമ്പര്‍ 5004 ആണല്ലോ.ഏത് നാലക്ക സംഖ്യ(1111,2222,3333,എന്ന മാതിരി ഒരേ അക്കം നാലുവട്ടം ആവര്‍ത്തിച്ചു വരുന്ന സംഖ്യകള്‍ പറ്റില്ല )ഉപയോഗിച്ച് ഈ പ്രക്രിയ തുടര്‍ന്നാലും ഒടുവില്‍ 6174ല്‍ വന്നു നില്‍ക്കും.സംശയമുണ്ടെങ്കില്‍ ഒരു നാലക്ക സംഖ്യ എടുത്ത് ഇതേ പോലെ ചെയ്തു നോക്കൂ.ഇത് കണ്ടു പിടിച്ചത്

ഇന്ത്യക്കാരനായ കപ്രേക്കറാണ്.വിചിത്രമായ ഈ സംഖ്യ(6174)യാണ് കപ്രേക്കര്‍ സംഖ്യ.

ഇതു സംബന്ധിച്ച ലേഖനം ഇവിടെ വായിക്കാം

കുട്ടികള്‍ക്ക് കളര്‍ കൊടുക്കാന്‍ ചിത്രങ്ങള്‍

2007-07-05T19:49:00.000+05:30

അഞ്ചു വയസ്സില്‍ താഴെയുള്ള കുട്ടികള്‍ക്ക് കളര്‍ കൊടുക്കാന്‍ പറ്റിയ ചിത്രങ്ങള്‍ വേണമെന്നുണ്ടോ? താഴെയുള്ള ലിങ്കുകളില്‍ പോയാല്‍ വേണ്ടത്ര ചിത്രങ്ങള്‍ ലഭിക്കും. ചിത്രങ്ങള്‍ നിങ്ങളുടെ പി.സി യില്‍ സേവ് ചെയ്യുക.ജി.ഐ.എഫ് ഫോര്‍മാറ്റില്‍ ഉള്ള ചിത്രങ്ങള്‍ പെയിന്റില്‍ ഓപണ്‍ ചെയ്ത് ബി.എം.പി ഫയലായി സേവ് ചെയ്യണം. ഇങ്ങനെ സേവ് ചെയ്ത ചിത്രങ്ങള്‍ കുട്ടികള്‍ക്ക് നിറം കൊടുക്കാന്‍ ഉപയോഗിക്കാം.

ഒന്ന്

രണ്ട്

മൂന്ന്

നാല്

അഞ്ച്

ആറ്

ഏഴ്

എട്ട്

ഒന്‍പത്

പത്ത്

പതിനൊന്ന്

പന്ത്രണ്ട്

പതിമൂന്ന്

പതിനാല്

കുട്ടികള്‍ക്ക്(3-5വയസ്സ്) പറ്റിയ ഒരു സൈറ്റ് കണ്ടു.ഓണ്‍ലൈനായി കളര്‍ ചെയ്യാനും

പ്രയാസമില്ലാത്ത ചില കളികളുമുണ്ട്.ഇവിടെ ക്ലിക്ക് ചെയ്താല്‍ കിട്ടുന്ന പേജില്‍ ഒരു ചിത്രം കാണാം.

അതില്‍ മുയലുകള്‍,പുലി,വാതില്‍,കളര്‍ പെന്‍സിലുകള്‍ എന്നിവ കാണാം.ഓരോന്നിലും ക്ലിക്കു ചെയ്താല്‍ ഓരോ പേജിലേക്ക് പോവും,ലോഡ് ചെയ്യുന്നതു വരെ ഒരു ഫാന്‍ ശബ്ദത്തോടെ കറങ്ങുന്നതു കാണാം.പിന്നെ പേജ് തുറക്കും.കുട്ടികള്‍ക്ക് ഈ കളികള്‍ ഇഷ്ടമാവും.

നിറം കൊടുക്കാനുള്ള കൂടുതല്‍ ചിത്രങ്ങള്‍ ഇവിടെ നിന്നും ഡൌണ്‍ലോഡ് ചെയ്യാം.

ഇന്ത്യന്‍ ടോയ് ലെറ്റ് എങ്ങനെ ഉപയോഗിക്കണം...?

2007-07-05T08:48:00.000+05:30

സ്വകാര്യത ഒരു അനിവാര്യതയാണോ?അപ്പിയിടാന്‍ എന്തായാലും സ്വകാര്യത വേണമെന്ന് എനിക്ക് പലപ്പോഴും തോന്നിയിട്ടുണ്ട്.പക്ഷേ ലോകത്തുള്ള ജനമെല്ലാം അങ്ങനെയാവില്ല.ഒരു ദിവസം കുറ്റിപ്പുറം പാലത്തിനു മുകളിലൂടെ ഞാന്‍ ബസ്സില്‍ പോരുകയായിരുന്നു.പെട്ടെന്ന് എന്റെ കണ്ണുകള്‍ ആ ദൃശ്യം എനിക്ക് തന്നു. വെള്ളമില്ലാത്ത വിസ്തൃതമായ തീരത്ത് എട്ടുപത്ത് തമിഴന്മാര്‍ നിരന്നിരുന്ന് അപ്പിയിടുന്നു.ആ ദൃശ്യം ഒരു ഫോട്ടോ ആയി കിട്ടാത്തതില്‍ എനിക്ക് ഖേദമുണ്ട്. പക്ഷേ പറഞ്ഞിട്ടെന്താ...?ശബരിമല സീസണായാല്‍ ദിവസവും ആയിരകണക്കിന് തമിഴന്മാരാണ് കുറ്റിപ്പുറം പാലത്തിനു സമീപം കാര്യം സാധിക്കുന്നത്.ഗവണ്മെന്റ് കണ്ടറിഞ്ഞ് അവിടെ തീര്‍ഥാടകര്‍ക്ക് ഇപ്പോള്‍ പ്രഭാത കൃത്യങ്ങള്‍ക്കുള്ള സൌകര്യങ്ങള്‍ ചെയ്തിട്ടുണ്ട്.എന്നാലും തമിഴര്‍ തീരത്തിരുന്നേ പാസാക്കൂ...ഞാന്‍ സംശയിക്കാറുണ്ട് ,ഈ തമിഴരും തെലുങ്കരും ശബരിമലക്കാലത്ത് വിശാലമായി തൂറാനാണോ കേരളത്തിലേക്ക് വരുന്നതെന്ന്...(പറഞ്ഞു പറഞ്ഞ് ഇതൊരു തരം പ്രാദേശികവാദമായി മാറിയെങ്കില്‍ ക്ഷമിക്കണേ)

തിരുപ്പൂരില്‍ നേരം വെളുത്താല്‍ ഇരുചക്രവാഹനമെടുത്ത് അവര്‍ ഒരു ഗ്രൌണ്ടിലേക്ക് പോകും.നഗരത്തിലെ ജനമധികവും ഈ ഗ്രൌണ്ടില്‍ ആണ് കാര്യം സാധിക്കുകയത്രേ.എല്ലാവരും നിരന്നിരുന്ന് സിഗരട്ട് കത്തിച്ച് പരസ്പരം നാട്ടുവര്‍ത്തമാനം പറഞ്ഞ് അപ്പിയിട്ട് തിരിച്ചു പോവും.

ഒരിക്കല്‍ എനിക്കും ഇങ്ങനെ ഒരു അനുഭവമുണ്ടായി.കുറച്ച് സാഹസികനായ ഒരു ചങ്ങാതി എനിക്ക് ഉണ്ടായിരുന്നു.ഞാന്‍ അവന്റെ ഒരു ആരാധകനായിരുന്നു.അവന്റെ കാമുകിയുടെ വീട്ടില്‍ ഒരു ദിവസം പോയി താമസിക്കേണ്ടി വന്നു.പിറ്റേന്ന് കാലത്ത് കാപ്പിത്തോട്ടത്തിലേക്കിറങ്ങി.ഒരുമിച്ചിരുന്ന് അപ്പിയിടണമെന്ന് അവന് നിര്‍ബന്ധം.ഞങ്ങള്‍ മൂന്നു പേരുണ്ടായിരുന്നു.മൂന്നാമത്തെയാള്‍ അവന്റെ കാമുകിയല്ലെന്നു മാത്രം ഇവിടെ സൂചിപ്പിച്ചോട്ടെ.എത്ര നേരം ഇരുന്നിട്ടും എനിക്കുമാത്രം അപ്പി പോയില്ല...

സ്വകാര്യത...സ്വകാര്യത തന്നെ പ്രശ്നം.

അപ്പിയിടലുമായി ബന്ധപ്പെട്ട് വേറേയും ഒരു പ്രശ്നം ഞാന്‍ തിരിച്ചറിഞ്ഞിരുന്നു.യൂറോപ്യന്‍ ക്ലോസറ്റുകളില്‍ എനിക്ക് അപ്പിയിടാനുള്ള അറപ്പ്.

അതില്‍ ഇരിക്കാന്‍ അറപ്പു തന്നെയായിരുന്നു.ഇനി എങ്ങനെയെങ്കിലും ഇരുന്നാല്‍ തന്നെ അപ്പിയിടല്‍ നടക്കുകയുമില്ല.അങ്ങനെ കുറെ കാലമായുള്ള ഈ പ്രശ്നം അടുത്ത കാലത്ത് പരിഹരിക്കപ്പെട്ടു.പുതിയ വാടകവീട്ടില്‍ യൂറോപ്യന്‍ ക്ലോസറ്റ് മാത്രമേയുള്ളൂ.അപ്പിയിടാതെ വയ്യല്ലോ...

ഞാന്‍ വിചാരിച്ചത് ഇത്തരമൊരു പ്രശ്നം നമുക്കു മാത്രമേ ഉണ്ടാവൂ എന്നാണ്?വിദേശികള്‍ക്ക് ഇന്ത്യന്‍ റ്റോയ് ലെറ്റ് ഉപയോഗിക്കാന്‍ ഇതേ തരത്തില്‍ ഒരു പ്രശ്നമുണ്ടെന്ന് ഇപ്പോഴാണ് മനസ്സിലായത്.മാത്രമല്ല അവര്‍ ഇങ്ങനെയും സംശയിക്കുന്നു...:എന്തിനാണീ ഇന്ത്യക്കാര്‍ കൈകൊണ്ട് അപ്പി കഴുകുന്നത്...?അവര്‍ക്ക് കടലാസ് ഉപയോഗിച്ചു കൂടേ.. ?

ഇന്ത്യന്‍ ടോയ് ലെറ്റ് എങ്ങനെ ഉപയോഗിക്കണം എന്ന സചിത്രബോധനം ഇവിടെ.

വായിച്ചു നോക്കണേ...ടോയ് ലെറ്റ് മൂന്നാറില്‍ നിന്നാണ്...:)

ചിത്രങ്ങളുടെ 151ബെഞ്ചുകള്‍

2007-07-05T07:34:00.000+05:30

ജൂണ്‍ 29ന് 100ല്‍ അധികം കലാകാരന്മാര്‍ മോസ്കോയിലെ ഒരു ഗാലറിയില്‍ ഒത്തു ചേരുകയും ലോകത്തെ 151 ബെഞ്ചുകള്‍ ഉണ്ടാക്കുകയും ചെയ്തു.ഇതെല്ലാം ചേര്‍ത്തുവെച്ചപ്പോള്‍ 300മീറ്ററിലധികം നീളത്തിലുള്ള ഒരു കലാസൃഷ്ടിയായി അതു മാറി. കാണുക.

Courtesy:http://haha.nu/

മണല്‍ ശില്പങ്ങള്‍

2007-07-05T07:00:00.000+05:30

പുഴയോരത്തു ചെന്നിരുന്നാല്‍ എന്തെങ്കിലും മണലില്‍ നിര്‍മിക്കാന്‍ തോന്നും.എന്തെങ്കിലും ഉണ്ടാക്കുകയും വൈകാതെ അത് തട്ടിയുടച്ച് തിരിച്ചു പോരുകയും ചെയ്യും.പക്ഷേ അതിനൊക്കെ ‘വെറും നേരം പോക്ക്’ അല്ലെങ്കില്‍ ‘അവനവനെക്കൊണ്ടുള്ള പരീക്ഷണങ്ങള്‍’ എന്നൊക്കെ പേരിട്ട് തള്ളാനുള്ള നിലവാരമേ ഉണ്ടാവുകയുള്ളൂ.കാരണം അടിസ്ഥാനപരമായി ഞാനൊരു ശില്പിയല്ലല്ലോ...കുറഞ്ഞ പക്ഷം ഒരു ചിത്രം വരയ്ക്കാനെങ്കിലും അറിയണം.അതും അറിയില്ല.

കഴിവുള്ള കലാകാരന്മാര്‍ നിര്‍മിച്ച മണല്‍ ശില്പങ്ങള്‍ ഒന്നു കണ്ടാലോ?സര്‍ഗ്ഗാത്മക സൃഷ്ടി മനുഷ്യന് ആനന്ദം ജനിപ്പിക്കും.അതിന്റെ ഉദാഹരണങ്ങളാവും ഈ മണല്‍ ശില്പങ്ങള്‍...

ശ്രദ്ധിക്കപ്പെടേണ്ട ബ്ലോഗുകള്‍

2007-07-04T23:57:00.000+05:30

കുറച്ചായി എനിക്ക് പല ബ്ലോഗുകളിലും കമന്റിടാന്‍ പറ്റുന്നില്ല.പലതവണ ശ്രമിച്ചാലും പരാജയം തന്നെയാവും ഫലം.ഒരുപാട് സമയം ഈ കമന്റ് വഴിപാടിനു വേണ്ടി ഞാന്‍ ചെലവഴിക്കുന്നുണ്ട്.കാര്യം പോസ്റ്റുടമകള്‍ അറിയുകയും ഇല്ല.എന്നാല്‍ ബ്ലോഗ് പോസ്റ്റുകള്‍ പബ്ലിഷ് ചെയ്യാന്‍ ഈ വക പ്രശ്നമൊന്നും കാണുന്നുമില്ല.എളുപ്പം പബ്ലിഷ് ആവുന്നുണ്ട്.അതുകൊണ്ട് കമന്റുകള്‍ ഒന്നിച്ച് പോസ്റ്റാക്കിയാലോ എന്ന് ഞാന്‍ ആലോചിക്കുന്നുണ്ട്.ഏതായാലും ഇതൊരു തുടക്കമാണ്.

ചില പ്രസക്തമായ ബ്ലോഗുകള്‍ ഞാന്‍ ഈയിടെ കണ്ടു.അവ ഇവിടെ കൊടുക്കുന്നു.

1അപ്പൂന്റെ ലോകം

ശാസ്ത്ര പോസ്റ്റുകളുടെ കുറവ് നികത്തുന്ന ഈ ബ്ലോഗ് വായിക്കുകയും പ്രോത്സാഹിപ്പിക്കുകയും ചെയ്യേണ്ടുന്ന ഒന്നാണ്.ഈ പോസ്റ്റ് എനിക്ക് ഇഷ്ടമായി.
വിവരങ്ങള്‍ പങ്കുവെച്ചതിന് അപ്പുവിനുള്ള നന്ദി ഇവിടെ ചേര്‍ക്കുന്നു.

2ശോണിമ പറയുന്നത്
ശോണിമയുടെ പുതിയ പോസ്റ്റ് വായിച്ചു:കൊടകര പുരാണത്തിനും മൊത്തം ചില്ലറയ്ക്കും സംഭവിച്ചേക്കാവുന്നത്... നന്നായി എഴുതുന്ന ഒരാള്‍ കൂടി ബ്ലോഗിലെത്തി എന്നു തോന്നി.പോസ്റ്റില്‍ കുറച്ച് അക്ഷരത്തെറ്റുകള്‍ ഉണ്ട്.നിരീക്ഷണങ്ങളോട് എനിക്കും യോജിപ്പുണ്ട്.

3 കുട്ടൂന്റെ ലോകം
ഒരു പിടി നല്ല പോസ്റ്റുകള്‍ ഇവിടെ കാണാം.കുട്ടുവിന്റെ മിക്കവാറും എല്ലാ പോസ്റ്റുകളും എനിക്ക് ഷെയര്‍ ചെയ്യേണ്ടി വരാറുണ്ട്.യാത്രാ സംബന്ധമായ പോസ്റ്റുകളും അതിലെ പടങ്ങളും മികവ് പുലര്‍ത്തുന്നവയാണ്.മലയാള ബ്ലോഗുകളില്‍ യാത്രാസംബന്ധമായി നിരന്തരം പോസ്റ്റുകള്‍ ചെയ്യുന്ന വേറൊരു ബ്ലോഗില്ല.

വാല്‍ക്കഷ്ണം:പോസ്റ്റുകളുടെ ഒരു കഷ്ണം മാത്രം ഫീഡ് ചെയ്യുന്ന പോസ്റ്റുകള്‍ ഞാനിപ്പോള്‍ ഗൂഗിള്‍ റീഡറില്‍ ഷെയര്‍ ചെയ്യുന്നില്ല.ഡാലി,ഇഞ്ചി,ആഷ,ഹരി,അപ്പു
നിത്യന്‍ തുടങ്ങിയവരൊക്കെ കഷ്ണം തരുന്നവരാണ്.

പ്രതിദിന ഛായാചിത്ര സംഭരണം

2007-07-04T15:03:00.001+05:30

32 വര്‍ഷങ്ങള്‍,ഒരു കുടുംബം എന്ന പോസ്റ്റ് കണ്ടല്ലോ.ലോകത്ത് അത്തരം പ്രാന്തുള്ളവര്‍ അധികമുണ്ടാവില്ലെന്നാണ് വിചാരിച്ചത്.ആ പോസ്റ്റില്‍ കാണുന്നത് ഒരു വര്‍ഷം ഒരു ഫോട്ടോ എന്ന ക്രമത്തിലാണ്.എന്നാല്‍ ഇവിടെ വേറൊന്നു കണ്ടു.

ദിവസവും ഓരോ ഫോട്ടോ വെച്ചാണ് മൂപ്പരുടെ പ്രൊജക്ട്.ദിവസവും ഫോട്ടോ എടുക്കണം, അത് പോസ്റ്റ് ചെയ്യണം.നല്ല പണി തന്നെ.ആത്മരതിയുടെ വിവിധ മേഖലകള്‍ എന്ന് ഇതിനെ തരം താഴ്ത്തിക്കാണാമോ?

വേറിട്ട വഴികള്‍

2007-07-04T14:35:00.000+05:30

ആവിഷ്കാരത്തിന് എന്തെല്ലാം വേറിട്ട വഴികളുണ്ട്?പുസ്തകം വെട്ടി മനോഹരമായ കലാരൂപങ്ങള്‍ ഉണ്ടാക്കിയത് (1) ഇവിടെ കാണാം.
ആള്‍കൂട്ടത്തെ (2)ചിത്രമാക്കി മാറ്റുന്നത്...
കൈപ്പത്തികള്‍ (3)ആനയും പുലിയുമൊക്കെ ആവുന്നത്...
(4)സ്പൈറല്‍ചിത്രങ്ങള്‍
(5)പ്രകാശ കല
(6)ബസ് പരസ്യങ്ങള്‍

സ്വര്‍ഗം പോലൊരു വീട്

2007-07-04T13:02:00.000+05:30

Coutrtesy:http://www.simondale.net

എങ്ങനെയുണ്ട് ഈ വീട്? വാടക വീട്ടില്‍ താമസിക്കുമ്പോള്‍ പലപ്പോഴും സ്വന്തമായി ഒരു വീട് വേണമെന്ന അസ്വസ്ഥചിന്ത എന്നെ ബാധിക്കാറുണ്ട്.വീട്ടുടമയുടെ ദുര്‍മുഖം,ചില നീരസങ്ങള്‍ ഇതൊക്കെയാവും അതിലേക്ക് എന്നെ പെട്ടെന്ന് കൊണ്ടെത്തിക്കുന്നത്.എന്നാല്‍ ഇതൊന്നുമില്ലെങ്കില്‍ സ്വന്തമായി ഒരു വീടു വേണമെന്ന ചിന്ത എന്നെ ബാധിക്കാറില്ല.മാത്രമല്ല ഒരു വീടുണ്ടാക്കുന്നതിന് സാമ്പത്തികവും മാനസികവുമായി ഒരുങ്ങാന്‍ എനിക്ക് സഹജമായ മടിയുമുണ്ട്.
അതുകൊണ്ടാവാം എന്റെ മനസ്സില്‍ രണ്ടു വര്‍ഷമായി ഒരു പുതിയ ചിന്ത കടന്നു കൂടിയിരിക്കുന്നു.എന്തിനാണ് സ്വന്തമായി വീട്?ഇവിടെ വള്ളുവനാട്ടില്‍ ഇഷ്ടം പോലെ പഴയ വീടുകള്‍ ഒഴിഞ്ഞു കിടക്കുന്നു.അതില്‍ ഏതെങ്കിലും ഒന്ന് താത്കാലിക താമസത്തിന് ലഭ്യമാക്കുക ബുദ്ധിമുട്ടുള്ള കാര്യമല്ല.മാത്രമല്ല ലോണുകളെ കുറിച്ച് ആലോചിക്കേണ്ട.ഇവിടെ ഒഴിഞ്ഞു കിടക്കുന്ന പല വീടുകളും ഇപ്പോഴും താമസയോഗ്യമായവതന്നെയാണ്.ആഡംബര ഭ്രമം മൂത്തു പോയതുകൊണ്ട് പുതിയ ശൈലിയിലുള്ള വീടുകള്‍ ആളുകള്‍ പണിയുന്നു.അതു മിക്കവാറും റോഡു വക്കത്തായിരിക്കും.ഇവിടത്തെ റോഡുകള്‍ അധികവും പാടത്തിനിടയിലൂടെ ആകയാല്‍ പാടം നികത്താതെ റോഡുവക്കത്ത് വീടു വെക്കാന്‍ പറ്റില്ല.

വീടു വെക്കാതിരിക്കുന്നതുകൊണ്ട് പല ഗുണങ്ങളും ഉണ്ട്.പാടം നികത്തണ്ട,കുന്നിടിക്കണ്ട,മണല്‍ വാരണ്ട...പഴയ വീടുകള്‍ ഉപയോഗശൂന്യമാവുകയുമില്ല. മൃഗങ്ങളും പക്ഷികളുമൊന്നും വീടുവെക്കാന്‍ പ്രകൃതിയെ ഇത്രമാത്രം ദ്രോഹിക്കുകയോ സ്വയം കഷ്ടപ്പെടുകയോ ചെയ്യുന്നില്ല.ചില
പ്രവാസികള്‍ അവരുടെ ആയുസ്സു മുഴുവന്‍ കഷ്ടപ്പെടുന്നത് നാട്ടില്‍ വലിയൊരു കോണ്‍ക്രീറ്റ് കെട്ടിടവും അതിന് ചുറ്റുമതിലും ഉണ്ടാക്കാനാണ്.

ഈ മഴക്കാലത്ത് ഞാന്‍ കണ്ട കാഴ്ച്ചകള്‍ ഭാവിയെക്കുറിച്ച് ആലോചിച്ച് പേടിക്കാന്‍ തക്കതാണ്.പാടത്തുണ്ടാക്കിയ പല വീടുകളും ഒരു മഴപെയ്തപ്പോഴേക്കും വെള്ളത്തില്‍ മുങ്ങിപ്പോകുമെന്ന അവസ്ഥയിലായി.പലയിടങ്ങളിലും റോഡുകള്‍ ഒലിച്ചു പോയി.വെള്ളത്തിന് ഒഴുകാനുള്ള സ്ഥലമില്ല.ഭൂമിയുടെ കിടപ്പ് നോക്കാതെ വീട് വെച്ചു നിറച്ചതിന്റെ പരിണതികള്‍.

അമിതമായ വീടുവെക്കല്‍ ഭ്രമത്തില്‍ നിന്നാണ് മലയാളി ആദ്യം മോചിപ്പിക്കപ്പെടേണ്ടത്.കൂട്ടുകുടുംബവ്യവസ്ഥിതിക്ക് എന്തൊക്കെ ദോഷങ്ങള്‍ ഉണ്ടായിരുന്നെങ്കിലും അതില്‍ പ്രകൃതിസൌഹൃദപരമായ ഒരു കാഴ്ച്ചപ്പാടുണ്ട്.പ്രകൃതിവിഭവങ്ങളെ ഇത്രയധികം നമുക്ക് ചൂഷണം ചെയ്യേണ്ടി വരുമായിരുന്നില്ല.

ചിത്രത്തിലേക്ക് തിരിച്ചുവരാം.ഒരു കുടുംബം സ്വയം രൂപകല്പന ചെയ്തതാണ് മുകളില്‍ കാണുന്ന വീട്.പ്രകൃതിയെ പിണക്കാതെ എങ്ങനെയാണ് ആ വീട് ഉണ്ടാക്കിയതെന്നും അതിലേക്ക് എത്തിച്ചേരാന്‍ ഇടയായതിനെക്കുറിച്ചും ഇവിടെ വായിക്കാം.അതിലെ അഭിമുഖം,ഉള്‍പേജുകളിലെ മറ്റുചിത്രങ്ങള്‍ എല്ലാം ഒന്ന് കാണുന്നത് നന്നായിരിക്കും.വീടിനെക്കുറിച്ചുള്ള നമ്മുടെ കാഴ്ച്ചപ്പാട് മാറ്റാന്‍ സമയമായിരിക്കുന്നു.

ദൈവങ്ങള്‍...

2007-07-04T08:13:00.000+05:30

ലോകത്ത് എന്തു മാത്രം ദൈവങ്ങള്‍ ഉണ്ടെന്ന് വല്ല പിടിയുമുണ്ടോ?ലോകത്ത് എല്ലാ ഭാഗങ്ങളിലും പലതരത്തിലുള്ള ദൈവ വിശ്വാസങ്ങള്‍ നിലനില്‍ക്കുന്നുണ്ട്.ബഹു ദൈവ വിശ്വാസികള്‍ തന്നെ ധാരാളം.ഓരോ ദൈവത്തിനും ഒരു കഥയെങ്കിലും ഉണ്ടാവും.ഈ സൈറ്റ് ഒന്ന് നോക്കൂ

കലാകാരന്റെ കൈ...

2007-07-04T01:06:00.000+05:30

Courtesy:http://iamboredr.com

സി.ഡി തുളകളിലും കലാപരമായ ഒരു സാധ്യതയുണ്ടെന്ന് ഇതു കാണുമ്പോള്‍ തോന്നുന്നില്ലേ?ഭാവനാസമ്പന്നനായ ഒരു കലാകാരന് ലോകത്തെ പുതുക്കിപ്പണിയാനാവും.ഇങ്ങനെയുള്ള കുറെക്കൂടി ചിത്രങ്ങള്‍ കാണാന്‍ ഈ ലിങ്കില്‍ ഒന്ന് പോ‍യി നോക്കൂ.

ലോകത്തെ മാറ്റിമറിച്ച ചിത്രങ്ങള്‍

2007-07-03T18:22:00.000+05:30

ലോകത്തെ നടുക്കിയ ചില ചിത്രങ്ങള്‍ ഇവിടെ കാണാം.വിയറ്റ് നാം യുദ്ധം,വേള്‍ഡ് ട്രേഡ് സെന്റര്‍ തകര്‍ച്ച ,ഹിരോഷിമ തുടങ്ങിയവയുമായി ബന്ധപ്പെട്ട ചിത്രങ്ങളും കൂട്ടത്തിലുണ്ട്.ആദ്യത്തെ വിമാനം പറപ്പിക്കല്‍,എന്‍ഡോസ്കോപ് ഉപയോഗിച്ച് എടുത്ത ഗര്‍ഭസ്ഥ ശിശുവിന്റെ ചിത്രം തുടങ്ങിയവയും കാണാം.പല ചിത്രങ്ങളും നേരത്തേ നിങ്ങള്‍ കണ്ടതാവും.

കെന്നത്ത് പാര്‍ക്കറുടെ ‘പോട്ടങ്ങള്‍‘

2007-07-02T22:48:00.000+05:30

ബൂലോക പോട്ടം പിടുത്തക്കാര്‍ ഈ പോട്ടങ്ങളൊക്കെ ഒന്ന് കാണേണ്ടതാണ്.പോട്ടങ്ങളാണോ ഒന്നാന്തരം പെയിന്റിങ്ങുകളാണോ എന്ന് ഉല്‍പ്രേക്ഷയുണ്ടാക്കുന്ന സാധനങ്ങള്‍.ഫ്ലിക്കറിലെ ചിത്രങ്ങള്‍ തന്നെ നേരേ ചൊവ്വേ കണ്ടാല്‍ സാധാരണ പോട്ടം പിടുത്തക്കാര്‍ ക്യാമറ വലിച്ചെറിഞ്ഞു കളയും.വേറൊന്നും കൊണ്ടല്ല.അത്രയ്ക്ക് പ്രതിഭാധനരായ മനുഷ്യര്‍ ചുറ്റിലുമുണ്ടെന്ന് അറിയുമ്പോള്‍ ഈ വിടുവേല നിര്‍ത്തും,അത്രേയുള്ളൂ.എന്നിട്ടും ങ്ങള് വെറും മൊബൈലും വെച്ച് പോട്ടം പിടിക്കാന്‍ ഏറങ്ങണതെന്തിനാന്ന് ചോയ്ച്ചാ അത് മൊബൈലിന് പോട്ടം പിടിക്കാന്‍ അറിയുമോന്ന് നോക്കാനല്ലേ പുള്ളാരേ...എന്നേ ഇപ്പം പറയാനാവൂ.

എന്നാല്‍ പിന്നെ വിടുവായത്തരം നിര്‍ത്താം.കെന്നത്ത് പാര്‍ക്കറുടെ പോട്ടങ്ങള്‍ കണ്ടോളൂ.ഒരു റിവ്യൂ എഴുതണേ...:)അദ്ദേഹം ഒരു ഫോട്ടോ എടുക്കാന്‍ വേണ്ടി ദിവസങ്ങള്‍ തന്നെ ചെലവഴിച്ചിരുന്നുവെന്ന് വായിച്ച് ഞാന്‍ ഞെട്ടി:

Most of Parker’s photographs are captured over the course of 5-10 day backpacking excursions hauling 75-85 pounds of large-format camera equipment as he becomes immersed in a profound sense of place. Often several days are spent contemplating the changing light and intimacy of a composition before completing a single exposure. Usually only one or two distinctive images will result from one of these journeys.

തെരുവ് ശില്പങ്ങള്‍

2007-07-01T22:09:00.000+05:30

ഇന്‍സ്റ്റലേഷന്‍ എന്നതിന്റെ തത്തുല്യമലയാള പദം എന്താണ്?തെരുവുകളില്‍ സ്ഥാപിച്ചിട്ടുള്ള ചില ശില്പങ്ങള്‍/ഇന്‍സ്റ്റലേഷനുകള്‍ കണ്ടു.തിരക്കു പിടിച്ച തെരുവിനെ നോക്കി നില്‍ക്കുന്ന ശില്പങ്ങള്‍ മാത്രമല്ല,അവയിലേക്ക് ഏത് തിരക്കു പിടിച്ചവനേയും ഒരു വേള നോക്കി നിര്‍ത്തുന്ന ശില്പങ്ങളും ഉണ്ട്:

തെരുവ് ശില്പങ്ങള്‍

പ്രോഗ്രാമിങ് ഇന്‍വെന്ററോ സീരിയല്‍ കില്ലറോ?

2007-07-01T20:55:00.000+05:30

ഒരാളെ കണ്ടാല്‍ പറയാന്‍ പറ്റുമോ ആള്‍ എത്തരക്കാരനാണെന്ന്?ഒരു ദിവസം നമ്മുടെ കുറുമാന്‍ ചാറ്റില്‍ വന്ന് ചില അവകാശവാദങ്ങള്‍ ഉന്നയിച്ചു.വര്‍ഷത്തില്‍ ഒന്നുരണ്ടു തവണ കുറു ആരെയെങ്കിലും കുറിച്ച് പറയുന്നതൊക്കെ അപ്പടി സത്യമാവും എന്ന്.അദ്ദേഹത്തിന് ഇത് ഓര്‍മയുണ്ടാവുമോ എന്ന് എനിക്ക് അറിയില്ല.എന്നെ പറ്റി ചില കാര്യങ്ങളും പറഞ്ഞു.പലതും പൊരുത്തപ്പെടുന്നതായിരുന്നില്ലെന്നത് വേറേ കാര്യം.എന്നാലും ചിലപ്പോള്‍ ചിലകാര്യങ്ങള്‍ കണ്ടും കാണാതെയും മുന്‍കൂറായി നമ്മുടെയൊക്കെ മനസ്സിലേക്ക് ഓടിയെത്താറില്ലേ? എനിക്കുമുണ്ട് അത്തരം അനുഭവങ്ങള്‍.ഏതായാലും അതൊന്നും ഇവിടെ വിസ്തരിക്കുന്നില്ല.

ഒരാളുടെ ചിത്രം കണ്ട് അയാള്‍ പ്രോഗ്രാമിങ് ഇന്‍വെന്ററാണോ അതോ സീരിയല്‍ കില്ലറാണോ എന്ന് പറയണം.നിങ്ങളുടെ ഉള്ളിലെ പ്രവാചകനെ ഒന്ന് ടെസ്റ്റ് ചെയ്തു നോക്കൂ...ഇവിടെ.ഞാന്‍ ഒന്ന് ടെസ്റ്റ് ചെയ്തു.എനിക്ക് പത്തില്‍ ഏഴ് മാര്‍ക്ക് കിട്ടി.നിങ്ങള്‍ക്കോ?

എഴുത്തുപെട്ടികള്‍

2007-07-01T19:40:00.000+05:30

എഴുത്തുകള്‍ക്കു വേണ്ടി കാത്തിരുന്ന ഒരു കാലമുണ്ടായിരുന്നു.ഓരോ എഴുത്തും ഒരുപാട് സന്തോഷം കൊണ്ടു വന്നിരുന്നു.പോസ്റ്റ്മാനും എഴുത്തുപെട്ടിയുമൊക്കെ പ്രിയപ്പെട്ട ആ കാലത്തിന്റെ പ്രതീകങ്ങളായി ഇവിടെ ഇപ്പോഴുമുണ്ട്.ഏതാനും മാസികകള്‍,പണമിടപാടു സ്ഥാപനങ്ങളില്‍ നിന്നുള്ള ഓര്‍മപ്പെടുത്തലുകള്‍... അത്രയേ വരൂ.ഒരു ആശംസാകാര്‍ഡു പോലും വരില്ല.

എന്നിട്ടും ,ഇന്നും പോസ്റ്റുമാനെ കാണുമ്പോള്‍ ഉള്ളില്‍ ഒരിഷ്ടം പതിഞ്ഞിരിപ്പുണ്ടെന്ന് ഞാന്‍ പലപ്പോഴും തിരിച്ചറിഞ്ഞിട്ടുണ്ട്.സ്വപ്നജീവി ആയതുകൊണ്ടാവും...

ലോകത്തുള്ള വിചിത്രങ്ങളായ കത്തുപെട്ടികള്‍ കാണണമോ?രൂപകല്പനയിലുള്ള വൈവിധ്യം കൊണ്ട് കൌതുകം ജനിപ്പിക്കുന്നവ...

നഷ്ടനഗരങ്ങള്‍

2007-07-01T18:15:00.000+05:30

ഇന്ത്യയിലെയും വിദേശങ്ങളിലെയും നഷ്ടനഗരങ്ങളുടെ ഒരു ചിത്രസഞ്ചയം പങ്കിടുകയാണിവിടെ.പുരാതന നഗരങ്ങളുടെ ആയിരകണക്കിന്(എണ്ണി നോക്കിയിട്ടില്ല,കൊട്ടക്കണക്കാണ്) ചിത്രങ്ങള്‍ ഇവിടെ കാണാം.ആദ്യം കാണുന്ന താളില്‍ തന്നെ 55 ചിത്രങ്ങള്‍ ഉണ്ട്.അതില്‍ ഓരോന്നിലും ക്ലിക്കുമ്പോള്‍ ചിത്രങ്ങള്‍ നിറഞ്ഞ പുതിയ ഒരു പേജിലെത്തും.അവിടെ നിന്ന് ഓരോ ചിത്രവും ക്ലിക്കി വലുതായി കാണാം.നഷ്ടനഗരങ്ങള്‍
അജന്ത,എല്ലോറ,ഖജുരാഹോ,നളന്ദ,വിജയനഗരം...തുടങ്ങിയവയൊക്കെ കാണാം.

എന്താണ് ഈ സംഖ്യയുടെ പ്രത്യേകത?

2007-07-01T13:53:00.000+05:30

ഓരോ സംഖ്യക്കും ഒരു പ്രത്യേകതയുണ്ടാവും.ഉദാഹരണത്തിന് 0 എന്ന സംഖ്യ സങ്കലന അനന്യദമാണ്.അതായത് ഏത് സംഖ്യ അതിനോടൊപ്പം കൂട്ടിയാലും ആ സംഖ്യ തന്നെ കിട്ടും.ഉദാ:- 0+5=5

ഇനി 1 സംഖ്യ എടുത്താലോ.അത് ഗുണന അനന്യദമാണ്.ഏത് സംഖ്യയെ 1 കൊണ്ട് ഗുണിച്ചാലും ആ സംഖ്യ തന്നെ കിട്ടും.ഉദാ:- 1*5=5(ഒന്ന് ഗുണിക്കണം അഞ്ച് സമം അഞ്ച് എന്ന് ഇങ്ങനെയല്ലേ എഴുതുക?)

2 എന്ന സംഖ്യയുടെ കാര്യമോ? അതാണ് ഒരേയൊരു ഇരട്ട അഭാജ്യ സംഖ്യ.

ഇങ്ങനെ ഒരു 10000 വരെയുള്ള സംഖ്യകളുടെ പ്രത്യേകതകള്‍ എഴുതിനോക്കിയാലോ?അത്ര എളുപ്പമല്ല അല്ലേ?എന്നാല്‍ ഒരെളുപ്പവഴിയുണ്ട്:ഈ വെബ് പേജ് ഒന്ന് നോക്കൂ

ഗണിത പ്രാന്തന്മാര്‍ ആരെങ്കിലും ഇതൊന്ന് മലയാളത്തില്‍ തര്‍ജ്ജുമ ചെയ്ത് തരുമോ?സ്കൂള്‍കുട്ടി യില്‍ ഇടാം.

പുതിയ മലയാള ബ്ലോകങ്ങള്‍

2007-06-30T21:59:00.000+05:30

പുതിയ ചില മലയാള ബ്ലോകങ്ങളെ പരിചയപ്പെടുത്താന്‍ ഈ പോസ്റ്റ്.

അഡ്വക്കറ്റ് എസ്.ജിതേഷ് ഒരു പുതിയ ബ്ലോകം തുടങ്ങി.ഈ ബ്ലോകത്തില്‍ ജിതേഷിന്റെ കവിതകളാണുള്ളത്.ജിതേഷ് ഒരു കാര്‍ട്ടൂണിസ്റ്റാണ്.ചിരിച്ചെപ്പ് കാര്‍ട്ടൂണ്‍ മാസികയുടെ എഡിറ്റര്‍ ഇന്‍ ചീഫും കേരള കാര്‍ട്ടൂണ്‍ അക്കാദമിയുടെ വൈസ് ചെയര്‍മാനും ആണ് ജിതേഷ്.

നമ്മുടെ ചങ്ങാതിയായ കയ്യൊപ്പ് എന്ന റിയാസ് പടകാളി എന്ന പേരില്‍ ഒരുബ്ലോകം തുടങ്ങി.ചിത്രങ്ങള്‍ക്കുവേണ്ടിയാണിത്.ഒരു വെബ്സൈറ്റ് ഡിസൈനര്‍ കൂടിയാണ് റിയാസ് എന്ന് അറിയാമല്ലോ.അദ്ദേഹത്തിന്റെ ചിത്രങ്ങള്‍ കലാമൂല്യമുള്ളവയാവും എന്ന് നമുക്ക് പ്രതീക്ഷിക്കാം.

നസീര്‍ കടിക്കാടിന്റെ ബ്ലോകം.നസീര്‍ കടിക്കാടിന്റേതാണ് സംക്രമണം എന്ന ഇതിനകം ശ്രദ്ധേയമായ വെബ് മാഗസിന്‍.ഈ ബ്ലോകവും ശ്രദ്ധേയമാവുമെന്ന് അതിലെ പോസ്റ്റുകള്‍ തെളിയിക്കുന്നു.കുട്ടാടന്‍ പാടം

ഭാവനയുടെ ഉയരങ്ങളില്‍

2007-06-30T21:11:00.000+05:30

കവിതയോടായിരുന്നു അനുരാഗം.മനോഹരങ്ങളായ ചിത്രങ്ങള്‍ കാണുമ്പോള്‍ കവി ഭാവന ഒന്നുമല്ലെന്ന് തോന്നുന്നു.വ്ലാഡിമിര്‍ കുഷിന്റെ ചിത്രങ്ങള്‍ വളരെ ലളിതമാണ്.കാഴ്ച്ചക്കാരനുമായി എളുപ്പം സംവദിക്കുന്നുണ്ട്.അദ്ദേഹത്തിന്റെ ഭാവന കാഴ്ച്ചക്കാരനെ അത്ഭുതപ്പെടുത്തുകയും ചെയ്യും.ചിത്രകലയുടെ ഏത് വകുപ്പിലാണ് അദ്ദേഹത്തിന്റെ ചിത്രങ്ങള്‍ വരികയെന്നൊന്നും എനിക്ക് അറിയില്ല.വിവരമുള്ള ചിത്രകാരന്മാരോ അല്ലാത്തവരോ പറയട്ടെ.അദ്ദേഹത്തിന്റെ നിരവധി ചിത്രങ്ങള്‍ ഒറ്റയടിക്ക് കാണാന്‍ ഇവിടെ ക്ലിക്കുക.

അദ്ദേഹത്തിന്റെ ഹോം പേജ്.

ബ്യൂട്ടിഫുള്‍ വാന്‍ഡലിസം

2007-06-30T20:39:00.000+05:30

വാന്‍ഡലിസം എന്നു പറഞ്ഞാല്‍ വലിയ പിടിയൊന്നുമില്ലായിരുന്നു.ഒരു കമന്റടിയില്‍ അംബിയാണ് വാന്‍ഡലിസം എന്ന് എന്റെ നേരേ ആരോപിച്ചത്.അന്ന് തപ്പി പഠിച്ചതാണ്.അന്നന്ന് പഠിക്കുന്നത് അന്നന്ന് മറന്നു പോവുന്നതുകൊണ്ട് സമാധാനമുണ്ട്..:)
ഇപ്പൊ ഒരു ബ്ലോഗ് കണ്ടു.ബ്യൂട്ടിഫുള്‍ വാന്‍ഡലിസം.മനോഹരങ്ങളായ കുറേ ചിത്രങ്ങള്‍ കാണാനിടയായി.

ഇത് എന്തൂട്ട് കുന്ത്രാണ്ടം...

2007-06-30T20:05:00.000+05:30

മാഗ്നറ്റിക് അജാക്സ് എന്ന് കേട്ടിട്ടുണ്ടോ.അതിനെ കുറിച്ച് അറിയുന്നവര്‍ അതെന്താന്ന് പറയുമോ?ഞാന്‍ ഒരു സൈറ്റില്‍ കയറിയപ്പോള്‍ സ്ക്രീന്‍ നിറയെ മുറിച്ചിട്ടിരിക്കുന്ന വാക്കുകള്‍.ആ വാക്കുകളില്‍ ക്ലിക് ചെയ്ത് നീക്കാന്‍ പറ്റും.അങ്ങനെ നീക്കി കൊണ്ടു പോയി വാക്യങ്ങളും വാചകങ്ങളും ഉണ്ടാക്കാം.നമ്മളുണ്ടാക്കിയ വാക്യങ്ങള്‍ അങ്ങനെ നില്‍ക്കുകയില്ല.ഓണ്‍ലൈനായി മറ്റാരെങ്കിലും ഈ പണി എടുക്കുന്നുണ്ടാവും.വാക്കുകള്‍ താനേ മാറിപ്പോവുന്നത് കാണാം.എന്താണിതിന്റെ ഉദ്ദേശ്യം എന്നൊന്നും നിക്കു പിടിയില്ലേ...ഈ പറഞ്ഞതൊക്കെ മണ്ടത്തരാവാനും തരംണ്ട്...:)
അറിയാവുന്നവര്‍ പറയട്ടെ.ഇതൊരവസരമാവുമല്ലോ.കയ്യൊപ്പ് എന്ന് റിയാസ് ആണ് കുറച്ചു വിവരം തന്നത്...

ഇതാ: മാഗ്നറ്റിക് അജാക്സ്

ലോകത്തെ വിചിത്രങ്ങളായ കെട്ടിടങ്ങള്‍

2007-06-30T19:22:00.000+05:30

ലോകത്ത് ഇത്ര അസാധാരണങ്ങളായ കെട്ടിങ്ങള്‍ ഉണ്ടെന്ന് ഇതു സംബന്ധിച്ച ഒരു സൈറ്റ് കാണുന്നതു വരെ എനിക്കറിയില്ലായിരുന്നു.ഇപ്പോള്‍ മറിഞ്ഞു വീഴും എന്ന മട്ടില്‍ ഉണ്ടാക്കിയിട്ടുള്ളവ,മുകളിലോട്ടും താഴോട്ടും ചലിക്കാവുന്ന നിലകളോടു കൂടിയവ,നൃത്തം ചെയ്യുകയാണോ എന്ന് തോന്നിപ്പിക്കുന്നവ ,ഒരു കെട്ടിടമാണൊ ആ നില്‍ക്കുന്നതെന്നു തന്നെ സംശയിപ്പിക്കുന്നവ....കണ്ടില്ലെങ്കില്‍ നഷ്ടമാവും കൂട്ടരേ
:ഇതാ പിടിച്ചോ ലിങ്ക്

പ്രതിമകളുടെ ലോകം

2007-06-30T11:22:00.001+05:30

ലോകത്തെങ്ങുമുള്ള പ്രതിമകള്‍ കാണണമെന്നുണ്ടോ.വിചിത്രങ്ങളായ പ്രതിമകളുടെ ചിത്രങ്ങളുടെ ഒരു ശേഖരം കാണാനിടയായി.പലതും ഉയര്‍ന്ന കലാമൂല്യമുള്ള ശില്പങ്ങളാണ്.കണ്ടു നോക്കുക.

32 വര്‍ഷങ്ങള്‍,ഒരു കുടുംബം....

2007-06-29T20:33:00.000+05:30

ഒരു കുടുംബം.അഞ്ചു പേര്‍.അച്ഛന്‍,അമ്മ,മൂന്ന് മക്കള്‍.1976 മുതല്‍ 2007 വരെയുള്ള അവരുടെ ചിത്രങ്ങള്‍ ക്രമമായി വെച്ചിരിക്കുന്നു.കാണേണ്ട കാഴ്ചയാണ്.സമയം മനുഷ്യരില്‍ വരുത്തുന്ന മാറ്റങ്ങള്‍ ...
ഇതു കണ്ട് ഒരു രാജ് നായരും തുടങ്ങി ഇതു പോലെ ഒന്ന്.ആദ്യം ഞാന്‍ കരുതി നമ്മുടെ രാജ് നായരാണെന്ന് :)

തോന്നുന്നുണ്ടോ ഇതു പോലെ ഒന്ന് തുടങ്ങണമെന്ന്...?

കിസ് ദ റെയിന്‍

2007-06-29T15:39:00.000+05:30

ഇന്ന് നെറ്റില്‍ ഒരു പാട്ടു കേട്ടു.പങ്കിടാമെന്ന് തോന്നിയതിനാല്‍ ഇവിടെ ലിങ്ക് ഇടുന്നു.ഫ്ലാഷില്‍ ചില നിശ്ചല ചുംബന ചിത്രങ്ങള്‍ ഉപയോഗിച്ചാണ് ഇതിന്റെ വിഷ്വല്‍.അഡല്‍റ്റ് കണ്ടന്റ് എന്ന് ചിലര്‍ക്കൊക്കെ തോന്നാം.താത്പര്യമുള്ളവര്‍ കണ്ടാല്‍ മതി :)

കിസ് ദ റെയിന്‍

ഇനി കുറച്ച് ചിത്രങ്ങള്‍ കാണണമെന്ന് തോന്നുന്നുണ്ടോ?
ഈ ഫാന്റസി ഗാലറി ഒന്നു നോക്കൂ:

ഫാന്റസി ഗാലറി

ബൂലോക മാഹാത്മ്യം-പാരഡി

2007-06-14T07:30:00.000+05:30

നീ എന്നെ ചെളിവാരിയെറിഞ്ഞാല്‍
ഞാന്‍ നിന്നെ കല്ലു വാരിയെറിയും
നമ്മുടെ ബ്ലോഗുകള്‍ പരസ്പരം
ഉടുമുണ്ടുപൊക്കിക്കാട്ടുന്ന
രണ്ട് ഊരകള്‍ പൊലെയിരിക്കും.
നീ *കുട്ടികളെ ഉണ്ടാക്കിയാല്‍ മതി
അവറ്റകളെ
ബലാത്സംഗം ചെയ്യുന്ന കാര്യം ഞാനേറ്റു.
-------------------------------------------------------------------
*കുട്ടികള്‍ :മൊഴി,അഞ്ജലി,പിന്മൊഴി തുടങ്ങിയവ.
പരാജിതന്‍ വിവര്‍ത്തനം ചെയ്ത ഈ കവിതയുടെ പാരഡി.

എവിടെപ്പോയ് മറഞ്ഞവര്‍

2007-05-27T18:43:00.000+05:30

രണ്ട് മാസം മുന്പ് പിന്മൊഴികള്‍ ഗൂഗിള്‍ ഗ്രൂപ്പിന്റെ അംഗസംഖ്യ 650 നോടടുത്തായിരുന്നു.ഇപ്പോഴത് 788.ബൂലോകം വളരെ വേഗം വളര്‍ന്നു കൊണ്ടിരിക്കുന്നു.ബൂലോകത്തെ എഴുത്തുകാരെ സംബന്ധിച്ച് ആഹ്ലാദകരമായ കാര്യം തന്നെയാണിത്.പക്ഷേ ഇതില്‍ എത്ര പേര്‍ സജീവമായി ഇവിടെ നില്‍ക്കുന്നുവെന്നതാണ് അന്വേഷിക്കേണ്ട ഒരു കാര്യം. ബ്ലോഗ് റോളില്‍ എത്ര ബ്ലോഗുകള്‍ ഉണ്ടെന്ന് അറിയില്ല. അവയില്‍ ഭൂരിഭാഗം ബ്ലോഗുകളും നിര്‍ജ്ജീവമാണ്.ഞാന്‍ ഒരു വയനാട്ടുകാരനാണെന്ന് അറിയാമല്ലോ. നാട്ടുകാരനായതുകൊണ്ട് ആ പേരില്‍(വയനാടന്‍)ബ്ലോഗ് റോളിലുള്ള രണ്ടു ബ്ലോഗുകളും ഞാനെടുത്തു നോക്കി.രണ്ടും നിര്‍ജ്ജീവമാണ്.വള്ളുവനാടിനെ സംബന്ധിച്ച് ഒരു ബ്ലോഗ് തുടങ്ങണമെന്നു കരുതി. അപ്പോഴാണ് വള്ളുവനാട് എന്ന ബ്ലോഗ് കാണുന്നത്.അതും നിര്‍ജ്ജീവമാണ്.ഇങ്ങനെ എത്രയെത്ര ബ്ലോഗുകള്‍.

ഇതൊന്നുമല്ല ഇവിടെ പറയാന്‍ ഉദ്ദേശിക്കുന്നത്.2006 സെപ്റ്റംബറിലാണ് ഞാന്‍ ബ്ലോഗിങ് ആരംഭിക്കുന്നത്.ഒരു വര്‍ഷം തികഞ്ഞിട്ടില്ല.അതിനിടയില്‍ വാ‍യിച്ചും കമന്റിട്ടും പിന്മൊഴികളില്‍ കണ്ടും ഒരു പാടു പേരെ അറിഞ്ഞു.ഈ അടുത്ത കാലത്ത് താനാണ് മൈനാഗന്‍ എന്നു ശിവപ്രസാദ് പറയുന്നതു വരെ മൈനാഗന്‍ മറ്റൊരാളാണെന്ന് ഞാന്‍ വിശ്വസിച്ചു.അതുകൊണ്ടു തന്നെ, ഒരേ പേരില്‍ എത്ര പേര്‍ ബ്ലോഗ് ചെയ്യുന്നുണ്ടാവും എന്ന് അറിഞ്ഞാലേ മലയാളം ബ്ലോഗര്‍മാരുടെ എണ്ണം കൃത്യമായി പറയാന്‍ പറ്റൂ. വെറുതേ ഒന്ന് തിരിഞ്ഞു നോക്കിയപ്പോള്‍ കൂടെവന്ന ഒരു പാടു പേര്‍ വഴിയിലെവിടെയോ വീണു പോയെന്ന് ഞാന്‍ കണ്ടു.ഒരു പക്ഷേ മറ്റൊരു പേരില്‍ അവര്‍ നമ്മോടൊപ്പമുണ്ടാവാം...

മരിച്ചവരുടെ ഹോം പേജുകള്‍ എന്ന ലതീഷിന്റെ കഥ വായിച്ച ശേഷം ഞാന്‍ മരിച്ചവരുടെ ബ്ലോഗുകളെക്കുറിച്ചും ഓര്‍കൂട് പ്രൊഫൈലുകളെക്കുറിച്ചും ആലോചിച്ചു.ഓര്‍കൂടില്‍ നടന്ന കൊലപാതകം എന്നെ വല്ലാതെ അലോസരപ്പെടുത്തി.അതു സംബന്ധിച്ച് ഹരി ഒരു പോസ്റ്റിട്ടിരുന്നു.അതിനു ചുവട്ടില്‍ ഇതില്‍ എന്താണ് പ്രത്യേകത എന്ന അര്‍ഥത്തില്‍ ഏവൂരാന്റെ ഒരു കമന്റും കണ്ടു.ദൂരെയെവിടെയോ നടക്കുന്ന ഒരു കൊലപാതകം പോലെയല്ല,അയല്പക്കത്തെയോ,എന്റെ വീട്ടില്‍ തന്നെയോ നടന്ന ഒരു കൊലപാതകം പോലെ എനിക്കത് തോന്നിച്ചു.ഇവിടെ ഓര്‍കൂട് കൊലപാതകം നടന്ന ഒരു ഇടമല്ല. ഓര്‍കൂടിലെ രണ്ട് സ്നേഹിതരായിരുന്നു അവര്‍... അതിലൊരാള്‍ മറ്റൊരാളെ കൊന്നു എന്ന് ഞാന്‍ വായിച്ചു... എന്നെ ഒരു കനത്ത ഭയം വന്ന് മൂടി.ഓര്‍കൂടില്‍ ഒപ്പിട്ട് കയറുമ്പോള്‍ എനിക്ക് ഒരാഴ്ച്ചയോളം വല്ലത്തൊരു പേടിയുണ്ടായിരുന്നു.മരിച്ചവളുടെയും കൊന്നവന്റെയും(?) പ്രൊഫൈലുകള്‍ സന്ദര്‍ശിച്ചു.അവരുടെ സ്ക്രാപ്പു ബുക്കുകളില്‍ അപരിചിതര്‍ രേഖപ്പെടുത്തിയിരിക്കുന്ന താളുകള്‍ പിന്നോട്ട് പിന്നോട്ട് മറിച്ചു കൊണ്ടിരുന്നു...കൊന്നവന്റെ പ്രൊഫൈലില്‍ കൊച്ചി എന്നും കൂടി കണ്ടതോടെ എന്റെ ഭയം ഇരട്ടിച്ചു.രസകരമായ ഒരു വസ്തുത കൂടി മരിച്ചവള്‍ക്കും കൊന്നവനും വേണ്ടി ഒരു ഓര്‍കൂട് കമ്മ്യൂണിറ്റിയും തുടങ്ങിവെച്ചതുകണ്ടു .ആരാധകര്‍ക്ക് ഇനി അവിടെ അര്‍മാദിക്കാം..

ഈയിടെ ഞാന്‍ ആ പഴയ ബ്ലോഗര്‍മാരെ ഓര്‍ത്തു...?എവിടെയാണ് അവര്‍ പോയ് മറഞ്ഞത്...?ഒരു വാക്കു പോലും പറയാതെ...ആസ്ത്രേലിയയില്‍ നിന്ന് ഓരോചിത്രങ്ങളും അതിനു പറ്റിയ ഒരു കുറുങ്കവിതയുമായി വന്നിരുന്ന തനിമ....,മാഗ്നിഫയര്‍(ഓര്‍മയില്‍ പരാജിതന്‍,അതുല്യേച്ചി,ബൂലോക ക്ലബ്ബ്...സംഭവം ഓര്‍മ).മുരളി വാളൂ‍ര്‍,ശിശു തുടങ്ങിയവരും ഇതേ പോലെ മാഞ്ഞു പോയെന്നാണ് ഞാന്‍ കരുതിയിരുന്നത്.അവര്‍ ഈയിടെ വന്ന് ഞങ്ങള്‍ ജീവിച്ചിരിപ്പുണ്ടെന്ന് എന്നോട് പറയുകയുണ്ടായി.നവന്‍ എന്ന ബ്ലോഗര്‍ ഇപ്പോള്‍ ഉണ്ടൊ എന്ന് എനിക്കറിയില്ല....കൂമന്‍സ് എന്ന ബ്ലോഗറെ എനിക്കിഷ്ടമായിരുന്നു.നല്ല പോസ്റ്റുകളായിരുന്നു അയാളുടേത്....ഞാന്‍ വന്ന് ഒന്നോ രണ്ടൊ മാസം കഴിഞ്ഞതോടെ കൂമന്‍സിനെ കാണാതായി.മുസാഫിര്‍ എന്ന ബ്ലോഗര്‍ അടുത്തിടെ ഒരു കമന്റിലൂടെ ജീവിച്ചിരിപ്പുണ്ടെന്ന് ഞാന്‍ കണ്ടു... പോസ്റ്റുകളിലൂടെയല്ലെങ്കിലും തണുപ്പനെ എപ്പോഴും ഓണ്‍ലൈനായി കാണാറുള്ളതുകൊണ്ട് അയാള്‍ ഇല്ല എന്ന് എനിക്ക് പറയാനാവില്ല.മാത്രമല്ല അടുത്ത ദിവസം ഒരു പോസ്റ്റും വന്നിരുന്നുവെന്ന് തോന്നുന്നു.വീണ എന്നൊരു ബ്ലോഗര്‍ ഉണ്ടായിരുന്നു.നിത്യ എന്ന മറ്റൊരു ബ്ലോഗറും...ഇതൊക്കെ മറ്റു ചിലരുടെ അവതാരങ്ങളാണെന്നും കേള്‍ക്കുന്നുണ്ട്.അവതാരോദ്ദേശ്യം കഴിഞ്ഞതിനാലാവാം അവര്‍ മടങ്ങിപ്പോയത്...അവര്‍ ഇനി തിരിച്ചു വരുമോ...?ഈ പോസ്റ്റ് എഴുതിക്കൊണ്ടിരിക്കുമ്പോള്‍, പഴയൊരു വിവാദത്തോടെ വിട്ടുപോയ ദ്രൌപതി വര്‍മ എന്ന ബ്ലോഗര്‍ പുതിയൊരു ബ്ലോഗുമായി വന്നതറിഞ്ഞു.പഴയ ദ്രൌപതിയാണോ‍ ഇതെന്ന് ആര്‍ക്കറിയാം...?നിലാവ് എന്ന പേരില്‍ ഒരു ബ്ലോഗര്‍ ഉണ്ടായിരുന്നു...പിന്മൊഴി എന്നും പിന്നീട് ആമി എന്നും പേര് സ്വീകരിച്ച വേറൊരാള്‍ ....എവിടെയോ മറഞ്ഞിരിക്കുന്നു.

ഈ അടുത്ത നാളുകളിലൊന്നില്‍ ഞാന്‍ ആലോചിച്ചു.മരണം എപ്പോഴാണ് വരുന്നതെന്ന് നമുക്ക് പ്രവചിക്കാനാവില്ലല്ലോ.(തീര്‍ച്ചയായും ഒരു സഹതാപ തരംഗം ഉണ്ടാകുക എന്നത് എന്റെ ലക്ഷ്യമല്ല.)ഒരു ദിവസം ഞാനും മരിക്കും.എന്റെ പഴയൊരു ചങ്ങാതി രണ്ടാഴച്ച മുന്‍പ് ആത്മഹത്യ ചെയ്യാന്‍ ശ്രമിച്ചിരുന്നു.മരിക്കാന്‍ കഴിഞ്ഞില്ല.പക്ഷേ നഷ്ടപ്പെട്ട ചില ബന്ധങ്ങള്‍ തിരിച്ചു കിട്ടിയത്രേ അവന്)ഇവിടെ വീട്ടില്‍ ആര്‍ക്കും എന്റെ മെയില്‍ തുറക്കാനോ ബ്ലോഗില്‍ കയറാനോ ഉള്ള സാങ്കേതിക ജ്ഞാനം ഇല്ല. പറഞ്ഞുകൊടുക്കാമെന്ന് പറഞ്ഞിട്ടും പാത്തുമ്മക്കുട്ടിക്ക് അതിലൊന്നും താത്പര്യമില്ല. എന്റെ മരണം എങ്ങനെ നിങ്ങളെ അറിയിക്കുമെന്ന കൌതുകത്തിലായിരുന്നു ഞാന്‍.എന്തിനറിയിക്കുന്നുവെന്നൊക്കെ ചോദിച്ച് എന്നെ വലയ്ക്കല്ലേ... അപ്രസിദ്ധനായതുകൊണ്ട് മാധ്യമങ്ങള്‍ എന്റെ മരണത്തെ കാണുകയില്ല.ഈ പ്രശ്നം ഉന്നയിച്ചപ്പോള്‍ പാത്തുമ്മക്കുട്ടി പറഞ്ഞു:‘ഞാന്‍ ഹരിക്കു(പാരാജിതന്‍) വിളിക്കും...’(ഹരിയുടെ ഫോണ്‍ നമ്പര്‍ ഇവിടെയുണ്ട്.) പക്ഷേ അപ്പോഴും ഒന്ന് ബാക്കിയുണ്ട്:മരിച്ചവന്റെ ബ്ലോഗിന്റെ പാസ് വേഡ് എങ്ങനെ കണ്ടു പിടിക്കും.അതിലെ ഒരു തെറ്റ് എങ്ങനെ തിരുത്തും...നിങ്ങളുടെ വൈകിവന്ന കമന്റ്റുകള്‍ക്ക് ആരു മറുപടി തരും?ഗൂഗിളമ്മച്ചിക്കും സാങ്കേതിക വിദഗ്ധര്‍ക്കും ഇതിനൊക്കെ മറുപടിയുണ്ടാവും...എന്നെപ്പോലെയുള്ള പൊട്ടന്മാരേ ഇങ്ങനെയൊക്കെ ചിന്തിക്കൂ...

ജാമ്യാപേക്ഷ:

1.ഈ പോസ്റ്റിന്റെ അവസാനം എഴിതിയ കാര്യങ്ങള്‍ തീര്‍ത്തും യുക്തിരഹിതമായ കാര്യങ്ങളാണ്. ആയതിനാല്‍ അതിന്റെ മുകളില്‍ കമന്റ് തൊഴിലാളികള്‍ തൂങ്ങരുത്
2.ഈ പോസ്റ്റില്‍ (മറഞ്ഞുപോയി എന്ന് )പറഞ്ഞ ഏതെങ്കിലും ബ്ലോഗര്‍മാര്‍ ഇപ്പോഴും സജീവ ബ്ലോഗര്‍മാരായി തുടരുന്നുണ്ടെങ്കില്‍ ഇതെന്റെ വിവരക്കേടായി മാത്രം കരുതണം.
3.ഓര്‍കൂട് സംഭവത്തിന്റെ നിജസ്ഥിതി എനിക്ക് അറിയില്ല.

നിയമ പ്രകാരമുള്ള മുന്നറിയിപ്പ്
:ഈ പോസ്റ്റ് വായിച്ച് ആരെങ്കിലും ആത്മഹത്യാ ശ്രമം നടത്തിയാല്‍ ഞാന്‍ അതില്‍ ഉത്തരവാദി ആയിരിക്കില്ല

നിങ്ങള്‍ക്ക് പറ്റുമെങ്കില്‍ ചത്ത ബ്ലോഗുകളുകളുടെയും കാണാതെപോയ ബ്ലോഗര്‍മാരുടെയും ഒരു പട്ടികയുണ്ടാക്കൂ.ബൂലോകത്ത് ഒരു പോലീസ് സ്റ്റേഷന്‍ വേണം,കാണാതായവരെക്കുറിച്ച് പരാതിപ്പെടാന്‍...
പിന്നെ ഒരു ശ്മശാനവും.

ദമയന്തീ,ഇതിലേതാ നളന്‍ ?

2007-04-06T23:03:00.000+05:30

വായനക്കാരേ,
ഒരേ കവിത മൂന്നാളുകളുടെ പേരില്‍ നെറ്റില്‍ കണ്ടു.എല്ലാം ഒരാളാവുമോ?അല്ലെങ്കില്‍ കക്കാവുന്ന കവിതയാവുമോ?അങ്ങനെയുമുണ്ടോ ഒരിനം...എന്നൊന്നും ചോദിക്കല്ലേ...
കണ്ടു നോക്ക്

ഒന്ന്:ഒരു പഴേ കള്ളന്റെ കയ്യില്‍
രണ്ട്:മറ്റൊരു ബ്ലോഗര്‍
മൂന്ന്:പ്രണയകവിതകള്‍ വെച്ചിരിക്കുന്ന ഒരിടം

ആരാ നളന്‍...?

കവിതക്കള്ളന്മാര്‍ ഓര്‍കൂടില്‍

2007-02-25T21:16:00.000+05:30

ബൂലോകത്തെ കവിതകള്‍ കട്ട് സ്വന്തം ബ്ലോഗിലിറ്റുന്ന കള്ളന്മാരെ കാണണമെങ്കില്‍ ഈ ലിങ്കുകള്‍ നോക്കൂ.
കള്ളന്മാര്‍ ഓര്‍കൂട്ടില്‍ നിന്ന്കുഴൂരിന്റെയും,അനിലിന്റെയും,ഉമ്പാച്ചിയുടെയും എന്റെയും കവിതകള്‍ കട്ടവരെ ഓര്‍ക്കൂടില്‍ കണ്ടു.ഇതാ കള്ളന്‍http://www.orkut.com/Profile.aspx?uid=16387251684809056504 http://www.orkut.com/Profile.aspx?uid=7793998621827523702

ഒരു കോടി കൊണ്ട് ഒരു സോമയാഗം

2007-01-07T11:35:00.000+05:30

ബൂലോകരേ, ഒരു നോട്ടീസാണ്.വിഷയം: പന്നിയൂര്‍ സോമയാഗം.എന്റെ കയ്യില്‍ കിട്ടിയ നോട്ടീസ് പരിപാടികള്‍ എന്ന ഭാഗമൊഴിച്ച് ബാ‍ക്കിയെല്ലാം അതേപടി ഇവിടെ പ്രസിദ്ധീകരിക്കുന്നു.

പന്നിയൂര്‍ സോമയാഗം
ഭക്തജനങ്ങളേ,
മാനവരാശിയുടെയും സകലചരാചരങ്ങളുടെയും ഐശ്വര്യത്തിനും
പന്നിയൂര്‍ ശ്രീ വരാഹമൂര്‍ത്തിക്ഷേത്ര സമുച്ചയ തേജോവര്‍ദ്ധനയും ലക്ഷ്യം വെച്ച് ചരിത്രത്തിന്റെ താളുകളില്‍ സ്ഥാനം പിടിക്കുന്ന സോമയാഗം,2007 മാര്‍ച്ച് 23 മുതല്‍28 കൂടി ദിവസങ്ങളില്‍ ക്ഷേത്ര പരിസരത്ത് നടത്തുന്നതാണ്.ആയജ്ഞത്തിലേക്ക് എല്ലാവരേയും സഹര്‍ഷം സാദരം ക്ഷണിക്കുന്നു.

സോമയാഗം ക്രിയാവിധി നടത്തുന്ന ഋത്വിക്കുകളെ മാത്രമല്ല അതില്‍ ഏതു വിധത്തിലെങ്കിലും പങ്കു കൊള്ളുന്ന ഏവരേയും ,പ്രകൃതിയെപ്പോലും പവിത്രീകരിക്കുന്നു എന്ന് ശാസ്ത്രജ്ഞന്മാരും അഭിപ്രായപ്പെട്ടിട്ടുണ്ട്.കര്‍മം ഭക്തി യോഗം ജ്ഞാനം ഇവ നാലും ചേര്‍ന്നതാണ്ബ്രഹ്മവിദ്യ.കര്‍മം എന്നാല്‍ വൈദികമായ അഗ്നിഹോത്രം,യജ്ഞം ,ദാനം ,തപസ്സ് എന്നിവയെയാണ് ഉദ്ദേശിക്കുന്നത്.അഗ്നയെ ഇദം ന മമഃ എന്ന യജ്ഞ സന്ദേശം തന്നെ എല്ലാം ലോകനന്മയ്ക്കായി മാത്രമേയുള്ളൂ എന്ന് പ്രഖ്യാപിക്കുന്നു.സര്‍വസാധാരണമാരായ മനുഷ്യര്‍ക്കെല്ലാം തന്നെ ദേവോപാസനകളും യജ്ഞങ്ങളും ബ്രഹ്മ ജ്ഞാനത്തിലേക്കുള്ള വഴികളായാണ് കണക്കാക്കുന്നത്.ആയതുകൊണ്ട് യജ്ഞങ്ങള്‍ക്ക് ഇക്കാലത്ത് പരമപ്രാധാന്യമുണ്ട്.

സ്ഥാനചലനം വന്ന കേരളക്കരയെ സ്ഥിരമാക്കാന്‍ പരശുരാമന്‍ കേരള മധ്യസ്ഥലമായ പന്നിയൂരില്‍ ശ്രീ വരാഹമൂര്‍ത്തി പ്രതിഷ്ഠ നടത്തി എന്നും ബ്രാഹ്മണരെ കൊണ്ടുവന്ന് കുടിയിരുത്തി പ്രത്യേക ദേവോപാസന സമ്പ്രദായ നിരൂപണം ചെയ്ത് ക്ഷേത്രവും ഭൂമിയും അവര്‍ക്ക് നല്‍കിയതായും ക്ഷേത്രമൈതാനിയിലെ തെക്കുഭാഗത്ത് മത്സ്യ തീര്‍ഥം നിര്‍മ്മിച്ചതായും പറയപ്പെടുന്നു.ഈ ക്ഷേത്ര സമുച്ചയത്തില്‍ വാറ്റാകോവില്‍ എന്ന ശിവക്ഷേത്രം ,മകരകുണ്ഠലമണിഞ്ഞ ശ്രീ അയ്യപ്പന്‍ ,ഐശ്വര്യദായിനിയായ ദുര്‍ഗാദേവിക്ഷേത്രം ,ഗണക്ക്പതി,സുബ്രഹ്മണ്യന്‍ , ലക്ഷ്മീനാരായണന്‍ ,എന്നീ പ്രത്യേക പ്രതിഷ്ഠകളോടെ ശ്രീ വരാഹമൂര്‍ത്തിശ്രീ കോവിലും വലൈയ ഒരു കൂത്തമ്പലം ഉണ്ടായിരുന്നതിണ്ടെ അവശേഷിച്ച തറയും തറയ്ക്കു മേല്‍ ഇന്നും വീഴാതെ നില്‍ക്കുന്ന ഒരു തൂണ്‍ (യക്ഷിയെ ബന്ധിച്ചത്) കൂടാതെ ചിത്രത്തില്‍ വരാഹസാന്നിദ്ധ്യവും ഇവിടത്തെ പ്രത്യേകതകളാണ്.
ക്ഷേത്രത്തിന്റെ വടക്കുഭാഗത്ത് വിശാലമായ പന്നിയൂര്‍ത്തുറയും ചരിത്രസത്യമാണ്.

ഏറ്റവു പ്രത്യേകതകളുള്ള അഭീഷ്ട സിദ്ധിപൂജ ഈ ക്ഷേത്രത്തിലെ പ്രശസ്തമായ പ്രധാന വഴിപാടാണ്.
പൌരാണികത്യും ചരിത്ര സത്യങ്ങളും ഒളിഞ്ഞുകിടക്കുന്ന 6 ഏക്രയോളം വിസ്തൃതിയുള്ള ഈ ക്ഷേത്ര സമുച്ചയം ഗതകാല രാഷ്ട്രീയ വൈരങ്ങളെക്കൊണ്ട് ജീര്‍ണമായിരിക്കുന്നു.പൌരാണികത നിലനിര്‍ത്തി പഴയ പ്രാഗത്ഭ്യം വീണ്ടെടുത്ത് തേജസ്സും ഐശ്വര്യവും വര്‍ദ്ധിക്കാനുള്ള ശ്രമത്തിന്റെ ഭാഗം കൂടിയാന് ഈ സോമയാഗം.

ഗുരുവായൂര്‍ ക്ഷേത്രം തന്ത്രി ബ്രഹ്മശ്രീ. ചേന്നാസ് ദിനേശന്‍ നമ്പൂതിരിപ്പാടിന്റെ നേതൃത്വത്തില്‍ രൂപീകരിച്ച യജ്ഞസമിതിയുടെ ആഭിമുഖ്യത്തില്‍ 2007 മാര്‍ച്ച് 23 മുതല്‍ 28 കൂടി ദിവസങ്ങളില്‍ നടക്കുന്ന ഈ സോമയാഗത്തെ മാ.രാ.രാ.ശ്രീ. മാനവേദസാമൂതിരിരാജ അവര്‍കളും തിരുവിതാംകൂര്‍ ഉത്രാടം തിരുനാള്‍ മഹാരാജാവും ഈ സംരംഭ്ത്തെ ആശീര്‍വദിച്ചിട്ടുണ്ട്.16 ഋത്വിക്കുകളുടെ സഹായത്തോടെ ഒരു സദസ്സിന്റെ സാന്നിദ്ധ്യത്തില്‍ തവനൂര്‍ മനയ്ക്കല്‍ പരമേശ്വരന്‍അടിതിരിപ്പാട് യജമാനനായും പത്നി രമണി അന്തര്‍ജ്ജനം പത്തനാടി ആയും കര്‍മമം നടക്കുന്നു. മേഴത്തോള്‍ അഗ്നിഹോത്രിയിടെ പാരമ്പര്യം സൃഷ്ടിച്ച നിളാ തീരത്താണ്‍ ഈ യജ്ഞഭൂമിയെന്നത് വളരെ പ്രാധാന്യമര്‍ഹിക്കുന്നു.കലാന്തരത്തില്‍ ഉണ്ടായ പോരായ്മ്കളോ വീഴ്ച്ചകളോ മൂലം മണ്‍ മറഞ്ഞുപോയതിനേ പുനരുജ്ജീവിപ്പിക്കുന്നുവെന്ന വിശേഷണം കൂടി പന്നിയൂര്‍ സോമയാഗത്തിനുണ്ട്.

അഗ്നിഷ്ടോമം ,അത്യാഗ്നീഷ്ടോമം,ഉക്ഥ്യം,ഷോഡശി,വാജപേയ,അതിരാത്രം,അപ്തോര്യാമ എന്നിങ്ങനെ സോമയാഗത്തിന് ഏഴ് പിരിവുകളുണ്ട്. ഇവയ്ക്കുള്ള ക്രിയകളെല്ലാം തന്നെ യജുര്‍ വേദാന്തര്‍ഗതങ്ങളാനേങ്കിലും മന്ത്രങ്ങള്‍ ഋക്സാമ വേദങ്ങളില്‍ നിന്നുമാണ്.മുഖ്യക്രിയ സോമാഹുതിയാണ്.ഈ ക്രിയ നടക്കുന്ന ദിവസത്തെ സൂത്യാഹസ്സ് എന്ന് പറയുന്നു.

അനപത്യ നിവാ‍രനത്തിനും (സന്താനലബ്ധി)കുട്ടികളുടെ ബുദ്ധിശക്തിക്കും ഉത്തമമായ സൌമ്യം എന്നു വിളിക്കുന്ന ഈ മഹാക്രിയയുടെ ഹവിസ്സ് യാഗശാലയില്‍ വെച്ച് സേവിക്കുന്നത് അതി വിശേഷമാണ്. താത്പര്യമുള്‍ലവര്‍ ബൊക്ക് ചെയ്ത് മാര്‍ച്ച് 28ന് പുലര്‍ച്ചെ ദമ്പതീ സമേതരായി പ്രസാദം സേവിക്കാന്‍ യാഗശാലയില്‍ ഹാജരാകേണ്ടതാണ്. വേദം മനുഷ്യ രാശിയുടെ പൊതുസ്വത്താണ്.അഹങ്കാരം, അസൂയ,സ്വാര്‍ഥത , ദുഷ്ടവിചാരം എന്നീ ദുര്‍ വാസനകളെ ഇദം ന മമഃ എന്ന ആത്മാര്‍ഥ പ്രാര്‍ഥന നടത്തി മന്ത്രോച്ചാരണസഹിതം വിശിഷ്ടദ്രവ്യങ്ങളെക്കൊണ്ട് ജ്ഞാനാഗ്നിയില്‍ ഹോമിച്ച് ലോകജനതയെ അജ്ഞാനാന്ധകാരത്തില്‍ നിന്ന് മോചിപ്പിച്ച് പ്രകൃതിയേയും പവിത്രീകരിക്കുന്ന പ്രക്രിയകള്‍ക്ക് സോമയാഗം പോലുള്ള യജ്ഞങ്ങള്‍ ശക്തി പകരുന്നു.തദ്വാരാ, ക്ഷേത്രതേജോവര്‍ദ്ധനയും നാടിന്റെ ഐശ്വര്യവും വര്‍ദ്ധിക്കുമെന്നും പ്രവചിക്കുന്നു.കൈമുക്ക് വൈദികരായ സര്‍വശ്രീ ജാതവേദന്‍ നമ്പൂതിരിയും ശ്രീധരന്‍ നമ്പൂതിരുയുമാണ് വൈദികക്രിയകള്‍ക്ക് നേതൃത്വം നല്‍കുന്നത്.സോമയാഗം നറ്റക്കുന്ന ദിവസങ്ങളിലും അതിനു മുന്‍പും കേരളത്തിനകത്തും പുറത്തുനിന്നുമുള്ള സാമുദായിക,സാംസ്കാരിക ,നയതന്ത്ര,കലാ പ്രഗത്ഭരെ പങ്കെടുപ്പിച്ചുകൊണ്ടുള്ള സെമിനാറുകളും സംഘടിപ്പിക്കുന്നുണ്ട്.യാഗശാലയിലെത്തുന്നവര്‍ക്ക് ഉച്ച നേരത്ത് പ്രസാദ ഊട്ടിനുള്ള ഒരുക്കങ്ങളും നടന്നു വരുന്നുണ്ട്. അത്യപൂര്‍വമായ സോമാപ്യായനമെന്ന കര്‍മത്താല്‍ പവിത്രമാക്കുന്ന ചിതി(ശ്വേനപ്പക്ഷി)യുടെയും ശ്രീ വരാഹമൂര്‍ത്തിയുടെയും രൂപം മുദ്രണം ചെയ്ത സ്വര്‍ണ ലോക്കറ്റുകള്‍ രണ്ടുഗ്രാം,നാലുഗ്രാം,എട്ടുഗ്രാം എന്നീ തൂക്കങ്ങളില്‍ (2500 ക,4500 ക,9000ക.)ക്രമപ്രകാരം വില നിശ്ചയിച്ച് തയ്യാറാക്കുന്നുണ്ട്.ഇവയ്ക്കുള്ള ബുക്കിങിന് ആവശ്യക്കാര്‍ മുഴുവന്‍ തുകയും അടച്ച് കൂപ്പണ്‍ എത്രയും പെട്ടെന്ന് കൈപ്പറ്റേണ്ടതാണ്.പൂജിച്ച് പവിത്രമാക്കിയ ലോക്കറ്റുകള്‍ 2007 മാര്‍ച്ച് 29 ന് കാലത്തു മുതല്‍ കൂപ്പണ്‍ ഹാജരാക്കുന്നവര്‍ക്ക് ലഭിക്കുന്നതാണ്.ശ്രീ വരാഹമൂര്‍ത്തി ക്ഷേത്രം, യജ്ഞസമിതി ഓഫീസ്,ധന ലക്ഷ്മി ബാങ്കിന്റെ എല്ലാ ശാഖകള്‍ , ഭീമ ജ്വല്ലേഴ്സിന്റെ ഷോരൂമുകള്‍ എന്നിവിടങ്ങളില്‍ കൂപ്പണ്‍ ലഭിക്കുന്നതാണ്.
സ്വര്‍ണം ,വസ്ത്രം, നെയ്യ് മറ്റു വിശിഷ്ട ദ്രവ്യങ്ങള്‍ , ഹോമത്തിനുപയോഗിക്കുന്ന മണ്‍ പാത്രങ്ങള്‍ തുടങ്ങിയവ വഴിപാടായി നല്‍കാന്‍ അപേക്ഷിക്കുന്നു.
കൂടാതെ യാഗദിനങ്ങളിലെ അതിഥികളായെത്തുന്ന ആയിരക്കണക്കിന് ഭക്ത ജനങ്ങള്‍ക്ക്
സൌജന്യ ഭക്ഷണം(പ്രസാദ ഊട്ട്) നല്‍കേണ്ടതിലേക്ക് സാധനങ്ങളായോ സാമ്പത്തികമായോ
മറ്റോ പരമാവധി സംഭാവന ചെയ്ത് സഹായിക്കാനും അപേക്ഷിക്കുന്നു.
അത്യപൂര്‍വമായി നടക്കുന്ന ഈ സോമയാഗത്തിന് ഓരോരുത്തരും പങ്കാളികളായി ഈ യജ്ഞ സംരംഭത്തെ വിജയിപ്പിക്കാനപേക്ഷിക്കുന്നു. ശ്രീ വരാഹമൂര്‍ത്തി ഭഗവത് കൃപ ഓരോരുത്തരിലും വര്‍ഷിക്കേണമെന്ന് പ്രാര്‍ഥിച്ച്

വന്ദനത്തോടെ ,
യജ്ഞസമിതിക്കു വേണ്ടി
എന്‍ . ആര്‍ നമ്പൂതിരി(ജനറല്‍ കണ്‍വീനര്‍ )
ബ്രഹ്മശ്രീചോന്നാസ് ദിനേശന്‍ നമ്പൂതിരിപ്പാട് ( (ഗുരുവായൂര്‍ തന്ത്രി) (ചെയര്‍മാന്‍ )

N.B:യാഗത്തിലെ നാമ സ്തുതികളും പന്ത്രണ്ട് ശസ്ത്രങ്ങളും അതി വിശിഷ്ടങ്ങളായി പറയപ്പെടുന്നു.
ദദസോമയാഗത്തില്‍ പങ്കെടുക്കാനെത്തി ച്ചേരുന്ന ആയിരക്കണക്കിനുപേര്‍ക്ക് അന്നദാനം നടത്തുന്നതിന് കഴിവിനനുസൃതമായി സംഭാവനകള്‍ നല്‍കിയോ അരി പച്ചക്കറി പലചരക്കുസാധനങ്ങള്‍ പാല്‍ മോര് നാളികേരം തുടങ്ങി ആവശ്യമായ പദാര്‍ഥങ്ങല്‍ നല്‍കിയോസഹായിക്കുക.

സോമാപ്യായനം ചെയ്തു പവിത്രമാക്കിയ സ്വര്‍ണലോക്കറ്റ് ആവശ്യമുള്ളവര്‍ ഉടന്‍ ബുക്ക് ചെയ്യുക.സൌമ്യം ഹവിസ്സ് ആവശ്യമുള്ളവര്‍ക്ക് 28-ആം തീയതി പുലര്‍ച്ചെ 2 മണിക്കും6 മണിക്കും ഇടയില്‍ യാഗഭൂമിയില്‍ വെച്ച് വിളമ്പി നല്‍കുന്നതാണ്.

50 ലക്ഷം രൂപ ചെലവ് പ്രതീക്ഷിക്കുന്ന ഈ മഹല്‍ യജ്ഞത്തിന് സംഭാവനയായോ സ്വര്‍ണം, വെള്ളി ,വസ്ത്രം,ധാന്യങ്ങള്‍ ,അത്യപൂര്‍വമായ മറ്റ് ഹോമദ്രവ്യങ്ങള്‍ തുടങ്ങിയവ സ്പോണ്‍സര്‍ ചെയ്ത് സഹായിക്കേണ്ടതാണ്.

കൂട്ടരേ, നോട്ടീസ് വായിച്ചുവല്ലോ.യജ്ഞസമിതിയിലുള്ള ഒരു പ്രധാനവ്യക്തി യജ്ഞത്തിന് ഒരു കോടിയിലധികം ചെലവു വരുമെന്ന് എന്നോട് പറയുകയുണ്ടായി.എന്തു പറയുന്നു.കടക്കെണിയില്‍ പെട്ട് മരിക്കുന്ന മലയാളികളെ ഈ യജ്ഞങ്ങള്‍ രക്ഷിക്കുമോ?
ഈ നോട്ടീസ് ഇവിടെ പ്രസിദ്ധീകരിച്ചത് വിപരീതഫലമേ ചെയ്യൂ എന്നറിയാഞ്ഞിട്ടല്ല.മതങ്ങളും ദൈവങ്ങളും മനുഷ്യരെ എങ്ങനെയെല്ലാം ചൂഷണം ചെയ്യാമെന്ന ഗവേഷണം തുടരുമ്പോള്‍
വിവേകമുള്ളവരെ ഉദ്ദേശിച്ച് ഈ നോട്ടീസ് ഇവിടെ ഒരു ചര്‍ച്ചയ്ക്കായി പതിക്കാമെന്ന് കരുതി.
കൂടുതല്‍ വിവരങ്ങള്‍ക്ക് വെബ് സൈറ്റുണ്ട്:ഇതാ...
പന്നിയൂരമ്പലത്തിന്റെ ചിത്രങ്ങള്‍...

യുറീക്കാ....യുറീക്കാ...

2006-12-28T13:33:00.000+05:30

പതിവു പോലെ ഇത്തവണയും കുട്ടികളുണ്ടാക്കിയ യുറീക്ക പുറത്തിറങ്ങി.മുന്‍ വര്‍ഷത്തേക്കാള്‍ അതിമനോഹരം എന്ന് ഒറ്റനോട്ടത്തില്‍ പറയാവുന്ന ഒന്നാണ് ഈ ലക്കം.കുട്ടികള്‍ എഴുതി കുട്ടികള്‍ എഡിറ്റു ചെയ്ത് പുറത്തിറക്കുന്ന ആറാമത്തെ യുറീക്കായാണിതെന്ന് മുഖക്കുറിപ്പില്‍ പറയുന്നു.കേരളത്തിലെ മുഖ്യധാരാബാലമാസികകള്‍ക്ക് ആവാത്തത് ചെയ്തു കാണിക്കുകയാണ് യുറീക്ക. ഇതിന്റെ ചുവട്പിടിച്ച് തത്തമ്മയും ഒരു ലക്കം കുട്ടികളെക്കൊണ്ട് എഡിറ്റ് ചെയ്ത് ഇറക്കിയിരുന്നു.
എന്താണ് ഇത്തരമൊരു ശ്രമത്തിന്റെ ആവശ്യമെന്ന് ചിലരെങ്കിലും ചിന്തിച്ചുകൂടായ്കയില്ല.ഇത്തരമൊരു രീതി
ലോകത്താദ്യമായി യുറീക്ക അവതരിപ്പിച്ചതാവാനും തരമില്ല.കുട്ടികള്‍ തന്നെ എഴുതി കുട്ടികള്‍ തന്നെ എഡിറ്റ് ചെയ്ത് പുറത്തിറക്കുന്ന പ്രസിദ്ധീകരണങ്ങള്‍ ലോകത്ത് വേറെയുമുണ്ടെന്നാണ് തോന്നുന്നത്.അറിയുന്നവര്‍ അതിവിടെ എഴുതുമല്ലോ.

മലയാളത്തില്‍ നല്ല ബാലസാഹിത്യകൃതികളുടെ അഭാവം കാര്യമായുണ്ട് എന്നാണ് എനിക്കു തോന്നുന്നത്.പ്രശസ്തരായ എഴുത്തുകാരൊന്നും ബാലസാഹിത്യം കൈകാര്യം ചെയ്യുന്നില്ലെന്നതാണ് ശ്രദ്ധേയമായ ഒരു കാര്യം.എം.ടി ഒരു മാണിക്യക്കല്ല് എഴുതിയിട്ടുണ്ട്.ടാഗോറോ ടോള്‍സ്റ്റോയിയോ ഇക്കാര്യത്തില്‍ നമുക്കില്ല.നമുക്കാകെയുള്ളത് ഒരു സിപ്പിപള്ളിപ്പുറമാണ്.സിപ്പിക്ക് തനതായ ഒരു ശൈലിയുണ്ട്.ഡി.പ്പി.ഇ.പി വന്നതുകൊണ്ട് ഒരുഗുണമുണ്ടായി.കുറെ അന്യഭാഷാ രചനകള്‍ മലയാളത്തിലേക്ക് തര്‍ജ്ജുമ ചെയ്ത് വന്നു.ഇതിലേറെയും ബാലസാഹിത്യ വിഭാഗത്തിലായിരുന്നു.മാത്രമല്ല ബാലസാഹിത്യത്തിന് ഒരു മാര്‍ക്കറ്റും ഉണ്ടായി.ഡി.പി.ഇ.പി കൊണ്ട് ഇങ്ങനെ ചില പരോക്ഷ ഗുണങ്ങളും ഉണ്ടായിട്ടുണ്ട്.ഉപഭോക്തൃസംസ്കാരത്തിലേക്ക് ആക്കം കൂട്ടുന്നാതാണെന്നതായിരുന്നല്ലോ അത് നേരിട്ട അനേകം ആരോപണങ്ങളില്‍ ഒന്നെന്ന് കാര്യവും വിസ്മരിക്കുന്നില്ല.അതിനെ തുടര്‍ന്നു വന്ന എസ്.എസ്.എ യും ഡി.പി.ഇ.പി യുടെ നല്ല വശങ്ങള്‍ പിന്തുടരുന്നുണ്ട്.സ്കൂള്‍ ഗ്രന്ഥശാലകള്‍ക്ക് ഫണ്ടനുവദിക്കുന്നതില്‍ വന്ന നല്ല മാറ്റമാണ് കേരളത്തിലെ ബാലസാഹിത്യകൃതികളുടെ എണ്ണം പെട്ടെന്ന് കൂട്ടിയതെന്ന് ഞാന്‍ വിശ്വസിക്കുന്നു.പക്ഷേ, തര്‍ജ്ജുമകളും സ്വതന്ത്രപരിഭാഷകളുമല്ലാതെ മലയാളത്തിന്റെ മണമൂള്ള ബാലസാഹിത്യകൃതികള്‍ ഇപ്പോഴും തുച്ഛമാണ്.വിശ്വ സാഹിത്യ കൃതികള്‍ ചെറുപ്പത്തിലേ പരിചയപ്പെടാമെന്ന ഒരു നല്ല വശം ഇതിനുണ്ട്.എങ്കിലും മലയാളത്തിന്റെ സ്വന്തമെന്ന് പറയാനാണെങ്കില്‍ ഞാനും നിങ്ങളും ചെറുപ്പത്തില്‍ വായിച്ചതില്‍ നിന്ന് വ്യത്യസ്തമായി നമ്മുടെ കുട്ടികള്‍ക്ക് പുതിയതായി ഒന്നും വായിക്കാനില്ല എന്നത് ഒരു ദുഃഖസത്യമാണ്.

ഇതര സാഹിത്യ പരിശ്രമങ്ങള്‍ പരാജയപ്പെട്ടതുകൊണ്ട് മാത്രം ബാലസാഹിത്യത്തില്‍ ഒരു കൈ നോക്കാന്‍ ഇറങ്ങിയവരാണ് ഇന്നത്തെ ബാലസാഹിത്യകൃതികളിലധികവും പടച്ചുവിടുന്നത്.ഇങ്ങനെയുള്ള സാഹചര്യത്തിലാണ് യുറീക്കയുടെ ഈ ശ്രമത്തിന്റെ പ്രസക്തി.കുട്ടികളുടെ സര്‍ഗ്ഗവാസനകള്‍ തിരിച്ചറിയാനും പോഷിപ്പിക്കാനും മറ്റ് ലാഭങ്ങളൊന്നുമില്ലതെ ഇങ്ങനെയൊക്കെ ചെയ്യുന്നത് കണ്ടില്ലെന്ന് നടിക്കുന്നതെങ്ങനെ?
എങ്കിലും യുറീക്കയ്ക്ക് ചില ദോഷങ്ങളുള്ളത് അതിന്റെ ഇപ്പോഴത്തെ എഡിറ്ററായ ശ്രീ രാമകൃഷ്ണന്‍ കുമരനെല്ലൂരിനോട് ഞാന്‍ പറഞ്ഞിരുന്നു.യുറീക്കയില്‍ എഴുതുന്നവരധികവും വള്ളുവനാട്ടുകാരാണ്.എഴുതുന്നതാവട്ടെ നാട്ടു ഭാഷയിലും .മലയാളസിനിന്മയും എം.ടിയും ഈ നാട്ടുഭാഷയ്ക്ക് വേണ്ടത്ര പ്രചാരം കൊടുത്തിട്ടുള്ളതിനാല്‍ ഇതൊരു പ്രശ്നമായി ആര്‍ക്കും തോന്നിക്കാണില്ല.
ഇതൊരു തരം പക്ഷ്പാതിത്ത്മായാണ് എനിക്ക് തോന്നിയത്. എന്റെ കുഴപ്പമാവാം.ഇതിന് രാമകൃഷ്ണന്‍ പറഞ്ഞ മറുപടി രസകരമാണ്.തിരുവനന്തപുരത്തുള്ള ആളും എന്തെങ്കിലും എഴുതി അയയ്ക്കുന്നത് വള്ളുവനാടന്‍ ഭാഷയിലാണത്രേ...പിന്നെന്തു ചെയ്യും.

മറ്റൊന്ന്,നിലവാരത്തില്‍ വന്ന അപചയമാണ്. കുട്ടികളോട് സൌഹൃദപരമാക്കാനാണെന്നാവും അതിന് ന്യായമെന്ന് കരുതുന്നു.പണ്ട് യുറീക്കയില്‍ എഴുതിയിരുന്നത് ശാസ്ത്രജ്ഞരോ അതിനോടടുത്തു നില്ക്കുന്ന ഗവേഷകരോ പണ്ഡിതരോ ആയിരുന്നു. ഇപ്പോള്‍ എഴുതുന്നവര്‍ വെറും ബാലസാഹിത്യകാരന്മാര്‍ മാത്രമാണ്.

എന്തെല്ലാം പറഞ്ഞാലും ഡിസംബര്‍ രണ്ടാം ലക്കത്തെ എത്ര അഭിനന്ദിച്ചലും മതിയാവില്ല.ഇത്തവണത്തെ കുട്ടികളുണ്ടാക്കിയ യൂറീക്കയ്ക്ക് മറ്റൊരു പ്രത്യേകതയുണ്ട്.ഇപ്രാവശ്യത്തേത് കുട്ടികളുടേയും വലിയവരുടേയും ഒരു കൂട്ടായ്മയാണ്. അതായത് കുട്ടികള്‍ എഴുതുകയും എഡിറ്റ് ചെയ്യുകയും ചെയ്താണെകിലും ഈ ലക്കത്തില്‍ അവരുടെ രചനകള്‍ക്ക് ചിത്രങ്ങള്‍ വരച്ചിരിക്കുന്നത് കേരളത്തിലേ പ്രശസ്ത ചിത്രകാരന്മാരും കവികളുമാണ്.ഈ ലക്കം എനിക്ക് ഒരു നൊസ്റ്റാള്‍ജിക് പതിപ്പായി തോന്നിച്ചു. കൃത്യമായിപ്പറഞ്ഞാല്‍ ഞാനൊരു പഴയ മാസികയെ ഓര്‍മിച്ചു.കുട്ടികളെ ഭാവനയുടെ സ്വപ്ന സമാനമായ വഴികളിലൂടെ നടത്തിയ, എന്റെ കുട്ടിക്കാലത്തെ കഥകളുടെയും ചിത്രങ്ങളുടെയും വിസ്മയങ്ങളുടെ നിഗൂഢമായ ദ്വീപുകളിലേക്ക് കൊണ്ടുപോയ ...‘അമ്പിളിഅമ്മാവന്‍' എന്ന മാസിക.നിങ്ങളില്‍ ചിലരെങ്കിലും ആ മാസികയെ ഓര്‍ക്കുന്നുണ്ടാവും.

യുറീക്കയിലേക്ക് തിരിച്ചുവരാം.ആരൊക്കെയാ‍ണ് ഈ ലക്കം യുറീക്കയില്‍ ചിത്രങ്ങള്‍ വരച്ചെതെന്നറിയേണ്ടേ?
നമ്പൂതിരി,ജെ.ആര്‍ പ്രസാദ്,അമ്പിളി,മദനന്‍ ,ശേഖര്‍ അയ്യന്തോള്‍ ,പുണിഞ്ചിത്തായ,ഗണപതി,കെ .യു കൃഷ്ണകുമാര്‍ ,കൃഷ്ണന്‍ തുടങ്ങിയ നിരവധി പ്രസിദ്ധര്‍ ഈ ലക്കത്തില്‍ കുട്ടികളുടെ രചനകളെ ചിത്രങ്ങള്‍ കൊണ്ട് അനുഗ്രഹിച്ചിരിക്കുന്നു.പി. പി രാമചന്ദ്രന്‍ ,റഫീക് അഹമ്മദ്,ശാന്തന്‍ തിടങ്ങിയ കവികളും ചിത്രം വരച്ചിട്ടുണ്ട്.ഇതില്‍ ചില ചിത്രങ്ങള്‍ എനിക്ക് വല്ലാതെ ഇഷ്ടപ്പെട്ടു.അരുണ്‍ ഒടുമ്പ്ര,സന്ദീപ് കെ ലൂയീസ്,ശേഖര്‍ അയ്യന്തോള്‍ തുടങ്ങിയവരുടെ ചിത്രങ്ങള്‍ എടുത്തു പറയുകയാണ്.കഥാകൃത്താ‍യ ഹാഫിസ് മുഹമ്മദ് ഒരുചിത്രം വരച്ചിട്ടുണ്ട്.ഇനിയും പല പ്രമുഖരുമുണ്ട്.വാസു പ്രദീപിന്റെ ഒരു ചിത്രം കണ്ടു.

കുട്ടികളുടെ രചനകളും ഒന്നാന്തരമായിട്ടുണ്ട്.ഹരിത ആര്‍ എഴുതിയ ഒരു തിരക്കഥയുണ്ട്.ഹരിത പൊന്നാനി എ.വി സ്കൂളിലെ പത്താം തരം വിദ്യാര്‍ഥിനിയാണ്.(കവിയും എ.വി സ്കൂല്‍ അധ്യാപകനുമായ പി.പി രാമചന്ദ്രന്റെ മകളാവുമെന്ന് ഞാന്‍ കരുതുന്നു. സംശയനിവാരണം വരുത്തിയിട്ടില്ല.)ഒളിച്ചുകളി എന്ന ഈ തിരക്കഥ അസാധാരണമായ നിലവാരം പുലര്‍ത്തുന്നതാണ്:

അമ്മുവും ഉണ്ണിയും ഒളിച്ചു കളിക്കുകയാണ്.ഉണ്ണി എണ്ണുകയാണ്. എണ്ണുന്നതിനിടയില്‍ ഉണ്ണി ഒരു എട്ടുകാലിയെ കാണുന്നു.അവന്റെ ശ്രദ്ധ തെറ്റുന്നു..അവന്‍ എണ്ണിത്തീരുന്നു.ഉണ്ണി ചിലന്തിവല നോക്കി നില്‍ക്കുകയാണ്.അമ്മു അവന്‍ കണ്ടൊട്ടെ എന്ന് വിചാരിച്ച് ഒളിയിടത്തില്‍ നിന്ന് തന്റെ പാവാട ഉണ്ണിക്ക് കാണാനാവും വിധം വിടര്‍ത്തിയിടുന്നുണ്ട്. പക്ഷേ ഉണ്ണി തുമ്പിയുടേയും ഉറുമ്പിന്റേയും പിന്നാലെ പോവുന്നു. അവന്‍ കളിയെക്കുറിച്ച് മറന്നു പോയിരിക്കുന്നു.
പെട്ടെന്ന് മഴ വന്നു .ഉണ്‍നി മഴ നോക്കിയിരിക്കുന്നു. അവന്‍ ഒരു തോണിയുണ്ടാക്കുന്നു.തോണിയില്‍ ഒരു ഉറുമ്പിനെ പിടിച്ചിട്ട് വീട്ടുമുറ്റത്തെ വെള്ളത്തില്‍ തോണിയിറക്കുന്നു. തോണികാണാന്‍ ചേച്ചിയെ വിളിക്കുന്നു.അപ്പോഴാണ് അവന് ചേച്ചിയെ(അമ്മുവിനെ) ഓര്‍മ്മ വരുന്നത്.അവന്‍ ചേച്ചീ എന്ന് വിളിച്ച് ഓടി നടന്ന് തിരയുന്നു.അമ്മുവിനെ കാണുന്നില്ല.തോണി ഒഴുകിപ്പോവുന്നത് അവന്‍ കാണുന്നു.തോണി ഒരു തോട്ടിലേക്ക് കടക്കുന്നു.ഉണ്ണി ഓടി തോടിന്റെ വക്കത്തു വന്ന് നില്‍ക്കുന്നു.അവന്റെ മുഖത്ത് പരിഭ്രമവും അത്ഭുതവും.അവനുണ്ടാക്കിയ കടലാസു തോണിയില്‍ അമ്മു തുഴഞ്ഞ് പോവുന്നത് അവന്‍ കാണുന്നു.അമ്മു പുഞ്ചിരിച്ചുകൊണ്ട് കൈവീശികാണിക്കുന്നു.അവള്‍ തോണി തുഴഞ്ഞ് അകലേക്ക് പോവുന്നു.....

ഹാ..എത്ര മനോഹരമായ ത്രെഡ്. എങ്ങനെയാണ് ഈ കുട്ടിയെ അഭിനന്ദിക്കാതിരിക്കുക.വായനക്കാരേ,യുറീക്ക വായിച്ച് ഈ കുട്ടിക്ക് ഒരഭിനന്ദനക്കുറിപ്പെഴുതണമെന്ന് ഞാന്‍ ശുപാര്‍ശ ചെയ്യുന്നു.അല്ലെങ്കില്‍ നിങ്ങളുടെ അഭിപ്രായങ്ങള്‍ ഇവിടെ കുറിച്ചിടുകയുമാവാം.ഹരിതയ്ക്ക് ഇത് കാണാനുള്ള സൌകര്യങ്ങളുണ്ടെന്ന് ഞാന്‍ കരുതുന്നു.
.

എയര്‍ടെല്‍ ,ഇത് ശരിയോ...?

2006-12-25T21:26:00.000+05:30

ഈ എയര്‍ടെല്‍ ഇല്ലായിരുന്നെങ്കില്‍ വിഷ്ണുപ്രസാദ് എന്ന ഒരു ബ്ലോഗര്‍ ഉണ്ടാവില്ലായിരുന്നു.മാത്രമല്ല ഈ ബൂലോകത്തെ കൂട്ടുകാരെയാരെയും എനിക്ക് കിട്ടില്ലായിരുന്നു.എയര്‍ടെല്ലിന് നന്ദി പറഞ്ഞ് ഒരു പോസ്റ്റിട് എന്ന് മനസ്സ് പല തവണ പറഞ്ഞതാണ്.എന്റെ മടി കൂട്ടാക്കിയില്ല. അല്ലെങ്കില്‍ സ്വയം പ്രകാശനം എന്ന കിട്ടാക്കനി കിട്ടിയപ്പോള്‍ ഞാനത് സൌകര്യ പൂര്‍വം മാറ്റിവെച്ചു.

മാസം 250രൂപ കൊടുത്ത് ഒരു GPRSകാര്‍ഡ് എടുത്താല്‍ ഒരു മാസം പരിധിയില്ലാത്ത ഇന്റര്‍നെറ്റ് ഉപയോഗമാണ് എയര്‍ടെല്‍ വാഗ്ദാനം ചെയ്തിരുന്നത്.സെപ്റ്റംബര്‍ മാസം മുതലാണ് ഞാന്‍ എയര്‍ടെല്ലിന്റെ സേവനം ഉപയോഗപ്പെടുത്തിതുടങ്ങിയത്.നവംബര്‍ മാസം വരെ പ്രശ്നങ്ങളൊന്നുമുണ്ടായില്ല.

നവംബര്‍ ഒടുവില്‍ ഞാന്‍ വീണ്ടും പതിവു പോലെ റീചാര്‍ജ് ചെയ്തു.പുതിയ GPRSകാര്‍ഡും എടുത്തു.അന്നു മുതല്‍ തുടങ്ങിയതാണ് പ്രശ്നങ്ങള്‍ .ഒരു ദിവസം നെറ്റില്‍ ബ്രൌസ് ചെയ്തുകൊന്റിരിക്കുമ്പോള്‍ കുറേ മെസ്സേജുകള്‍ വന്നു. എയര്‍ടെല്‍ ലൈവ് ഉപയോഗിച്ചതിന് നന്ദി സൂചിപ്പിക്കുന്ന മെസ്സേജുകളായിരുന്നു അവ.ഞാനത് കാര്യമാക്കിയില്ല.ഞാന്‍ എയര്‍ടെല്‍ ലൈവ് ഉപയോഗിക്കുന്നില്ലല്ലോ.
പക്ഷേ പിറ്റേന്ന് അന്തം വിട്ടു. എനിക്ക് നെറ്റ് ഉപയോഗിക്കാന്‍ കഴിയുന്നില്ല.ആര്‍ക്കും വിളിക്കാന്‍ പറ്റുന്നില്ല. ബാലന്‍സ് നോക്കിയപ്പോള്‍ മൈനസ്ബാലന്‍സും.മൊബൈല്‍ വാങ്ങി അധികമൊന്നും ആയിട്ടില്ലാത്ത എനിക്ക് ആരോടാണ് പരാതി പറയേണ്ടതെന്ന് വരെ അറിയില്ലായിരുന്നു(ഇത് കേള്‍ക്കുമ്പോള്‍ നിങ്ങള്‍ ചിരിക്കുന്നത് എനിക്ക് കാണാം ).ഞാന്‍ റീചാര്‍ജ് ചെയ്യുന്ന കടയില്‍ പോയി അവിടെ നില്‍ക്കുന്ന കുട്ടിയോട്
വിവരങ്ങള്‍ പറഞ്ഞു.കസ്റ്റമെര്‍ കെയറിലേക്ക് വിളിച്ചു പരാതി ബോധിപ്പിച്ചു.എന്തായാലും 24 മണിക്കൂര്‍ കഴിഞ്ഞേ നടപടിയുണ്ടാവൂ എന്ന് അറിയിച്ചു. അതുവരെ എങ്ങനെ ഈ ബൂലോകത്തെ വിട്ടു നില്‍ക്കും ? എന്റെ ഈ ഭ്രാന്ത് കാരണം ഞാന്‍ ഒന്നും ആലോചിക്കാതെ അപ്പോള്‍ തന്നെ ഒരു 100 രൂപയുടെ ടോപ് അപ് എടുത്തു.അതില്‍ ശരിക്ക് 90 രൂപയിലധികം ടോക് ടൈം കിട്ടേണ്ടതാണ്. മൈനസ് ബാലന്‍സ് ഉള്ളതു കാരണം ബാലന്‍സായി 82 രൂപയും ചില്ലറയുമാണ് എനിക്ക് ലഭിച്ചത്.ഞാന്‍ വീട്ടില്‍ വന്ന് വീണ്ടും ബ്ലോഗാനിരുന്നു. പെട്ടെന്ന് കമ്പ്യൂട്ടര്‍ ചില തകരാറുകള്‍ കാണിച്ച് പൂര്‍ണമായും നിശ്ചലമായി. CPUവിലെ ഫാനുകളൊന്നും കറങ്ങുന്നില്ല. മദര്‍ബോഡിലെ ഇന്‍ഡികേറ്റര്‍ മാത്രം കത്തുന്നുണ്ട്.ഞാന്‍ നേരെ കുന്നംകുളത്തേക്ക് വെച്ചുപിടിച്ചു.വഴിയില്‍ വെച്ച് ഒരു ടെക്നീഷ്യന്റെ നമ്പറില്‍ വിളിച്ചു. അതു കഴിഞ്ഞതും തുരു തുരെ സന്ദേശങ്ങള്‍ വന്നു. പ്രതിപാദ്യ വിഷയം പഴയതു തന്നെ. ഞാന്‍ ബാലന്‍സ് പരിശോധിച്ചു. 40 രൂപ കുറഞ്ഞിരിക്കുന്നു. വൈകുന്നേരമായപ്പോഴേക്കും കാശൊക്കെ തീര്‍ന്നു..കസ്റ്റമര്‍ കെയറിലേക്ക് വിളിച്ചു.നിരന്തരം വിളിച്ചു. അവര്‍ പലതരം ആരോപണങ്ങള്‍ ഉന്നയിച്ചു.ഞാന്‍ ചാര്‍ജബിള്‍ സൈറ്റുകളില്‍ കയറിയെന്നാണ് ഒന്ന്. മറ്റൊന്ന് ഞാന്‍ വാള്‍പേപ്പറും റിങ്ടോണും ഡൌണ്‍ ലോഡ് ചെയ്തുവെന്നാണ്. സത്യത്തില്‍ ഇതൊന്നും ഞാന്‍ ചെയ്തിട്ടില്ല.ഞാനല്ലാതെ വീട്ടില്‍ ആരും നെറ്റ് ഉപയോഗിക്കുന്നില്ല. അവസാ‍നം അവര്‍ സമ്മതിച്ചു നഷ്ടപ്പെട്ട കാശ് റീഫണ്ട് ചെയ്തു.പക്ഷേ പ്രശ്നം അതുകൊണ്ടും തീര്‍ന്നില്ല.

ഈ സന്ദേശങ്ങളുടെ വരവ് തുടരുകയാണ്. ഇതിനകം പലതവണ കാശ് പോവുകയും നിരന്തരം വിളിച്ച് ബുദ്ധിമുട്ടിയതുകൊണ്ടുമാത്രം പലതവണ റീഫണ്ട് ചെയ്യുകയും ചെയ്തു. പക്ഷേ അതു കൊന്റ് ഒരു കാര്യവുമില്ല. റീഫണ്ട് ചെയ്ത് അഞ്ചാറ് മണിക്കൂര്‍ കഴിഞ്ഞാല്‍ വീണ്ടും തഥൈവ. അന്ന് 100 രൂപയ്ക്ക് ടോപ് അപ് എടുത്തതിനു ശേഷം ഞാന്‍ രണ്ട് മൂന്ന് ലോക്കല്‍കാളുകള്‍ മത്രമേ വിളിച്ചിട്ടൂള്ളൂ.ഇപ്പോള്‍
എന്റെ ബാലന്‍സ് അഞ്ചു രൂപയാണ് സുഹൃത്തുക്കളേ. ആദ്യത്തെ സംഭവത്തിനു ശേഷം തന്നെ എന്റെ മൊബൈലിലെ എയ്ര്ടെല്‍ ലൈവിന്റെ അഡ്രസ്സ് ഞാന്‍ ഡിലിറ്റിയിരുന്നു.എന്നിട്ടും സന്ദേശങ്ങള്‍ വരികയാണ്: എയര്‍ടെല്‍ ലൈവ് ഉപയോഗിച്ചതിന് നന്ദി....

കസ്റ്റമര്‍ കെയറിലേക്ക് വിളിച്ചാല്‍ പരിഹാരത്തിന് 24 മണിക്കൂര്‍ കഴിയണം. 48 മണിക്കൂര്‍ കഴിഞ്ഞ് വിളിച്ചാല്‍
ഒരു 6മണിക്കൂര്‍ കൂടി കാത്തിരിക്കൂ‍ എന്ന് പറയും .ചിലര്‍ പഴയ ആരോപണങ്ങള്‍ ആവര്‍ത്തിക്കും.ഞാന്‍ മടുത്തു.എയര്‍ ടെല്‍ , ഇങ്ങനെ നിന്നെ കൊണ്ടുനടക്കാന്‍ എനിക്കാവില്ല. അതുകൊണ്ട് ബൂലോകരേ, ചിലപ്പോള്‍ എയര്‍ടെല്ലിന്റെ കണക്ഷന്‍ ഞാന്‍ ഒഴിവാക്കിയാല്‍ ഈ ബൂലോകം എങ്ങനെ എനിക്ക് തിരിച്ചുകിട്ടും...?

ഞാനെഴുതിയ പാട്ട് ‘മദിരാ മദിരാ...’ചാനലുകളില്‍

2006-12-14T17:09:00.000+05:30

ഞാന്‍ ഒരു ആല്‍ബത്തിന് പാട്ടെഴുതിയിരുന്നു.ആല്‍ബത്തില്‍ ഞാനെഴുതിയ ആറ്പാട്ടുകളും പ്രശസ്ത കവി റഫീക് അഹമ്മദിന്റെ മൂന്ന് പാട്ടുകളും ഉണ്ട്.സംഗീതം നല്‍കിയിരിക്കുന്നത്നാസര്‍ മാലിക്,ഷറഫുദ്ദീന്‍ എന്ന രണ്ട് നവാഗതരാണ്.ഇവര്‍ രണ്ടു പേരും തൃത്താലക്കാരായതുകൊണ്ടാണ് എനിക്കിങ്ങനെ ഒരവസരം ലഭിച്ചത്. പ്രൊഡ്യൂസറും തൃത്താലക്കാരനാണ്‌-റഹീസ്,ഇപ്പോള്‍ ഗള്‍ഫിലാണ്.മൂന്ന് തൃത്താലക്കാരും 24 വയസ്സിനു ചുവടെയുള്ളവര്‍ .

പാടിയത്ഫ്രാങ്കോ,മധു ബാലകൃഷ്ണന്‍ ,ഗായത്രീ വര്‍മ,ഷഹബാസ് അമന്‍ ,വിധു പ്രതാപ് തുടങ്ങിയവരാണ്.ഓര്‍ക്കസ്ട്രേഷന്‍‌ -അശ്വിന്‍ ശിവദാസ്.

മദിരാ മദിരാ എന്ന പാട്ടാണ് ഇപ്പോള്‍ ചാനലുകളില്‍ വരുന്നത്.(14/12/2006 വെള്ളി)ഏഷ്യാനെറ്റ് പ്ലസിലെ മിസ്റ്റ് എന്ന പരിപാടിയില്‍ ഈ പാട്ട് ഉണ്ടാവുമെന്ന് നാസര്‍ എന്നെ ഇപ്പോള്‍ അറിയിച്ചു.ഇതിന്റെ ക്യാമറ:പ്രജിത്ത്.സംവിധാനം:സാദിഖ് തൃത്താല..
ആല്‍ബത്തില്‍ നായകവേഷം ചെയ്തിരിക്കുന്നത് ഡെയ്ഞ്ചറസ് ബോയ്സ് ഫെയിം ഫിറോസ്ഖാനാണ്.രസ്നയാണ് നായിക.

പ്രിയപ്പെട്ടവരേ,
ഞാനൊരു പാട്ടെഴുത്തുകാരനാവണമെന്ന് ആഗ്രഹിച്ചിരുന്നതല്ല.അങ്ങനെ സംഭവിച്ചുപോയി...ഓ.ക്കെ...?
പാട്ടുകേട്ട്(കണ്ട്)എന്നെ തല്ലാന്‍ വരല്ലേ.നല്ല അഭിപ്രായം വല്ലതുമാണെങ്കില്‍ ഇതിന്റെ ചുവട്ടില്‍ എഴുതാനും മറക്കണ്ട.

സാമൂഹ്യവിരുദ്ധരെ ആവശ്യമുണ്ട്....

2006-12-12T14:21:00.000+05:30

ഇന്ന്12/12/2006 ദീപികയിലെ പാലക്കാട് പേജിലെ ഒരു വാര്‍ത്ത നോക്കൂ:എസ്.സി പ്രൊമോട്ടര്‍ അപേക്ഷ ക്ഷണിച്ചു

ഈ പണിക്ക് ഇപ്പോള്‍ സാമൂഹ്യവിരുദ്ധരെയാണത്രേ എടുക്കുന്നത്..:)
എങ്ങനെയുണ്ട് ദീപികയുടെ പണി.

poems

2006-11-24T18:01:00.000+05:30

poems in moonnaamitam

2006-10-10T19:56:00.000+05:30